અયોધ્યાના સંતોએ 'આદિ પુરુષ' ફિલ્મ અંગે વિરોધ નોંધાવ્યો, વડાપ્રધાન નરેન્દ્ર મોદીને મળીને કરશે આ માંગ

અયોધ્યા: ભગવાન રામની નગરી અયોધ્યામાં ફિલ્મ આદિ પુરુષનું ટીઝર રિલીઝ કરીને ચર્ચામાં આવેલી દેશની સૌથી મોંઘી ફિલ્મનો વિરોધ શરૂ થઈ ગયો છે. ભગવાન રામ, રાવણ અને હનુમાનના સ્વરૂપને લઈને સંત સમાજ વિરોધ કરી રહ્યો છે. રામલલાના મુખ્ય પૂજારીની આગેવાનીમાં અયોધ્યાના સંતોનું એક પ્રતિનિધિમંડળ ટૂંક સમયમાં વડાપ્રધાન નરેન્દ્ર મોદીને મળશે અને સેન્સર બોર્ડ, ઉત્તર પ્રદેશ વિકાસ પરિષદની સુચના મુજબ ધર્મ ફિલ્મ બોર્ડનું નિર્માણ કરે.

રેલવે મંત્રાલયની સલાહકાર સમિતિના સભ્ય અનૂપ ચૌધરીએ કહ્યું કે અમે ફિલ્મ નિર્માતા કે કોઈ અભિનેતા કે અભિનેત્રીનો વિરોધ નથી કરી રહ્યા. આચાર્ય સત્યેન્દ્ર દાસના નેતૃત્વમાં ટી સિરીઝ કંપનીના માલિકને એક પત્ર મોકલવામાં આવશે, જેમાં આદિ પુરુષ ફિલ્મમાં સુધારા કરવાની માંગ કરવામાં આવશે. ફિલ્મના પાત્રોને જે રીતે રજૂ કરવામાં આવ્યા છે તે ખોટું છે.

અનૂપ ચૌધરીએ કહ્યું કે અમે માંગ કરીશું કે ફિલ્મ નિર્માતા પાસેથી એફિડેવિટ લેવામાં આવે કે ફિલ્મમાં એવું કોઈ દ્રશ્ય બતાવવામાં નહીં આવે, જેનાથી અમારી આરાધનાનું અપમાન થાય. ટૂંક સમયમાં આ માટે આચાર્ય સત્યેન્દ્ર દાસના નેતૃત્વમાં વડાપ્રધાન, ઉત્તરપ્રદેશના મુખ્યમંત્રીની સાથે મુલાકાત કરીને દેશમાં સેન્સર બોર્ડ, ઉત્તરપ્રદેશમાં ફિલ્મ વિકાસ પરિષદની સુચના મુજબ એક ધાર્મિક ફિલ્મ બોર્ડની રચના કરે.

અનૂપ ચૌધરીએ કહ્યું કે, ફિલ્મમાં રામનું પાત્ર ભજવતા અભિનેતા પ્રભાસ, મોટી મૂછો અને ચામડાના ચપ્પલ પહેરેલો જોવા મળે છે. વનવાસ સમયે માતા સીતાનું સ્વરૂપ રામાયણમાં જે છે તેના કરતાં અલગ હોલીવુડ શૈલીમાં બતાવવામાં આવ્યું છે, જે ખોટું છે. આ સાથે હનુમાનજીના સ્વરૂપ સાથે પણ છેડછાડ કરવામાં આવી છે. હનુમાનજીને કિંગ કોંગના પાત્ર તરીકે દર્શાવવામાં આવ્યા છે, જે ખોટું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ayodhya case, Cm yogi aadityanath