દિલ્હી: બિલ્ડીંગ ધરાશાયી, એક મહિલા અને 4 બાળકોના મોત, હજુ કેટલાક દટાયાની આશંકા

News18 Gujarati
Updated: September 26, 2018, 4:04 PM IST
દિલ્હી: બિલ્ડીંગ ધરાશાયી, એક મહિલા અને 4 બાળકોના મોત, હજુ કેટલાક દટાયાની આશંકા
અત્યાર સુધીમાં મળેલી જાણકારી અનુસાર, ઈમારતના કાટમાળ નીચે 20-25 લોકો દટાયા છે.

અત્યાર સુધીમાં મળેલી જાણકારી અનુસાર, ઈમારતના કાટમાળ નીચે 20-25 લોકો દટાયા છે.

  • Share this:
દિલ્હીના અશોકા વિહાર ફેસ-3 વિસ્તારમાં બુધવાર સવારે ત્રણ માળની બિલ્ડીંગ પડી ગઈ છે. આ ઈમારત પડવાની સૂચના મળતા જ એનડીઆરએફ અને ફાયર વિભાગની 6 ગાડીઓ ઘટના સ્થળ પર પહોંચી ગઈ છે. બિલ્ડીંગના કાટમાળમાં 20થી 25 લોકો દટાયા હોવાની જાણકારી મળી રહી છે. અત્યાર સુધીમાં ત્રણ બાળક સહિત નવ લોકોને કાટમાળ નીચેથી બહાર કાઢવામાં આવ્યા છે. આ સાથે એક મહિલા અને ચાર બાળકોનું ઘટના સ્થળ પર જ મોત થયું છે. હાલમાં ઘાયલ લોકોને સારવાર માટે હોસ્પિટલમાં લઈ જવામાં આવી રહ્યા છે.

પ્રાપ્ત માહિતી અનુસાર, દિલ્હીના અશોક વિહાર ફેસ-3 વિસ્તારમાં સત્યવર્તી કોલેજ પાસે બુધવાર સવારે ધમાકાનો અવાજ સંભળાયો. આસપાસના લોકો જ્યારે બહાર આવીને જુએ છે તો, એક ત્રણ માળની બિલ્ડીંગ ધરાશાયી થઈ ગઈ હતી. અત્યાર સુધીમાં મળેલી જાણકારી અનુસાર, ઈમારતના કાટમાળ નીચે 20-25 લોકો દટાયા છે.

ઘટનાની સૂચના મળતા એનડીઆરએફ, પોલીસ અને ફાયર વિભાગની ટીમની 6 ગાડીઓ ઘટના સ્થળ પર પહોંચી ગઈ હતી. સ્થાનિક લોકો અને ટીમ દ્વારા કાટામાલ હટાવવાનું શરૂ કરી દેવામાં આવ્યું છે. અત્યાર સુધીમાં નવ લોકોને બચાવી લેવામાં આવ્યા છે. કહેવામાં આવે છે કે, બિલ્ડીંગ પડવાથી આજુબાજુ રહેલા લોકોને પણ ઈજા પહોંચી છે. ઘાયલોને સારવાર માટે નજીકની દિપચંદ બન્ધુ હોસ્પિટલમાં દાખલ કરવામાં આવ્યા છે.
First published: September 26, 2018, 4:04 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading