Farmers Protest: દિલ્હીમાં 3 રૂટ પર ટ્રેક્ટર માર્ચ યોજવાની મંજૂરી આપવા પોલીસ તૈયાર - સૂત્ર

Farmers Protest: દિલ્હીમાં 3 રૂટ પર ટ્રેક્ટર માર્ચ યોજવાની મંજૂરી આપવા પોલીસ તૈયાર - સૂત્ર
26 જાન્યુઆરીની ટ્રેક્ટર પરેડ માટે ખેડૂતો મોટી સંખ્યામાં દિલ્હી પહોંચી રહ્યા છે. (તસવીર સૌજન્ય- AP)

પોલીસ સાથે જોડાયેલા સૂત્રોએ જણાવ્યું કે દિલ્હી પોલીસ સિંઘુ, ટિકરી અને ગાજીપુર-યૂપી ગેટ પર ટ્રેક્ટર માર્ચની મંજૂરી આપવા માટે તૈયાર

  • Share this:
    આનંદ તિવારી, નવી દિલ્હીઃ ગણતંત્ર દિવસ (Republic Day 2021) પર ખેડૂતોની ટ્રેક્ટર રેલી (Farmers Tractor Rally)ને લઈ સામાન્ય સહમતિ બનતી હોય એવું લાગી રહ્યું છે. પોલીસ સાથે જોડાયેલા સૂત્રોએ જણાવ્યું કે દિલ્હી પોલીસ (Delhi Police) ત્રણ રસ્તાઓ સિંઘુ, ટિકરી અને ગાજીપુર-યૂપી ગેટ પર ટ્રેક્ટર માર્ચ (Tractor March)ની મંજૂરી આપવા માટે તૈયાર છે. બીજી તરફ, ખેડૂતો શાહજહાંપુર અને પલપલથી યોજાનારી ટ્રેક્ટર પરેડ (Farmers Tractor Parade) વિશે આજે ઘોષણા કરશે. સવારે ખેડૂતોએ પોલીસને લેખિત અરજી આપીને રેલી યોજવા માટે મંજૂરી માંગી હતી.

    આ રસ્તાઓ પર યોજાશે ટ્રેક્ટર રેલી



    પ્રસ્તાવની શરૂઆતથી જ ખેડૂતો રાજધાનીના આઉટર રિંગ રોડ પર રેલી યોજવાની વાત કહી રહ્યા હતા, પરંતુ દિલ્હી પોલીસે સુરક્ષાના કારણોને લઈ આ માર્ગ પર ટ્રેક્ટર પરેડની મંજૂરી આપવાનો ઇન્કાર કરી દીધો. સૂત્રો મુજબ પોલીસ અને ખેડૂતોની વચ્ચે પરસ્પર સહમતિથી જે રૂટ નક્કી થયા છે...

    સિંઘુ બોર્ડર- સિંઘુ બોર્ડર (Singhu Borderથી ટ્રેક્ટર પરેડ શરૂ થશે જે સંજય ગાંધી ટ્રાન્સપોર્ટ, કંઝાવલ, બવાના, ઔચન્દી બોર્ડર થઈને હરિયાણામાં જતી રહેશે.
    ટિકરી બોર્ડર- ટિકરી બોર્ડર (Tikri Border)થી ટ્રેક્ટર પરેડ નાગલોઈ, નફજગઢ, ઝડૌડા, બાદલી થઈને કેએમપી પર જતી રહેશે.
    ગાજીપુર-યૂપી ગેટ- ગાજીપુર યૂપી ગેટથી ટ્રેક્ટર પરેડ અપ્સરા બોર્ડર ગાજિયાબાદ થઈને યૂપીના ડાસના તરફ જતી રહેશે.

    આ પણ વાંચો, સાક્ષી મહારાજનું વિવાદિત નિવેદન, ‘કૉંગ્રેસે કરાવી હતી સુભાષચંદ્ર બોઝની હત્યા’, જુઓ વીડિયો

    ખેડૂત સંગઠનો તરફથી દિલ્હી પોલીસની સમક્ષ સિંઘુ-સંજય ગાંધી હૉસ્પિટલ અને બવાના રૂટના પ્રસ્તાવ આપવામાં આવ્યા હતા. ખેડૂતો તરફથી મંજૂરી મળ્યા બાદ પોલીસે પણ સંગઠનોની સામે પોતાની શરતો રજૂ કરી હતી. બીજી તરફ, પોલીસ આજે આ ટ્રેક્ટર રેલીને લઈ સાંજે પોલીસ હેડક્વાર્ટરમાં એક પ્રેસ કોન્ફરન્સ યોજી શકે છે. આ કોન્ફરન્સમાં દિલ્હી પોલીસ તરફથી રેલીને લઈ મોટી જાહેરાત થઈ શકે છે.

    આ પણ વાંચો, બનારસમાં પક્ષીઓને દાણા ખવડાવીને ફસાયો ક્રિકેટર શિખર ધવન, પ્રશાસન કાર્યવાહીના મૂડમાં

    ખેડૂતોની ચેતવણી- રેલી તો યોજાવાની જ

    26 જાન્યુઆરીએ રેલીને યોજવાને લઈ ખેડૂત સંગઠનો પહેલા જ ખુલ્લું એલાન કરી ચૂક્યા છે. ખેડૂતોનું કહેવું છે કે દિલ્હીમાં કોઈ પણ સ્થિતિમાં રેલી યોજશે. પંજાબ કિસાન સંઘર્ષ સમિતિના નેતા સતનામ સિંહ પન્નૂએ કહ્યું છે કે દિલ્હી પોલીસ મંજૂરી આપે કે ન આપે આઉટર રિંગ રોડ પર રેલી નીકળે જ. તેઓએ જાણકારી આપી કે આ રેલીનો હિસ્સો બનવા માટે મોટી સંખ્યામાં ખેડૂતો દિલ્હી પહોંચી રહ્યા છે.
    Published by:Mrunal Bhojak
    First published:January 24, 2021, 15:12 pm

    ટૉપ ન્યૂઝ