યુપીની સાનિયા મિર્જાએ ક્લિયર કરી NDA પરિક્ષા, ધો-12માં ડિસ્ટ્રિક્ટ ટોપર, ઉડાવવા માંગે છે ફાઈટર પ્લેન

ઉત્તર પ્રદેશ : મિર્ઝાપુરના ટીવી મિકેનિકની પુત્રી સાનિયા મિર્ઝા ભારતીય વાયુસેનામાં ફાઇટર પાઇલટ બનવા માટે પસંદ કરવામાં આવી છે. અને તે દેશની પ્રથમ મુસ્લિમ યુવતી અને રાજ્યની પ્રથમ IAF પાઇલટ હશે. સાનિયા મિર્ઝા મિર્ઝાપુર દેહત કોતવાલી પોલીસ સ્ટેશન વિસ્તારના જસોવર ગામની રહેવાસી છે. તેણે એનડીએની પરીક્ષા પાસ કરીને આ સ્થાન હાંસલ કર્યું હતું. હિન્દી માધ્યમની શાળામાં અભ્યાસ કરતી સાનિયા મિર્ઝાએ કહ્યું કે હિન્દી માધ્યમના વિદ્યાર્થીઓ પણ જો દ્રઢ નિશ્ચય કરે તો સફળતા મેળવી શકે છે. 27 ડિસેમ્બરે તે પુણેમાં NDA ખડકવાસલામાં જોડાશે.

માતાએ કહ્યું કે દીકરી છોકરીઓ માટે પ્રેરણા છે

ભારતીય વાયુસેના (IAF) માં ફાઇટર પાઇલટ બનવા માટે પસંદ થયેલી દેશની પ્રથમ મુસ્લિમ છોકરી, સાનિયા મિર્ઝાની માતા કહે છે કે તે ગામની દરેક છોકરીને તેના સપનાને અનુસરવા માટે પ્રેરિત કરશે. ન્યૂઝ એજન્સી ANI અનુસાર, સાનિયા, જે ઉત્તર પ્રદેશના જસોવર ગામની છે, તે રાજ્યની પ્રથમ મહિલા IAF પાઇલટ પણ હશે.

અવની ચતુર્વેદી જેવી બનવા ઈચ્છું છું

સાનિયા મિર્ઝાએ કહ્યું કે તે ફ્લાઈટ લેફ્ટનન્ટ અવની ચતુર્વેદીથી પ્રેરિત છે અને તેને જોઈને જ સાનિયા મિર્ઝાએ NDAમાં જોડાવાનો નિર્ણય કર્યો. તે કહે છે કે મને આશા છે કે યુવા પેઢી એક દિવસ મારાથી પ્રેરિત થશે. સાનિયાના પિતા શાહિદ અલી જે મિર્ઝાપુરમાં ટીવી મિકેનિક છે કહે છે કે તે હંમેશા અવની ચતુર્વેદીથી પ્રેરિત હતી અને તેના જેવા બનવા માંગતી હતી.

આ પણ વાંચો : કંગના રનૌતે પોતાની સરખામણી લતા મંગેશકર સાથે કરી, કહ્યું- 'હું પૈસા માટે લગ્નમાં ડાન્સ નથી કરતી'

મહિલા પાઇલટ ત્યારે ચર્ચામાં આવી જ્યારે રાફેલ ફાઇટર જેટ માટે ભારતની પ્રથમ મહિલા પાઇલટ ફ્લાઇટ લેફ્ટનન્ટ શિવાંગી સિંહ પ્રજાસત્તાક દિવસની પરેડમાં આઇએએફની ઝાંખીમાં ઊભી જોવા મળી હતી. પ્રજાસત્તાક દિવસની પરેડમાં ભાગ લેનારી તે બીજી મહિલા ફાઇટર પાઇલટ હતી, જેમાં પ્રથમ ફ્લાઇટ લેફ્ટનન્ટ ભાવના કંથ હતી, જે 2021માં એરફોર્સની ઝાંખીનો ભાગ હતી.

જિલ્લામાં ટોચનું સ્થાન મેળવ્યું હતું

સાનિયા મિર્ઝાએ પ્રાથમિકથી લઈને 10મા ધોરણ સુધીનો અભ્યાસ ગામની જ પંડિત ચિંતામણિ દુબે ઈન્ટર કોલેજમાં કર્યો હતો. આ પછી તે શહેરની ગુરુ નાનક ગર્લ્સ ઇન્ટર કોલેજમાં ગઈ. તે 12મા યુપી બોર્ડમાં ડિસ્ટ્રિક્ટ ટોપર હતી. તેણે સેન્ચ્યુરિયન ડિફેન્સ એકેડમીમાં તેની તૈયારી શરૂ કરી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian Pilot, Muslim women, Pilot