Home /News /national-international /60 વર્ષથી પણ કરી શકો છો મહિને 36000ની નિયમિત આવક, સરકારની આ યોજનાઓમાં કરો રોકાણ

60 વર્ષથી પણ કરી શકો છો મહિને 36000ની નિયમિત આવક, સરકારની આ યોજનાઓમાં કરો રોકાણ

Senior Citizen Savings Scheme: સરકારની સ્મોલ સેવિંગ સ્કીમ વરિષ્ઠ નાગરિકો માટે ઉપલબ્ધ છે. 60 વર્ષથી વધુની ઉમરના લોકો આ યોજનામાં રોકાણ કરીને સારી નિયમિત આવક મેળવી શકે છે. જાણો શું છે આ યોજના

Senior Citizen Savings Scheme: સરકારની સ્મોલ સેવિંગ સ્કીમ વરિષ્ઠ નાગરિકો માટે ઉપલબ્ધ છે. 60 વર્ષથી વધુની ઉમરના લોકો આ યોજનામાં રોકાણ કરીને સારી નિયમિત આવક મેળવી શકે છે. જાણો શું છે આ યોજના

    Senior Citizen Savings Scheme: વરિષ્ઠ નાગરિક બચત યોજના (SCSS) અને વય વંદન યોજના (PMVVY)ની સ્મોલ સેવિંગ સ્કીમ વરિષ્ઠ નાગરિકો માટે ઉપલબ્ધ છે. 60 વર્ષથી વધુની ઉમરના લોકો આ યોજનામાં રોકાણ કરીને સારી નિયમિત આવક મેળવી શકે છે. આ બંને યોજનાઓ સરકાર દ્વારા સમર્થિત છે અને તેમાં કોઈપણ પ્રકારનું જોખમ નથી. આ કારણોસર તમને યોગ્ય સમયે રિટર્ન મળે તે અંગે સરકાર સુનિશ્ચિત કરે છે.

    વરિષ્ઠ નાગરિક બચત યોજના અને PM વય વંદન યોજના દર વર્ષે 7.4 ટકા સુધી વ્યાજ પ્રદાન કરે છે. SCSSનો કાર્યકાળ ત્રણ વર્ષનો (ત્રણ વર્ષથી વધુ વધારી શકાય છે) અને PMVVYનો કાર્યકાળ 10 વર્ષનો છો. આ કારણોસર રોકાણ થકી રિટર્ન લોક કરી શકો છો. આ યોજના પર આકર્ષક રિટર્ન આપવામાં આવે છે.

    રોકાણ કરવાનું વિચારતા સેવાનિવૃત્ત વ્યક્તિઓએ SCSS અને PMVVYમાં રોકાણ કરવું જોઈએ. આ યોજનામાં વ્યક્તિગત વધુમાં વધુ રૂ.15 લાખનું રોકાણ કરી શકાય છે.

    60 વર્ષથી વધુ સેવાનિવૃત્ત વ્યક્તિઓ SCSS + PMVVYનો એકસાથે કેવી રીતે ઉપયોગ કરી શકે છે?

    એક વ્યક્તિ SCSS અથવા PMVVY આ બેમાંથી કોઈ એક યોજનાનો ઉપયોગ કરી શકે છે, જો તમે તમારા સ્પાઉસ સાથે કમ્બાઈનમાં રોકાણ કરવાનું વિચારી રહ્યા છો, તો તે માટે અલગ નિયમ છે.

    60 વર્ષથી વધુની ઉંમર ધરાવતું કપલ વ્યક્તિગત રીતે SCSS અને PMVVY બંનેમાં અલગ અલગ રૂ.15 લાખનું રોકાણ કરી શકે છે. વ્યક્તિગત રીતે ખાતુ ખોલાવી શકાય છે. એક એકાઉન્ટમાં પતિ ફર્સ્ટ હોલ્ડર રહેશે અને પત્ની સેકન્ડ હોલ્ડર. બીજા એકાઉન્ટમાં પત્ની પ્રાઈમરી હોલ્ડર રહેશે અને પતિ સેકન્ડરી હોલ્ડર.

    આ પ્રકારે એક કપલ તરીકે SCSSમાં રૂ.15 લાખની જગ્યાએ 30 લાખનું રોકાણ કરી શકે અને તે જ પ્રકારે PMVVYમાં પણ રૂ.30 લાખનું રોકાણ કરી શકે.

    SCSS અને PMVVYમાં 60 લાખનું રોકાણ કરતા કેટલી આવક પ્રાપ્ત થશે?

    કપલને વાર્ષિક 7.4 ટકા વ્યાજ આપવામાં આવે છે.

    પતિના SCSS એકાઉન્ટમાંથી વાર્ષિક રૂ.1.11 લાખ વાર્ષિક વ્યાજ

    પત્નીના SCSS એકાઉન્ટમાંથી વાર્ષિક રૂ.1.11 લાખ વાર્ષિક વ્યાજ

    પતિના PMVVY એકાઉન્ટમાંથી વાર્ષિક રૂ.1.11 લાખ વાર્ષિક વ્યાજ

    પત્નીના PMVVY એકાઉન્ટમાંથી વાર્ષિક રૂ.1.11 લાખ વાર્ષિક વ્યાજ

    જેથી નિયમિત આવક તરીકે વાર્ષિક તમને રૂ.4.44 લાખ પ્રાપ્ત થાય છે. જો આ આંકડાને માસિક રીતે જોવામાં આવે તો તમને માસિક રૂ.36,000 અને રૂ.37,000 પ્રાપ્ત થાય છે.

