Covid 19 in India: આજે 532 દિવસોમાં કોરોનાના સૌથી ઓછા સક્રિય કેસ, 313 લોકોના થયા મોત

COVID-19 cases in India: છેલ્લા 24 કલાક દરમિયાન દેશમાં કોરોના વાયરસના (Coronavirus) ચેપના 10,488 નવા કેસ નોંધાયા છે. આ દરમિયાન દેશમાં (India) 313 લોકોએ રોગચાળાને કારણે પોતાનો જીવ પણ ગુમાવ્યો છે. જોકે, સારી વાત એ છે કે, દેશમાં સાજા થનારા લોકોની સંખ્યામાં સતત વધારો થઈ રહ્યો છે. દેશમાં છેલ્લા 24 કલાક દરમિયાન 12,389 લોકો કોરોનાથી સાજા થયા છે, જે બાદ સાજા થયેલા લોકોની કુલ સંખ્યા 3,39,22,037 પર પહોંચી ગઈ છે.

ભારતમાં છેલ્લા કેટલાક દિવસોથી જોવામાં આવી રહ્યું છે કે, કોરોનાથી સંક્રમિત લોકોની સંખ્યા સાજા થનારા લોકોની સંખ્યા કરતા ઓછી છે. આ જ કારણ છે કે, દેશમાં સક્રિય કેસ પણ ઘટી રહ્યા છે. દેશમાં સક્રિય કેસ ઘટીને 1,22,714 થઈ ગયા છે. જે છેલ્લા 532 દિવસમાં સૌથી ઓછો છે.

આ પણ વાંચો - આ તાજમહેલ નહીં ઘર છે, પતિએ પત્નીને આપી ભેટ, આવી છે અધ્યતન સુવિધા, જુઓ Exclusive PHOTOS

આ સાથે દેશમાં રિકવરી રેટમાં પણ સતત વધારો થઈ રહ્યો છે. રિકવરી રેટ 98.30 ટકા પર પહોંચી ગયો છે. માર્ચ 2020 પછી આ સૌથી વધુ છે. તે જ સમયે, દેશમાં સક્રિય કેસ કુલ કેસના 1 ટકાથી ઓછા રહ્યા છે. હાલમાં તે 0.36 ટકા છે અને તે માર્ચ 2020 પછી સૌથી નીચો છે. તે જ સમયે, દૈનિક પોઝિટિવિટી દર 0.98 ટકા છે, જે છેલ્લા 48 દિવસથી 2 ટકાથી નીચે છે. તે જ સમયે, છેલ્લા 58 દિવસોમાં સાપ્તાહિક પોઝિટિવિટી દર 2 ટકાથી નીચે છે. તે 0.94 ટકા છે.

આ પણ વાંચો - લો બોલો, આ માણસ Matrimonial Adમાં સ્તન, કમર અને પગની સાઈઝ લખીને શોધી રહ્યો છે કન્યા

દેશવ્યાપી રસીકરણ અભિયાન અંતર્ગત દેશમાં રસીકરણનો ગ્રાફ સતત વધી રહ્યો છે. દેશમાં હવે કુલ 116.50 કરોડ રસીના ડોઝ લોકોને આપવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Coronavirus, COVID-19, ભારત