તુનિષા માત્ર 20 વર્ષની ઉંમરે પાછળ છોડી ગઈ છે કરોડોની પ્રોપર્ટી, ઘરમાં એકલી કમાનારી હતી

મુંબઈ: લોકપ્રિય ટેલિવિઝન અભિનેત્રી તુનિષા શર્માના મૃત્યુના સમાચારે બધાને આઘાતમાં મૂકી દીધા છે. ટીવી શો અલી બાબા દાસ્તાન-એ-કાબુલનું મુખ્ય પાત્ર ભજવનાર તુનીષા શર્મા 24 ડિસેમ્બરે શોના સેટ પર મૃત હાલતમાં મળી આવી હતી. મંગળવારે તુનીશાના અંતિમ સંસ્કાર કરવામાં આવ્યા હતા. અહેવાલો અનુસાર, તુનીશા તેના પરિવારની એકમાત્ર સભ્ય હતી જે કમાતી હતી. પુત્રીના મૃત્યુ બાદ તેની માતા સાવ ભાંગી પડી છે.

તુનીશા 15 કરોડની સંપત્તિ છોડીને ગઈ છે

તુનીશાની માતાએ તેના કો-એક્ટર શીજાન વિરુદ્ધ આત્મહત્યા માટે ઉશ્કેરવાની ફરિયાદ નોંધાવી છે. રિપોર્ટ અનુસાર, તુનીશા પોતાની પાછળ 15 કરોડ રૂપિયાની પ્રોપર્ટી અને એક લક્ઝુરિયસ એપાર્ટમેન્ટ છોડી ગઈ છે. તુનિષાએ એક ઈન્ટરવ્યુમાં પોતાના સંઘર્ષ વિશે વાત કરી હતી. પોતાના કરિયરના શરૂઆતના દિવસો વિશે વાત કરતાં તેણે કહ્યું, 'ઈન્ટરનેટ વાલા લવ શોમાં અભિનય કરતા પહેલા જ હું તણાવમાં હતી. હું નાનપણથી જ કામ કરું છું અને નાની ઉંમરે મારા પિતાને ગુમાવી દીધા.

પોલીસ આરોપી શીજાનની પૂછપરછ કરી રહી છે

અભિનેતા શીજાન ખાને એવા આરોપોને નકારી કાઢ્યા છે કે જ્યારે તે મૃત અભિનેત્રી સાથે સંબંધમાં હતો ત્યારે તે ઘણી છોકરીઓને ડેટ કરતો હતો. મંગળવારે, વાલીવ પોલીસે જણાવ્યું હતું કે ખાન વારંવાર તેના નિવેદનો બદલી રહ્યો છે અને તેણે તેના અલી બાબા દાસ્તાન-એ-કાબુલ સહ-અભિનેતા સાથે શા માટે બ્રેકઅપ કર્યું તે અંગે હજુ સુધી કોઈ સ્પષ્ટ કારણ આપ્યું નથી.

આ પણ વાંચોઃ તુનિષા શર્મા પંચમહાભૂતમાં વિલીન, ગોડદેવ સ્મશાન ઘાટમાં અંતિમ સંસ્કાર થયા, સ્મશાનભૂમિમાં માતા બેભાન

24મી ડિસેમ્બરે વોશરૂમમાં લટકતી મળી આવી હતી તુનીશાની લાશ

24મી ડિસેમ્બરે ટીવી સિરિયલના સેટ પર વોશરૂમમાં લટકતી હાલતમાં મળી આવી હતી તુનીશાની લાશ. મૃતક અભિનેત્રીની માતાએ દાવો કર્યો છે કે શીજાન તુનીશા સાથે છેતરપિંડી કરતો હતો. તુનિષાની માતાના નિવેદનના આધારે એફઆઈઆર નોંધવામાં આવી હતી અને અભિનેતાની ધરપકડ કરવામાં આવી હતી. શીજાન છેલ્લા બે દિવસથી પોલીસ કસ્ટડીમાં છે અને અમે આરોપીની સતત પૂછપરછ કરી રહ્યા છીએ, એમ એક પોલીસ અધિકારીએ જણાવ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Girl Murder, Property, Tunisha Sharma