Corona Caller Tune : હવે તમને કોરોનાની કોલર ટ્યુનથી મળશે આઝાદી, સરકારે 'સ્ટોપ' કરવાના આદેશ આપ્યા

Corona Caller Tune will Stop : છેલ્લા એક મહિનાથી કોરોનાના નવા કેસોમાં સતત ઘટાડો થઈ રહ્યો છે. રવિવારે દેશભરમાં કોરોનાના 1270 નવા કેસ નોંધાયા હતા જ્યારે 31 લોકોના મોત પણ થયા હતા (Corona Update). આ આંકડો છેલ્લા બે વર્ષની સરખામણીમાં અથવા કોરોનાએ વેગ પકડ્યો ત્યારથી સૌથી ઓછો છે. તેથી, કોરોનાનો કહેર હવે લગભગ બંધ થઈ ગયો છે. આવી સ્થિતિમાં તમામ પ્રકારના પ્રતિબંધો (Corona Ristrictions) હટાવવામાં આવી રહ્યા છે. 31 માર્ચથી દેશભરમાં કોરોના સંબંધિત તમામ પ્રતિબંધો હટાવવાની સૂચના આપવામાં આવી છે. હવે ફોન પર વગાડતી કોરોના કોલર ટ્યુન (Corona Caller Tune) ને પણ દૂર કરવાની સૂચના આપવામાં આવી છે.

ANIના સમાચાર અનુસાર, કોરોના સંબંધિત કોલર ટ્યુન ખૂબ જ જલ્દી દૂર કરવામાં આવશે. અધિકારીઓએ આ વાતની પુષ્ટિ કરી છે. હાલમાં, કોલ કરતા પહેલા, કોરોના સંબંધિત કોલર ટ્યુન વગાડવામાં આવે છે, જેમાં અમિતાભ બચ્ચન (Amitabh Bachchan) ના અવાજમાં કોરોનાથી બચવાની સલાહ આપવામાં આવે છે.

ટેલિકોમ મંત્રાલયે સ્વાસ્થ્ય મંત્રાલયને લખ્યો પત્ર

દેશમાં જ્યારથી કોરોનાએ જોર પકડ્યું છે ત્યારથી કોલ કરતા પહેલા કોરોના કોલર ટ્યુન વાગે છે. જેમાં માસ્ક પહેરવા (Wear Mask) અને બે ગજનું અંતર રાખવાનું કહેવામાં આવ્યું હતું (Social Distance). આ પછી, જ્યારે રસી આવી, ત્યારે રસી લગાવવાના સંદેશા પ્રસારિત કરવામાં આવ્યા.

એટલું જ નહીં, સાર્વજનિક સ્થળોએ કોરોનાને લગતી જાહેરાતો પણ વગાડવામાં આવી હતી. પરંતુ હવે તે વાગશે નહીં. સૂત્રોના જણાવ્યા અનુસાર, ટેલિકોમ મંત્રાલયે સ્વાસ્થ્ય મંત્રાલયને પત્ર લખીને આ અંગે સલાહ માંગી છે.

આ પણ વાંચો:  Crime News: ભાભી સાથેના અનૈતિક સંબંધમાં પતિએ નડતરરૂપ પત્નીની હત્યા કરી, રોડ અકસ્માત બતાવવાનો કર્યો પ્રયાસ, પણ આ રીતે ભાંડો ફૂટ્યો

કટોકટીની સ્થિતિ

જો કે કોવિડ-19 (Covid 19) કોલર ટ્યુનનું પ્રસારણ લોકોને કોરોના સામે જાગૃત કરવા માટે ફોન કરતા પહેલા કરવામાં આવે છે, પરંતુ ઘણી વખત લોકોને તેનાથી સમસ્યા થવા લાગે છે. ઘણી વખત જ્યારે લોકોને ઈમરજન્સીમાં કોઈને ફોન કરવો હોય ત્યારે આવી વાતો વાગે છે, તો કામમાં વિલંબ થાય છે.

જો કે, ઘણી વખત પોસ્ટપેડ કનેક્શનમાં કોરોના સંદેશ સંભળાતો નથી. કેટલીકવાર પ્રીપેડ સેવામાં પણ આવું જ થાય છે, પરંતુ મોટાભાગે કોઈને ફોન કરતા પહેલા કોરોના કોલર ટ્યુન વગાડવામાં આવે છે.

આ પણ વાંચો: ખુદ પોલીસ કમિશ્નરે વેશ પલટો કરીને નકલી પોલીસને પકડ્યો, લોકો પાસેથી કરતો હતો લાખોના તોડ

જેના કારણે મુશ્કેલી સર્જાય છે. સંચાર મંત્રાલયે તેના પત્રમાં લખ્યું છે કે કોલર ટ્યુન ચાલુ રાખવાથી ઉપભોક્તા માટે ઈમરજન્સીની સ્થિતિમાં કોલ કરવો મુશ્કેલ બની જાય છે. હવે કોરોનાના કેસ ઘણા ઓછા થઈ ગયા છે, તો તેને કેમ રોકતા નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ccoronavirus, Corona Updates, Covid 19 cases