Home /News /national-international /નામિબિયાથી કુનો લાવવામાં આવેલા 2 ચિત્તાઓનો ક્વોરન્ટિન ટાઈમ પૂરો થતાં છૂટા વાડામાં મોકલ્યા, PM મોદીએ આપી જાણકારી

નામિબિયાથી કુનો લાવવામાં આવેલા 2 ચિત્તાઓનો ક્વોરન્ટિન ટાઈમ પૂરો થતાં છૂટા વાડામાં મોકલ્યા, PM મોદીએ આપી જાણકારી

2 ચિત્તાઓનો ક્વોરન્ટિન ટાઈમ પૂરો થતાં છૂટા વાડામાં મોકલ્યા

કુનો પાલપુર અભયારણ્યમાં નામીબિયાથી લાવવામાં આવેલા 8 ચિત્તાઓનો ક્વોરન્ટિન ટાઈમ હવે પૂરો થઈ ગયો છે. અભયારણ્યમાં હવે ચિત્તા છોડવાનું શરૂ કરી દેવામાં આવ્યું છે. પ્રથમ તબક્કામાં, શનિવારે સાંજે કુનો નેશનલ પાર્કમાં 2 ચિત્તા છોડવામાં આવ્યા હતા, અન્ય 6ને પણ આગામી થોડા દિવસોમાં ક્વોરન્ટિનમાંથી આઝાદ કરવામાં આવશે. પીએમએ ટ્વીટ કર્યું, 'સારા સમાચાર! મને જણાવવામાં આવ્યું છે કે ફરજિયાત ક્વોરન્ટિન પછી, કુનો નિવાસસ્થાનમાં વધુ અનુકૂલન માટે 2 ચિત્તાઓને મોટા વાડામાં છોડવામાં આવ્યા છે.

વધુ જુઓ ...
    કુનો પાલપુર અભયારણ્યમાં નામીબિયાથી લાવવામાં આવેલા 8 ચિત્તાઓનો ક્વોરન્ટિન ટાઈમ હવે પૂરો થઈ ગયો છે. અભયારણ્યમાં હવે ચિત્તા છોડવાનું શરૂ કરી દેવામાં આવ્યું છે. પ્રથમ તબક્કામાં, શનિવારે સાંજે કુનો નેશનલ પાર્કમાં 2 ચિત્તા છોડવામાં આવ્યા હતા, અન્ય 6ને પણ આગામી થોડા દિવસોમાં ક્વોરન્ટિનમાંથી આઝાદ કરવામાં આવશે. પીએમએ ટ્વીટ કર્યું, 'સારા સમાચાર! મને જણાવવામાં આવ્યું છે કે ફરજિયાત ક્વોરન્ટિન પછી, કુનો નિવાસસ્થાનમાં વધુ અનુકૂલન માટે 2 ચિત્તાઓને મોટા વાજમાં છોડવામાં આવ્યા છે. અન્યને ટૂંક સમયમાં મુક્ત કરવામાં આવશે. તે જાણીને પણ આનંદ થાય છે કે તમામ ચિત્તા સ્વસ્થ અને સક્રિય છે, કુનો નેશનલ પાર્કની આબોહવાને સારી રીતે અનુકૂળ થઈ રહ્યા છે.

    ભારતમાં 'પ્રોજેક્ટ ચિતા' હેઠળ, વડા પ્રધાન નરેન્દ્ર મોદીના જન્મદિવસે કુનો નેશનલ પાર્કમાં 8 નામિબિયના ચિત્તા છોડવામાં આવ્યા હતા. વડાપ્રધાને પોતે જ તેમને વાડમાં છોડી દીધા હતા. હવે મોટા વાડામાં બે ચિત્તા છોડી દેવામાં આવ્યા છે, જે મોટા વિસ્તારમાં આસાનીથી વિહાર કરી શકશે. ખાસ વાત એ છે કે આ ચિત્તા હવે 50 દિવસ પછી પણ શિકાર કરી શકશે, કારણ કે પાર્કમાં ચિતલ, હરણ જેવા પ્રાણીઓ ચિત્તાના શિકાર માટે હાજર રહેશે. કુનો રાષ્ટ્રીય ઉદ્યાનના અધિકારીઓએ જણાવ્યું હતું કે અત્યાર સુધીમાં 2 નર ચિત્તાને મોટા વાડામાં છોડવામાં આવ્યા છે, અન્યને પણ ટૂંક સમયમાં જ મોટા વાડામાં છોડવામાં આવશે. વાસ્તવમાં, નામિબિયા અને ભારતની આબોહવામાં તફાવતને કારણે, આ ચિત્તાઓને શરૂઆતના થોડા દિવસો સુધી નિરીક્ષણ હેઠળ રાખવામાં આવ્યા હતા અને તે કુનો નેશનલ પાર્કના વાતાવરણમાં તેમના સ્થાયી થવાની રાહ જોઈ રહ્યા હતા.





