Home /News /national-international /અમદાવાદ-ઉદેપુર રેલ્વે ટ્રેક બ્લાસ્ટ: કાવતરાએ અનેક વણઉકેલ્યા પ્રશ્નો ઉભા કર્યા છે, NIA અને ATS શોધી રહી છે જવાબ

અમદાવાદ-ઉદેપુર રેલ્વે ટ્રેક બ્લાસ્ટ: કાવતરાએ અનેક વણઉકેલ્યા પ્રશ્નો ઉભા કર્યા છે, NIA અને ATS શોધી રહી છે જવાબ

અમદાવાદ-ઉદેપુર રેલ્વે ટ્રેક બ્લાસ્ટ

હાલ આ સમગ્ર મામલાની તપાસ રાજસ્થાન પોલીસ, NIA અને ATS કરી રહી છે. આ રેલવે ટ્રેકના સૌથી મોટા પુલ પર બનેલી આ ઘટનાને કારણે સુરક્ષા એજન્સીઓ એલર્ટ મોડ પર આવી ગઈ છે. સ્થાનિક ગ્રામજનોએ જણાવ્યું કે રેલવે ટ્રેક પર વિસ્ફોટ એટલો જોરદાર હતો કે તેનો અવાજ દૂર દૂર સુધી સંભળાયો. બાદમાં આ અંગેની માહિતી મળતા જ રેલવે મેનેજમેન્ટ અને પોલીસ ઘટનાસ્થળે પહોંચી ગઈ હતી.

વધુ જુઓ ...
    એક તરફ લેક સિટી ઉદયપુરમાં જી-20 શેરપાની બેઠક માટે જોરશોરથી તૈયારીઓ કરવામાં આવી રહી છે. બીજી તરફ, રવિવારે એક દિવસ પહેલા, ઉદયપુર-અમદાવાદ રેલવે ટ્રેક (અમદાવાદ-ઉદયપુર રેલવે ટ્રેક બ્લાસ્ટ કેસ)ને ઉડાવી દેવાનો પ્રયાસ કરવામાં આવ્યો હતો. વડાપ્રધાન નરેન્દ્ર મોદીએ 13 દિવસ પહેલા જ આ રેલવે ટ્રેકનું ઉદ્ઘાટન કર્યું હતું. આવી સ્થિતિમાં આ કાવતરાએ અનેક વણઉકેલ્યા પ્રશ્નો ઉભા કર્યા છે. જો કે રેલ્વે કર્મચારીઓએ દિવસ-રાત મહેનત કરીને આ રેલ્વે ટ્રેકને ફરી રીપેર કર્યો હતો. જે બાદ સોમવારે સવારે 9.20 કલાકે આ રેલવે ટ્રેક પરથી માલગાડીને નિકાળવામાં આવી.

    હાલ આ સમગ્ર મામલાની તપાસ રાજસ્થાન પોલીસ, NIA અને ATS કરી રહી છે. આ રેલવે ટ્રેકના સૌથી મોટા પુલ પર બનેલી આ ઘટનાને કારણે સુરક્ષા એજન્સીઓ એલર્ટ મોડ પર આવી ગઈ છે. સ્થાનિક ગ્રામજનોએ જણાવ્યું કે રેલવે ટ્રેક પર વિસ્ફોટ એટલો જોરદાર હતો કે તેનો અવાજ દૂર દૂર સુધી સંભળાયો. બાદમાં આ અંગેની માહિતી મળતા જ રેલવે મેનેજમેન્ટ અને પોલીસ ઘટનાસ્થળે પહોંચી ગઈ હતી.

    આ પણ વાંચોઃ પર્વતીય રાજ્યોમાં હવામાનમાં પલટો: હિમાચલ, ઉત્તરાખંડમાં હિમવર્ષાના કારણે રાજ્યમાં ઠંડી પડશે

    ઘટનાના દરેક પાસાને ગંભીરતાથી જોવામાં આવી રહ્યા છે


    રાજસ્થાન પોલીસ અને નેશનલ ઈન્વેસ્ટિગેશન એજન્સી (NIA) આ સમગ્ર મામલે તપાસ કરી રહી છે. ઘટનાના દરેક પાસાને ગંભીરતાથી જોવામાં આવી રહી છે. આ ઘટના બાદ એટીએસની ટીમ પણ ઘટનાસ્થળે પહોંચી ગઈ છે. સાથે જ ઉદેપુર પોલીસે પણ એફએસએલની ટીમને ઘટનાસ્થળે બોલાવી છે. સૂત્રોનું માનીએ તો અમદાવાદ-ઉદયપુરના આ રેલવે ટ્રેકને ઉડાડવા માટે લગભગ 3 કિલો ડાયનામાઈટનો ઉપયોગ કરવામાં આવ્યો હતો. પરંતુ આ પાછળ કોનો હાથ છે તે હજુ સુધી બહાર આવ્યું નથી. દરમિયાન, તપાસ ટીમ સમક્ષ એવું પણ સામે આવ્યું છે કે બ્લાસ્ટ કરનારાઓનો હેતુ ચોરીનો ન હતો પરંતુ અન્ય કોઈ કાવતરું હતું.

    બપોરના 3:30 વાગ્યે રેવેલ ટ્રેક ઠિક કરવામાં આવ્યો


    નોંધનીય છે કે ઉદયપુર-અમદાવાદ રેલવે ટ્રેક પર ઓડા પુલિયા પાસે તેને ઉડાવી દેવાનો પ્રયાસ કરવામાં આવ્યો હતો. જેના કારણે અહીં રેલ્વે ટ્રેક ખરાબ રીતે ક્ષતિગ્રસ્ત થયો હતો. રવિવારની રાત્રે તેને સંપૂર્ણ રીતે ઠીક કરવામાં આવ્યો હતો. નોર્થ વેસ્ટર્ન રેલ્વેના સીપીઆરઓ કેપ્ટન શશિ કિરણના જણાવ્યા અનુસાર રાત્રે 3.30 વાગ્યે ટ્રેક ઠીક કરવામાં આવ્યો હતો. જે બાદ ત્યાંથી રેલવે એન્જિનનું ટ્રાયલ રન પણ કરવામાં આવ્યું છે.
    Published by:Priyanka Panchal
    First published:

    Tags: Indin Railway, Railway track, Udaipur

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन