Indian citizenship: ચીનાઓ પણ લઇ રહ્યા છે ભારતની નગરિકતા, સરકારે સંસદમાં માહિતી આપી

ગલવાન ખીણને લઈને ચીન અને ભારત વચ્ચે હજુ પણ તણાવ ચાલી રહ્યો છે, પરંતુ અવાર-નવાર ચીની નાગરિકોને ભારતીય નાગરિકતા (Indian citizenship for Chinese national) આપવામાં આવી રહી છે. જોકે તેમની સંખ્યા ઘણી ઓછી છે. સરકારે જણાવ્યું છે કે 2007થી અત્યાર સુધીમાં 16 ચીની લોકોને ભારતીય નાગરિકતા આપવામાં આવી છે જ્યારે 10 ચીનીઓની અરજી હજુ પેન્ડિંગ છે. કેન્દ્રીય ગૃહ રાજ્ય મંત્રી નિત્યાનંદ રાયે રાજ્યસભામાં લેખિત જવાબમાં આ માહિતી આપી છે. ડીએમકે સાંસદ તિરુચી શિવા (Tiruchi Shiva)એ રાજ્યસભામાં આ માહિતી માંગી હતી.

ગૃહ રાજ્ય મંત્રીએ સાંસદને જણાવ્યું કે, ઓનલાઈન ડેટા અનુસાર હાલમાં 10 ચીની લોકોની ભારતીય નાગરિકતા માટેની અરજીઓ પેન્ડિંગ છે, પરંતુ 2007થી અત્યાર સુધીમાં 16 ચીનીઓને ભારતીય નાગરિકતા મળી છે. તેમણે એમ પણ કહ્યું કે સરકાર માત્ર રાષ્ટ્રીય સ્તરે ડેટાનું સંચાલન કરે છે અથવા તેને જાળવી રાખે છે. આ સંદર્ભમાં ડેટા સમુદાય સ્તરે સંચાલિત થતો નથી.

આ પણ વાંચો- Assembly Elections 2022 : ભગવંત માન બન્યા પંજાબના નવા સીએમ, શપથ ગ્રહણ સમારોહમાં કેજરીવાલ રહ્યા હાજર

નિત્યાનંદ રાયે જણાવ્યું કે ભારતે સંયુક્ત રાષ્ટ્રના 1951ના સંમેલન પર હસ્તાક્ષર કર્યા નથી, જેમાં તમામ વિદેશીઓને શરણાર્થી અથવા શરણાર્થીનો દરજ્જો આપવાની જોગવાઈ છે. તેથી અમે ફોરેનર્સ એક્ટ 1946, સિટીઝનશિપ એક્ટ 1955ના આધારે તેનું વિશ્લેષણ કરીએ છીએ.

આ પણ વાંચો- હવે 15 માર્ચને 'International Day to Combat Islamophobia' તરીકે મનાવવામાં આવશે, UNએ પાકિસ્તાનનો પ્રસ્તાવ સ્વીકાર્યો!

પાકિસ્તાની હિન્દુઓને પણ નાગરિકતા આપવામાં આવી રહી છે

અહીં પાકિસ્તાનથી આવેલા હિન્દુઓને ભારતીય નાગરિકતા આપવાની પ્રક્રિયા ચાલી રહી છે. દેશની વિવિધ સરકારો તેમને નાગરિકતા આપી રહી છે. મીડિયા રિપોર્ટ્સ અનુસાર અત્યાર સુધીમાં 900 થી વધુ પાકિસ્તાની હિન્દુઓને ભારતીય નાગરિકતા આપવામાં આવી છે. જો કે તેમાં કેટલા હિંદુઓ અથવા કેટલા શીખો છે તે જણાવતું નથી. તાજેતરમાં અમદાવાદના ડીએમ સંદીપ સાંગલેએ 41 પાકિસ્તાનીઓને ભારતીય નાગરિકતા સોંપી હતી. એ જ રીતે મધ્યપ્રદેશ સરકારે પાકિસ્તાનથી ઈન્દોરમાં સ્થાયી થયેલા 75 હિન્દુઓને ભારતીય નાગરિકતા આપી છે. એ જ રીતે અન્ય રાજ્યોની સરકાર પણ પાકિસ્તાનના હિન્દુઓને નાગરિકતા આપી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: China India, India China Conflict, India China Dispute, India China Face off