    આ પણ વાંચોઃ અમેરિકામાં ફરીથી અંધાધૂંધ ગોળીબાર, બારની બહાર 12 લોકોને ગોળી વાગી

    ચિત્તા શિકારની પ્રેક્ટિસ કરી શકશે


    ચિત્તાઓ બોમાસ અથવા મોટા વાડામાં સ્થાનાંતરિત થવાની રાહ જોઈ રહ્યા હતા, જ્યાં તેઓ શિકારની પ્રેક્ટિસ કરી શકે, એમ કુનોના એક અધિકારીએ જણાવ્યું હતું. તેઓ વાડામાં એક કે બે મહિના રોકાશે અને પછી મુખ્ય ઉદ્યાનમાં છોડવામાં આવશે. તે મહત્વનું છે કે તેઓ શિકારની પ્રેક્ટિસ કરે અને શિકારની નવી પ્રજાતિઓની આદત પામે. અમે દેખરેખ રાખીશું કે તેઓ નવી શિકારની પ્રજાતિઓને પસંદ કરી રહ્યા છે કે ટેવાઈ રહ્યા છે. પર્યાવરણ મંત્રાલયના અધિકારીઓએ સપ્ટેમ્બરમાં જણાવ્યું હતું કે કુનોમાં ચિતલ, સાંભર, નીલગાય, જંગલી ડુક્કર, ચૌશિંઘા, લંગુર વગેરેની સાથે ચિત્તાનો શિકાર કરવાનો સારો આધાર છે. એનટીસીએના સભ્ય સચિવ એસપી યાદવે જણાવ્યું હતું કે આફ્રિકામાં ચિત્તા ઇમ્પાલા, ગઝેલ જેવા જંગલી પ્રાણીઓનો શિકાર કરે છે જે ખૂબ જ ઝડપી હોય છે. તેની સરખામણીમાં ચિત્તાઓ માટે ભારતીય વન્યજીવોનો શિકાર કરવાનું સરળ રહેશે.

    ચિત્તાના નામકરણ માટે 10 હજારથી વધુ સૂચનો


    લાંબા સમય બાદ દેશમાં ચિત્તાઓ પરત ફર્યા છે, તેમની સાથે લોકોને પરિચિત કરવા માટે કેન્દ્ર સરકારે લોકોને ચિતાઓના નામ બદલવા માટે સૂચનો મોકલવાની અપીલ કરી હતી. ગત 31 ઓક્ટોબર. રવિવાર સુધી, ચિત્તાઓ માટે 10,857 નામો સૂચવવામાં આવ્યા હતા અને ભારતમાં ચિતા પ્રોજેક્ટના નામકરણ પર 16,670 સૂચનો આપવામાં આવ્યા હતા. હાલમાં 8 ચિત્તાના નામ એલ્ટન, ફ્રેડી, ઓબાન, સાશા, સેયા, સવાન્નાહ તિબિલિસી અને આશા છે. આઠમી માદા ચિત્તા, જેનું નામ ખુદ પીએમ મોદીએ આશા રાખ્યું હતું, તેનું પહેલાં કોઈ નામ નહોતું, કારણ કે તે નામીબિયાના જંગલોમાંથી ભારત લાવવામાં આવી તેના થોડા સમય પહેલા જ પકડાઈ હતી.
    Published by:Priyanka Panchal
    First published:

    Tags: PM Modi પીએમ મોદી

    विज्ञापन
    विज्ञापन