કમલેશ તિવારી હત્યા કેસ : ત્રણ આરોપી સાથે અડધી રાત્રે લખનઉ પહોંચી ગુજરાત ATS

લખનઉ : હિન્દુ સમાજ પાર્ટી (Hindu Samaj Party)ના અધ્યક્ષ કમલેશ તિવારની હત્યા (Kamlesh Tiwari Murder)ના આરોપી મૌલાના મોહસિન શેખ, ફૈજાન અને રાશિદ અહમદ પઠાણને લઈ ગુજરાત એટીએસ (Gujarat ATS) રાત્રે બે વાગ્યે લખનઉ પહોંચી. ત્રણેય આરોપીઓને કોર્ટે ચાર દિવસની પોલીસ કસ્ટડીમાં મોકલી દીધા છે.

પોલીસ અને એટીએસની ટીમ લખનઉમાં ત્રણ આરોપીઓની પૂછપરછ કરશે. આરોપીઓને પોલીસ ઘટનાસ્થળે પણ લઈ જઈ શકે છે. આરોપીઓએ ઘટનાને કેવી રીતે અંજામ આપ્યો તેની પર પોલીસ ક્રાઇમ સીન ક્રિએટ કરી શકે છે.

Maulana Mohsin Sheikh, Faizan, & Rashid Ahmed Pathan, accused in #KamleshTiwari murder case brought to Lucknow from Gujarat. All three accused have been sent to police custody for 4 days by a court. pic.twitter.com/N5xhOTgO0S

— ANI UP (@ANINewsUP) October 22, 2019

ગુજરાત એટીએસે કરી હતી ધરપકડ

નોંધનીય છે કે, ગુજરાત એટીએસની ટીમે ફરાર બે આરોપીઓની ગુજરાત-રાજસ્થાન શામળાજી બોર્ડરથી ધરપકડ કરી હતી. ધરપકડ કરાયેલા બંને આરોપી કમલેશ તિવારી પર ગોળી ચલાવવા અને ચાકૂ મારનારા હોવાનું કહેવાય છે. ડીઆઈજી (એટીએસ) હિમાંશુ શુક્લાનું કહેવું છે કે આ બંનેએ જ કમલેશ તિવારી પર હુમલો કર્યો હતો. આરોપીઓના નામ અશફાક અને મોઇનુદ્દીન છે. તેમની ધરપકડ ગુજરાત-રાજસ્થાન બોર્ડરથી થઈ હતી. એટીએસનું કહેવું છે કે આ બંને પાકિસ્તાન ભાગવાના પ્રયાસમાં હતા, પરંતુ તે પહેલાં જ ગુજરાત એટીએસના હાથમાં આવી ગયા હતા.

Gujarat ATS DIG Himanshu Shukla: The two wanted accused Ashfaq and Moinuddin Pathan have been arrested from Gujarat-Rajasthan border near Shamlaji. Gujarat ATS had info that they are going to enter Gujarat, on that basis we moved our team to the border & apprehended them. https://t.co/4rBe0Fx71C pic.twitter.com/1A7FGkSGwZ

— ANI UP (@ANINewsUP) October 22, 2019

ઉત્તર પ્રદેશ એટીએસે જાહેર કરી હતી બંને આરોપીઓની તસવીર

કમલેશ તિવારી હત્યાકાંડમાં સામેલ બંને મુખ્ય આરોપી શેખ અશફાક હુસૈન અને પઠાણ મોઇનુદ્દીન અહમદ ઉર્ફે ફરીદની તસવીર યૂપી પોલીસે સોમવાર સાંજે જાહેર કરી હતી. યૂપી પોલીસના ડીજીપી ઓપી સિંહ (DGP OP Singh)એ કહ્યુ હતું કે હત્યાકાંડના બંને આરોપીઓ અશફાક અને મોઇનુદ્દીન પઠાણને પકડનારાઓને અઢી-અઢી લાખ રૂપિયાનું ઈનામ આપવામાં આવશે.

આ પણ વાંચો,

કમલેશ તિવારી હત્યાકાંડ: ફરાર આરોપી અશફાક અને મોઇનુદ્દીનની શામળાજી પાસેથી ધરપકડ
પીએમ સાથે મુલાકાત પછી અભિજીત બેનરજીએ કહ્યું - મોદીએ દેશને લઈને પોતાના વિચાર રાખ્યા

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat ATS, Kamlesh Tiwari Murder, Yogi adityanath, ઉત્તરપ્રદેશ, ભાજપ