Home /News /national-international /Russia-Ukraine War: શું છે લેપર્ડ-2 ટેંક, જેને યુક્રેન યુદ્ધનું બ્રહ્માસ્ત્ર કહે છે, જાણો તેની ખાસિયત

Russia-Ukraine War: શું છે લેપર્ડ-2 ટેંક, જેને યુક્રેન યુદ્ધનું બ્રહ્માસ્ત્ર કહે છે, જાણો તેની ખાસિયત

Leopard-2 વિશ્વની અગ્રણી યુદ્ધ ટેન્કમાંથી એક

Russia-Ukraine War: મિલિટરી વેપન્સ એક્સપર્ટ્સનું કહેવું છે કે, જર્મન બનાવટની લેપર્ડ-2 દુનિયાની સૌથી પ્રખ્યાત બેટલ ટેંકમાંથી એક છે. કદાચ અમેરિકાની M1 અબ્રામ્સ ટેંક પછી બીજા ક્રમે છે. 1970ના દાયકામાં શીત યુદ્ધ દરમિયાન સોવિયેત ધમકીઓના જવાબમાં પશ્ચિમ જર્મન સૈન્ય માટે લેપર્ડ -2 ટેંક ડિઝાઇન કરવામાં આવી હતી.

વધુ જુઓ ...
    કિવ: છેલ્લા એક વર્ષથી ચાલી રહેલા રશિયા-યુક્રેન યુદ્ધે સમગ્ર વિશ્વનું ધ્યાન ખેંચ્યું છે. યુદ્ધમાં રશિયા તેની વિનાશક મિસાઇલો અને ડ્રોનથી યુક્રેનમાં તબાહી મચાવી રહ્યું છે. જ્યારે યુક્રેનની સેના પણ તેની સામે નીડરતાથી લડી રહી છે. યુક્રેનને મદદ કરવા માટે પશ્ચિમી દેશોએ જર્મની પર લેપર્ડ-2 ટેન્ક આપવા દબાણ કર્યું છે. જો યુક્રેનને લેપર્ડ-2 ટેન્ક મળી જાય તો તે રશિયા સાથે યુદ્ધ લડવામાં એક મોટું હથિયાર સાબિત થઈ શકે છે. શુક્રવારે 50 દેશો રશિયન દળોનો સામનો કરવા માટે સશસ્ત્ર વાહનો અને દારૂગોળો સહિતના લશ્કરી હાર્ડવેરમાં કિવને અબજો ડોલર આપવા સંમત થયા હતા.

    લેપર્ડ-2 એ M1 અબ્રામ્સ ટેન્ક પછી બીજા ક્રમે


    એનપીઆરના એક અહેવાલ પ્રમાણે લશ્કરી શસ્ત્રોના નિષ્ણાતોનું કહેવું છે કે, ‘જર્મન બનાવટની લેપર્ડ-2 એ વિશ્વની સૌથી પ્રખ્યાત યુદ્ધ ટેન્કોમાંની એક છે, જે કદાચ અમેરિકન બનાવટની M1 અબ્રામ્સ ટેન્ક પછી બીજા ક્રમે છે. લીઓપાર્ડ-2 મૂળરૂપે 1970ના દાયકામાં શીત યુદ્ધ દરમિયાન સોવિયેત ધમકીઓના જવાબમાં પશ્ચિમ જર્મન સૈન્ય માટે બનાવવામાં આવ્યું હતું.’

    આ પણ વાંચો: રાજધાની એક્સપ્રેસમાં બોમ્બના ખોટા સમાચાર મળ્યા, એરફોર્સ અધિકારીની કરાઈ ધરપકડ

    44 માઇલ પ્રતિ કલાકની ઝડપે ચલાવી શકે


    ટેંકના નિર્માતા જર્મન સંરક્ષણ કંપની ક્રાઉસ-માફી વેગમેનના જણાવ્યા પ્રમાણે, ‘દરેક ટેંકમાં 44- અથવા 55-કેલિબરની 120-એમએમની મુખ્ય બંદૂક અને 1,500-હોર્સપાવર એન્જિનથી સજ્જ હતી. જે 44 માઇલ પ્રતિ કલાકની ઝડપે ચલાવી શકે છે. યુક્રેનિયન અધિકારીઓના જણાવ્યા પ્રમાણે આવી ટેન્ક યુક્રેન માટે જીતની ચાવી બની શકે છે.’

    આ પણ વાંચો: સુરતમાં સરથાણા વિસ્તારમાંથી પિસ્ટલ સાથે આરોપીની ધરપકડ

    ટેંકો યુદ્ધના મેદાનમાં મુખ્ય હથિયાર


    રશિયાએ ગયા ફેબ્રુઆરીમાં યુક્રેન પર આક્રમણ શરૂ કર્યું ત્યારથી ટેંકો યુદ્ધના મેદાનમાં મુખ્ય છે. યુક્રેન તેના ભાગ માટે મોટે ભાગે સોવિયેત યુગની T-72 ટેન્કો પર આધાર રાખે છે. યુ.એસ.એ ગુરુવારે યુક્રેન માટે $2.5 બિલિયનના શસ્ત્રો અને દારૂગોળાના બીજા વિશાળ પેકેજની જાહેરાત કરી હતી. યુક્રેન તરફી પશ્ચિમી દેશોએ કિવને તેના સશસ્ત્ર દળોને મજબૂત કરવાની માંગને ધ્યાનમાં રાખીને મોટી સંખ્યામાં સશસ્ત્ર વાહનો આપવાનો નિર્ણય કર્યો છે. જેથી તે રશિયન હુમલાનો સામનો કરી શકે.
    Published by:Vimal Prajapati
    First published:

    Tags: Russia and Ukraine War, Ukraine Russia War, Ukraine war

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन