Home /News /national-international /

Udaipur Murder : ઉદયપુરમાં વેપારીની નિર્દયતાથી હત્યા, ઈન્ટરનેટ બંધ, સાત પોલીસ સ્ટેશન વિસ્તારમાં કર્ફ્યૂ

Udaipur Murder : ઉદયપુરમાં વેપારીની નિર્દયતાથી હત્યા, ઈન્ટરનેટ બંધ, સાત પોલીસ સ્ટેશન વિસ્તારમાં કર્ફ્યૂ

ઉદેપુર વેપારીની હત્યા

Udaipur Murder : સીએમ અશઓક ગેહલોતે કહ્યું, ઉદયપુરમાં યુવકની જઘન્ય હત્યાની નિંદા કરું છું. આ ઘટનામાં સંડોવાયેલા તમામ ગુનેગારો સામે કડક કાર્યવાહી કરવામાં આવશે. તમામ પક્ષોને શાંતિ જાળવવા અપીલ કરું છું. આવા જઘન્ય ગુનામાં સંડોવાયેલા દરેક વ્યક્તિને સખત સજા કરવામાં આવશે

વધુ જુઓ ...
    ઉદયપુર : રાજસ્થાન (Rajasthan) ના ઉદયપુર (Udaipur) માં મંગળવારે ધોળા દિવસે એક વેપારીની દુકાનમાં ઘૂસીને નિર્દયતાથી હત્યા કરવામાં આવી છે. હત્યારાઓ ગ્રાહક બનીને દુકાનમાં ઘુસ્યા હતા. દુકાનમાં જ તેમણે છરી વડે વેપારીનું ગળું કાપી નાખ્યું હતું. જેના કારણે તેની ગરદન લગભગ સંપૂર્ણપણે કપાઈ ગઈ હતી અને તેનું ઘટનાસ્થળે જ મોત થયું હતું. હુમલા બાદ હુમલાખોરો ત્યાંથી ફરાર થઈ ગયા હતા. ઘટનાની જાણ થતાં જ ઉદયપુરમાં તણાવ ફેલાઈ ગયો હતો અને સ્થિતિ વણસી ગઈ હતી. ઘટાનની ગંભીરતા જોઈને પોલીસ અને પ્રશાસનના કર્મચારીઓ ઘટનાસ્થળે પહોંચી ગયા હતા. બાદમાં પોલીસે તરત જ આગળના આદેશ સુધી ઈન્ટરનેટ બંધ કરાવ્યું હતું. સૂત્રો અનુસાર, બંને આરોપીની પોલીસે ઓળખ કરી, તેમને શોધી કાઢવામાં સફળતા મેળવી છે. હાલમાં બંનેની ધરપકડ કરી કાયદેસરની કાર્યવાહી શરૂ કરવામાં આવી છે.

    સીએમ અશોક ગેહલોતે ટ્વીટ કરીને આ ઘટના પર દુખ વ્યક્ત કર્યું છે. સીએમએ પોતાના ટ્વિટમાં કહ્યું કે, હું ઉદયપુરમાં યુવકની જઘન્ય હત્યાની નિંદા કરું છું. આ ઘટનામાં સંડોવાયેલા તમામ ગુનેગારો સામે કડક કાર્યવાહી કરવામાં આવશે. તમામ પક્ષોને શાંતિ જાળવવા અપીલ કરું છું. આવા જઘન્ય ગુનામાં સંડોવાયેલા દરેક વ્યક્તિને સખત સજા કરવામાં આવશે. હું દરેકને અપીલ કરું છું કે, આ ઘટનાનો વીડિયો શેર કરીને વાતાવરણને બગાડવાનો પ્રયાસ ન કરો. વીડિયો શેર કરીને સમાજમાં નફરત ફેલાવવાનો ગુનેગારનો હેતુ સફળ થશે.

    હત્યારાઓ માપ આપવાના બહાને દુકાનમાં ઘુસ્યા હતા

    હત્યાનો ભોગ બનનારનું નામ કન્હૈયાલાલ સાહુ જણાવવામાં આવી રહ્યું છે. તેમની ધનમંડી વિસ્તારમાં ભૂતમહેલ પાસે સુપ્રીમ ટેલર્સ નામની દુકાન છે. બપોરે તે પોતાની દુકાને હતો. આ દરમિયાન એક ખાસ સમુદાયના 2 બદમાશો બાઇક પર સવાર થઈને ત્યાં આવ્યા હતા. તેઓ તેમને માપ આપવાના બહાને દુકાનમાં ઘૂસી ગયા હતા અને તેણીનું ગળું કાપી નાખ્યું હતું. જેના કારણે તેનું ઘટનાસ્થળે જ મોત નીપજ્યું હતું. ત્યારબાદ બંને બદમાશો સ્થળ પરથી ફરાર થઈ ગયા હતા.

    હત્યાનો ભોગ બનનાર યુવકને ધમકીઓ મળી રહી હતી

    હત્યા બાદ ઘટનાસ્થળે લોહીના ખાબોચિયા ભરાઈ ગયા હતા. ઘટનાની જાણ થતાં જ ત્યાં ભારે ભીડ એકત્ર થઈ ગઈ હતી અને તંગદિલી ફેલાઈ ગઈ હતી. મૃતકના સંબંધીઓનું કહેવું છે કે, સોશિયલ મીડિયા પર તાજેતરમાં પોસ્ટ કરવામાં આવ્યા બાદ તેમને ધમકીઓ મળી રહી હતી. આ ધમકીઓ અંગે પોલીસને ફરિયાદ કરવા છતાં કોઈ કાર્યવાહી કરવામાં આવી ન હતી.

    આ પણ વાંચો - ગર્લફ્રેન્ડને મળવા આવ્યો બોયફ્રેન્ડ, તો નીકળી બહેન, બંનેનો સંબંધથી હતા અજાણ, પરિવારે ઝાડે બાંધ્યા અને...

    વિપક્ષના નેતા કટારિયાએ કહ્યું - આ સરકારની નિષ્ફળતા છે

    વિપક્ષના નેતા ગુલાબચંદ કટારિયાએ આ ઘટનાને સરકારની નિષ્ફળતા ગણાવી છે. તેમણે આ ઘટના અંગે સીએમ, ડીજીપી અને એસપી સાથે વાત કરી છે. કટારિયાએ આ કેસમાં આરોપીઓની વહેલી તકે ધરપકડ કરવાની માંગ કરી છે. બીજી તરફ આ મામલે વધી રહેલા તણાવ બાદ સમગ્ર રાજ્યમાં એલર્ટ જારી કરવામાં આવ્યું છે. કાયદો અને વ્યવસ્થા અંગે માહિતી આપતા એડીજી હવા સિંહ ઘુમરિયાએ જણાવ્યું કે, સમગ્ર રાજ્યમાં પોલીસને એલર્ટ કરી દેવામાં આવી છે. તમામ જિલ્લાના પોલીસ અધિક્ષક અને અન્ય અધિકારીઓને એલર્ટ રહેવા આદેશ આપવામાં આવ્યો છે.
    Published by:kiran mehta
    First published:

    Tags: Rajasthan government, Rajasthan latest news, Rajasthan news, Rajasthan police, Udaipur, ઉદેપુર, રાજસ્થાન, રાજસ્થાન સમાચાર

    विज्ञापन

    विज्ञापन

    આગામી સમાચાર

    विज्ञापन
    विज्ञापन