OBC અનામત કેસમાં યોગી સરકારને રાહત, હાઈકોર્ટના આદેશ પર SCની

નવી દિલ્હી: ઉત્તર પ્રદેશમાં નાગરિક ચૂંટણીને લઈને મોટા સમાચાર સામે આવ્યા છે. જણાવી દઈએ કે, સુપ્રીમ કોર્ટે બુધવારે અલ્હાબાદ હાઈકોર્ટના આદેશ પર સ્ટે મૂક્યો હતો, જેમાં ઉત્તર પ્રદેશને ઓબીસી માટે અનામત વિના શહેરી સ્થાનિક સંસ્થાઓની ચૂંટણીઓ કરાવવાનો નિર્દેશ આપવામાં આવ્યો હતો.

કોર્ટે કહ્યું કે, "ઉત્તર પ્રદેશ દ્વારા નિયુક્ત પેનલે ત્રણ મહિનામાં રાજ્યમાં સ્થાનિક સંસ્થાઓની ચૂંટણીઓ માટે OBC અનામત સંબંધિત મુદ્દાઓ પર નિર્ણય લેવાનો રહેશે."

આ પણ વાંચો: યુપી સ્થાનિક સંસ્થા ચૂંટણીને લઈને CM યોગી આદિત્યનાથની મોટી જાહેરાત- OBC અનામતને લઈને જાણો શું કહ્યું

સુપ્રીમ કોર્ટે પોતાના આદેશમાં કહ્યું કે, સ્થાનિક સંસ્થાઓના વહીવટમાં વિક્ષેપ ન આવે તે સુનિશ્ચિત કરવા માટે, યુપી સરકાર કાર્યકાળ સમાપ્ત થયા પછી સત્તા સોંપવા માટે સ્વતંત્ર હશે. આ સાથે, સર્વોચ્ચ અદાલતે સ્પષ્ટ કર્યું કે, ઉત્તર પ્રદેશ સ્થાનિક સંસ્થાઓનો કાર્યકાળ પૂરો થયા પછી, જે પ્રશાસકોને તેમની સત્તાઓ સોંપવામાં આવશે, તેઓ મોટા નીતિગત નિર્ણયો લેશે નહીં.

શું છે આ સમગ્ર મામલો?

જણાવી દઈએ કે, ગયા વર્ષે 27 ડિસેમ્બરે યોગી સરકારને હાઈકોર્ટ તરફથી મોટો ઝટકો લાગ્યો હતો. ત્યારબાદ કોર્ટે રાજ્ય સરકારની ઓબીસી યાદીને ફગાવી દીધી હતી, જેના આધારે નાગરિક ચૂંટણી કરાવવાની તૈયારીઓ કરવામાં આવી રહી હતી. હાઈકોર્ટે સ્પષ્ટ કહ્યું હતું કે, રાજ્ય સરકારે સુપ્રીમ કોર્ટના નિયમોનું પાલન કર્યું નથી અને તેના વગર ચૂંટણીની જાહેરાત કરવામાં આવી છે. ત્યારે કોર્ટે સરકારને એમ પણ કહ્યું હતું કે, તે ઓબીસી અનામત વિના ચૂંટણી કરાવી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: OBC, Supreme Court, Uttar pradesh government