દૌસાઃ દરેક પિતાની એક ઈચ્છા હોય છે કે તે પુત્રી માટે એક એવું ઘર શોધે જ્યાં આખી જિંદગી ખુશીથી રહે. પરંતુ રાજસ્થામાં (Rajasthan) એક એવો મામલો સામે આવ્યો છે. જ્યાં એક બાપે પહેલા ધામધૂમથી પોતાની પુત્રીના લગ્ન કરાવી તેને સાસરી વળાવી હતી. પછી લગ્નના માત્ર 19 દવિસ બાદ પુત્રીને પોતાના જ હાથે મારી નાંખી હતી. પુત્રીના હાથમાંથી હજી મહેંદીનો રંગપણ ઉતર્યો ન હતો. અને પિતાએ ખૂની ખેલ ખેલ્યો હતો.
હાથમાં મહેંદીનો રંગ પણ ન્હોતો ઉતર્યોને દુલ્હનનું થયું મોત
આ રુંવાડા ઊભા કરી દે એવી ઘટના ગુરુવારે સવારે પ્રકાશમાં આવી હતી. જ્યાં શંકરલાલ સૈની નામના એક વ્યક્તિએ પોતાની પુત્રીની હત્યા કરી દીધી હતી. પુત્રી આ સંબંધથી રાજી ન હવો છતાં પણ પરિવારે તેના લગ્ન 16 ફેબ્રુઆરીએ જબરદસ્તીથી કરાવી દીધા હતા. જોકે, લગ્નના ત્રણ દિવસ બાદ તે પોતાના પિયર પાછી આવી ગઈ હતી.
કોઈ અન્યને પ્રેમ કરતી હતી એટલે મળ્યું મોત
પિંકી પોતાની કોલોનીમાં રહેતા રોશન નામના યુવકને પસંદ કરતી હતી. જેની સાથે તે લગ્ન કરવા માંગતી હતી પરંતુ ઘરના લોકો તેની વાત સાંભળતા ન હતા. સાસરીથી આવ્યા બાદ પિંકી પ્રેમી રોસન સાથે ભાગી ગઈ હતી. ત્યારબાદ પરિવારે પુત્રીના અપહરણની ફરિયાદ નોંધાવી હતી.
કોર્ટે કપલને સુરક્ષા આપવા પોલીસને કર્યો આદેશ
જ્યાં રોશન ઉપર પિંકીને બળજબરીથી ભગાડી ગયાનો આરોપ લગાવવામાં આવ્યો હતો. જ્યારે પુત્રીએ હાઇકોર્ટમાં અરજી દાખલ કરીને સુરક્ષાની માંગણી કરી તો હાઇકોર્ટે પોલીસને કપલને સુરક્ષા આપવોનો આદેશ કર્યો હતો.
પુત્રીની હત્યા કર્યાબાદ પોલીસ પાસે પહોંચ્યો પિતા
ત્રણ દિવસ પહેલા 1 માર્ચે પિંકી પોતાના પ્રેમી રોશનના ઘરે દૌસા જિલ્લામાં પહોંચી હતી. આ વાતની જાણકારી તેના પિતાને લાગી ગઈ હતી. જેના પગલે તે પિંકીને બળજબરી ઉઠાવી આવ્યો હતો. ઘર લઈ જઈને પુત્રીને રોશનને ભૂલીને અને તેને છોડવા માટે સમજાવી હતી. પરંતુ પિંકી ન માની.
ગુસ્સે ભરાયેલા પિતાએ પુત્રીની હત્યા કરી પોલીસ પાસે પહોંચ્યો
ગુસ્સે ભરાયેલા પિતાએ પુત્રીનું ગળું દબાવીને હત્યા કરી દીધી હતી. ત્યારબાદ તે પોલીસ સ્ટેશન પહોંચ્યો હતો. અને કહ્યું કે પુત્રીને મારી નાંખી છે તમે જણી લાશ ઉઠાવી લો.
Published by:ankit patel
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર