ethiopia violence : ઇથોપિયામાં આદિવાસી હિંસા, 200 થી વધુ લોકોના મોત

નવી દિલ્હી. આફ્રિકન દેશ ઈથોપિયા (ethiopia) માં ભયંકર તબાહીના સમાચાર છે. એક અહેવાલ અનુસાર, આદિમ આદિવાસી સમુદાય (Tribal community) અમહરાના 200 થી વધુ લોકો માર્યા ગયા છે. આ હુમલો દેશના ઓરોમિયા વિસ્તારમાં થયો હતો. વિદ્રોહી જૂથોએ આ આદિવાસી સમુદાયોના લોકોને નિશાન બનાવ્યા હોવાનું માનવામાં આવે છે. ઇથોપિયામાં હત્યાકાંડની આ ઘટના છેલ્લા કેટલાક વર્ષોમાં આદિવાસી તણાવની સૌથી મોટી લોહિયાળ ઘટના છે. ઇથોપિયા આફ્રિકા (Africa) નો બીજો સૌથી વધુ વસ્તી ધરાવતો દેશ છે.

ઘટના વિસ્તારને અડીને આવેલા ગિમી કાઉન્ટીના સ્થાનિક રહેવાસી અને પ્રત્યક્ષદર્શી અબ્દુલ સઈદ તાહિરે ન્યૂઝ એજન્સી એપીને જણાવ્યું કે, મેં મારી જાતે લગભગ 230 મૃતદેહોની ગણતરી કરી છે. મને લાગે છે કે, આ આપણા જીવનની સૌથી દુઃખદ ઘટના છે જેમાં નાગરિકો સામેની આ સૌથી મોટી ઘટના છે. અમે તેમના મૃતદેહોને સામૂહિક કબરોમાં દફનાવી રહ્યા છીએ અને હજુ પણ મૃતદેહોની સંખ્યા ગણીએ છીએ.

આ પણ વાંચો - Rain Forecast : રાજ્યમાં આ વિસ્તારોમાં ધોધમાર વરસાદની આગાહી, જુઓ ક્યારે ક્યાં થશે મેઘો મહેરબાન

પુનર્વસન યોજના હેઠળ ઓરોમિયામાં સ્થાયી થયા હતા

અન્ય એક પ્રત્યક્ષદર્શી, શામ્બેલએ જણાવ્યું હતું કે સામૂહિક હત્યાની બીજી ઘટના બને તે પહેલા સ્થાનિક અમહારા સમુદાય હવે તેમના ઠેકાણા શોધી રહ્યા છે. તેમણે કહ્યું કે હકીકતમાં, આદિમ આદિવાસી અમહરા સમુદાયના લોકો લગભગ 30 વર્ષ પહેલા પુનર્વસન કાર્યક્રમો હેઠળ અહીં વસવાટ કરવામાં આવ્યા હતા, પરંતુ હવે તેઓને મરઘાની જેમ મારી નાખવામાં આવી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: World news, World News in gujarati