પાકિસ્તાનીઓએ કહ્યું: 'પકડાયેલા ભારતીય પાયલોટને સન્માન આપજો'

ન્યૂ દિલ્હી: ભારતનાં વિદેશ મંત્રાલયે કહ્યું કે, ભારતીય વાયુસેનાનું મીગ—21ને તોડી પાડવામાં આવ્યુ છે અને એક ભારતીય પાયલોટ ગૂમ છે. બીજી તરફ પાકિસ્તાને દાવો કર્યો છે કે, તેણે બે ભારતીય પોયલોટોને પકડ્યા છે.

ભારત અને પાકિસ્તાન વચ્ચે યુદ્ધ જેવી સ્થિતિ પ્રવર્તે છે પણ જ્યારે એ સમાચાર આવ્યા કે, ભારતીય વાયુ સેનાનાં પાયલોટને પાકિસ્તાનની સેનાએ પકડ્યા છે ત્યારે બંને દેશનાં લોકોએ આ પાયલોટની સુરક્ષાની ચિંતા કરી. એટલુ જ નહીં પણ પાકિસ્તાનમાં રહેતા નાગરિકોએ પણ પાકિસ્તાન સરકારને અપીલ કરી કે, ભારતીય વાયુ સેનાનાં પકડાયેલા પાયલોટને યોગ્ય સારવાર આપવામાં આવે અને તેમની સાથે એક બાહોસ ઓફિસર સાથે જેમ સન્માનભેર વર્તન થાય તેમ કરવામાં આવે અને આ પાયલોટને ભારત પરત મોકલવા માટે વ્યવસ્થા કરવામાં આવે.

પાકિસ્તાને પોતાનાં દાવાને પુરવાર કરવા માટે આ પકડાયેલા પાયલોટનો વીડિયો પણ જાહેર કર્યો છે.

I pray that this decency prevails and am proud to see it expressed openly and without fear. We who do not want war must insist on dignity and decency and peace for all men.

— fatima bhutto (@fbhutto) February 27, 2019

પાકિસ્તાનનાં પૂર્વ વડાપ્રધાન બેનઝિર ભૂટ્ટોની ભત્રીજી ફાતિમા ભૂટ્ટોએ તેમના ટ્વીટર પર લખ્યુ કે, ભારતીય પાયલોટને સન્માન પૂર્વક રાખવામાં આવે.

તેણીએ વધુમાં લખ્યુ કે, ઘણા બધા પાકિસ્તાનીઓ એ પ્રાર્થના કરે છે કે, ભારતીય વાયુસેનાનાં પાયલોટને માનભેર રાખવામાં આવે. હું એવી પ્રાર્થના કરું છુ કે, આપણે સદબુદ્ધીપૂર્વક વર્તન કરીશું અને એ હું જાહેરમાં કહુ છું. આપણે એ લોકો છીએ કે જેઓ યુદ્ધ ઇચ્છતા નથી અને એટલે જ દરેક વ્યક્તિના સન્માન અને પ્રતિષ્ઠા માટે પ્રયત્નશીલ છીએ”

Please note there are many Pakistani voices calling for the Indian airforce pilot in custody to be treated with dignity.

— fatima bhutto (@fbhutto) February 27, 2019

પત્રકાર મન્સૂર અલી ખાને લખ્યું કે, ભારતીય વાયુ સેનાનાં પકડાયેલા પાયલોટને એક ઓફિસરને શોભે તેવો સત્કાર આપવો જોઇએ. આપણે એવા દેશવાસીઓ છીએ કે જેઓ બહાદુરીની કદર કરીએ છીએ”.

The captured Indian pilots should be given the respect that a serving officer deserves. We are a nation that honors the brave. #PakistanArmyZindabad

— Mansoor Ali Khan (@_Mansoor_Ali) February 27, 2019

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Captured, IAF, Indian Pilot, પાકિસ્તાન