    ઘણા લોકો માટે આ આવક પર્યાપ્ત આવક નથી, પરંતુ સેવાનિવૃત્ત લોકો માટે આ સારી માસિક આવક છે.

    આ પ્રકારની યોજનાઓમાં માસિક વ્યાજની ચૂકવણી થાય તે જરૂરી નથી. PMVVY યોજનામાં સેવાનિવૃત્ત વ્યક્તિઓને વ્યાજની ચૂકવણી પ્રાપ્ત થાય તે માટે માસિક, ત્રિમાસિક, અર્ધ વાર્ષિક અને વાર્ષિક વ્યાજ ચૂકવણીનો વિકલ્પ આપવામાં આવે છે. જ્યારે SCSS યોજનામાં માત્ર વિકલ્પ મળે છે- ત્રિમાસિક. એટલે કે, SCSS યોજનામાં તમને ત્રિમાસિક ગાળામાં વ્યાજની ચૂકવણી કરવામાં આવે છે. આ કારણોસર સમયગાળાના આધાર રોકડ પ્રવાહની યોજના બનાવવી જરૂરી છે.

    જો તમને સેવાનિવૃત્તિમાં વધુ આવકની જરૂરિયાત હોય તો શું કરી શકાય?

    ખર્ચ વધતા હોવાને કારણે માત્ર SCSS અને PMVVY પર નિર્ભર રહેવું તે યોગ્ય નથી. એક વાર SCSS અને PMVVYમાં રૂ.60 લાખનું રોકાણ કર્યા બાદ તમને રોકાણના અન્ય વિકલ્પ વિશે પણ જાણકારી મેળવી શકો છો.

    પોસ્ટ ઓફિસ માસિક આવક યોજના (POMIS)-

    અન્ય યોજનાની સરખામણીએ આ યોજના વાર્ષિક 6.6 ટકા વ્યાજદર પ્રદાન કરે છે. આ યોજનામાં એક વ્યક્તિ વધુમાં વધુ રૂ.4.5 લાખનું અને એક કપલ રૂ.9 લાખનું રોકાણ કરી શકે છે.

    RBI ફ્લોટિંગ રેટ બોન્ડ-

    આ યોજનામાં 6 માસિક વ્યાજદર રિસેટ છે (NSC રેટ + 0.35 ટકા વ્યાજદર જોડાયેલ છે.) હાલમાં આ યોજનામાં અર્ધ વાર્ષિક 7.15 ટકા વ્યાજદર પ્રદાન કરે છે. આ યોજનાના સારા પાસાની વાત કરવામાં આવે તો આ યોજનામાં રોકાણની કોઈ સીમા નક્કી કરવામાં આવી નથી. આ કારણોસર આ યોજનામાં તમે વધુ રકમનું રોકાણ કરવા અંગે વિચાર કરી શકો છો.

    ઈમિડિએટ એન્યુઈટીઝ-

    એન્યુઈટીઝનો ઉપયોગ સમગ્ર જીવન માટે નિશ્ચિત આવક મેળવવા માટે પણ કરી શકાય છે. તમે આ એન્યુઈટી ખરીદવામાં જેટલી વાર કરશો, તમને તેટલો આ યોજનાનો વધુમાં વધુ ઉંમરમાં લાભ મળશે.

    આ પણ વાંચો: રિટાયમેન્ટ બાદ પણ નહીં થાય પૈસાની કમી! સિનિયર સિટીઝન્સ માટે કામની છે આ સ્કીમ

    ડેબ્ટ ફંડ-

    તમારે કેટલી નિયમિત આવકની જરૂર છે તે વાતની ખબાર પડી જાય એટલે તમે SCSS + PMVVY અથવા, RBI ફ્લોટિંગ રેટ બોન્ડ અથવા POMISના સંયોજનથી ડેબ્ટ ફંડને મેનેજ કરી શકો છો. બાકી રહેલ રકમ SWPમાં રોકાણ કરીને મેળવી શકો છો.



    અહીં નોંધનીય છે કે, સેવાનિવૃત્ત વ્યક્તિ તરીકે તમારું પ્રાથમિક લક્ષ્ય નિયમિત આવક પ્રાપ્ત કરવાનું છે, તમારે તમારી રિટાયરમેન્ટની તમામ રકમનું રોકાણ ના કરવું જોઈએ. નિશ્ચિત આવક મેળવવાના સાધનામાં વ્યાજદર નીચે પણ આવી શકે છે. આ કારણોસર તમારા હાથમાં કેટલાક પૈસા હોવા જરૂરી છે, જે તમને મદદરૂપ થઈ શકે છે. તેના રોકાણ માટે ઈક્વિટી સૌથી સારો વિકલ્પ છે.
    Published by:Mayur Solanki
    First published:

    विज्ञापन
    विज्ञापन