માથું કાપી પાકિસ્તાન મોકલાવ્યો વીડિયો, ત્યારે મળ્યું હરિદ્વારમાં 2 નેતાઓને મારવાનું કામ: સૂત્રો

નવી દિલ્હી: રાષ્ટ્રીય રાજધાની દિલ્હીના જહાંગીરપુરી વિસ્તારમાં 21 વર્ષીય યુવકનું માથું કાપીને તેના શરીરના છ ટુકડા કરવા બદલ ધરપકડ કરાયેલા બે શંકાસ્પદ આતંકવાદીઓએ આખો વીડિયો રેકોર્ડ કરીને તેના પાકિસ્તાની હેન્ડલર્સને મોકલ્યા બાદ ઘણા મોટા ખુલાસા કર્યા છે. એક ટોચના ગુપ્તચર સૂત્રના જણાવ્યા અનુસાર, આ બંને 'જમણેરી નેતાઓ' વિરુદ્ધ 'કંઈક મોટું' કરવાની યોજના બનાવી રહ્યા હતા, પરંતુ દિલ્હી પોલીસના સ્પેશિયલ સેલે તેમને પકડી લીધા અને યોગ્ય સમયે તમામ આયોજનને અટકાવી દીધું હતું.

જહાંગીરપુરીના રહેવાસી 56 વર્ષીય નૌશાદ અને ઉત્તરાખંડના રહેવાસી જગજીત સિંહ (29)ની ગુરુવારે ધરપકડ કરવામાં આવી હતી. આ સાથે, તેમની પાસેથી 22 કારતૂસ અને ત્રણ પિસ્તોલ મળી આવી હતી. શુક્રવારે દિલ્હીની એક કોર્ટે તેને 14 દિવસની પોલીસ કસ્ટડીમાં મોકલી દીધા હતા.

આ પણ વાંચો: આતંકવાદીના રૂમમાંથી 2 ગ્રેનેડ અને માનવ લોહી મળી આવ્યું; શું આ છે 'સર તન સે જુદા' ભાગ 3? પકડાયેલા આરોપીઓનો મોટો ખુલાસો

પોલીસે એક વીડિયો કબજે કર્યો છે જેમાં આરોપીઓ એક યુવકનું ગળું દબાવીને તેનું માથું કાપી નાખતા અને મૃતદેહને દિલ્હીના ભાલવા ડેરી વિસ્તારમાં 6 ટુકડા કરતા જોવા મળી રહ્યા છે. ડ્રોપ-ડેડ પદ્ધતિથી પાકિસ્તાનથી હથિયારો મેળવનારા શકમંદોને શોધી રહ્યા છે. સિગ્નલ એપ પર પાકિસ્તાનમાં હેન્ડલર્સ સાથે સંપર્કમાં છે. ANI સૂત્રોએ જણાવ્યું કે તેમને ઉત્તરાખંડમાં એક અજ્ઞાત સ્થળેથી હથિયારો મળ્યા છે, જેની ચકાસણી કરવામાં આવી રહી છે.

જ્યારે નૌશાદ તેના હેન્ડલરને મળ્યો

સૂત્રોએ જણાવ્યું કે, 'નૌશાદ મૂળ બિહારનો છે, પરંતુ તે લાંબા સમયથી જહાંગીરપુરીમાં રહેતો હતો. તેની સામે હત્યાના ચાર-પાંચ કેસ નોંધાયેલા છે. તેમની સામેનો એક કેસ એ છે કે, વર્ષ 1997-98માં તેણે મૌલાના મસૂદ અઝહરને તિહાર જેલમાંથી મુક્ત કરાવવા માટે જૈશ-એ-મોહમ્મદના જૂના સંગઠન હરકત-ઉલ-અંસારના એક વ્યક્તિ સાથે મળીને કાવતરું ઘડ્યું હતું.

તિહાર જેલમાં, તેણે પાકિસ્તાની ગુનેગારો સાથે મિત્રતા કરી, જેમાં સોહેલનો પણ સમાવેશ થાય છે, જેઓ કાશ્મીરના હોવાનો અને અગાઉ લશ્કર-એ-તૈયબા સાથે સંકળાયેલા હોવાનો દાવો કરે છે.

આ પણ વાંચો: બોસને ખુશ કરવા માટે કરી ‘ISIS સ્ટાઈલ’માં હત્યા, દિલ્હીના આ મર્ડર કેસમાં કેનેડાથી પાકિસ્તાન સાથે આતંકવાદી કડી સામે આવી

સૂત્રોએ જણાવ્યું કે, નૌશાદ વર્ષ 2018માં જેલમાંથી મુક્ત થયો હતો. 2013 માં સોહેલની મુક્તિ પછી, તે પાકિસ્તાન પાછો ગયો પરંતુ નૌશાદ સાથે સંપર્કમાં રહ્યો અને કામ પૂર્ણ થવા પર તેને પૈસા ચૂકવવાનો હતો.

પાકિસ્તાન કનેક્શન

સૂત્રએ જણાવ્યું હતું કે, ઉત્તરાખંડમાંથી ખંડણીના કેસમાં નૌશાદની 2 વર્ષ બાદ ફરી ધરપકડ કરવામાં આવી હતી. "જેલમાં તેમના રોકાણ દરમિયાન, તે કેનેડિયન ગેંગસ્ટર અર્શદીપ સિંહ ગિલના એક સહાયક જગજીત સિંહને મળ્યો, જે હત્યાના આરોપમાં જેલમાં હતો."

સૂત્રોએ જણાવ્યું કે, જ્યારે નૌશાદ એપ્રિલ 2022માં જેલમાંથી બહાર આવ્યો ત્યારે તેણે સોહેલ સાથે સંપર્કમાં રાખ્યો હતો. જ્યારે નૌશાદ પેરોલ પર બહાર આવ્યો ત્યારે જગજીત તેની સાથે મળ્યો હતો.

'કાફિરને મારી નાખો'

સૂત્રએ જણાવ્યું કે, સોહેલે આ બંનેને એક 'કાફિર'ને મારવાનું કામ સોંપ્યું હતું. તેમની સૂચનાઓ પર કામ કરતા, નૌશાદ અને જગજીતે 14 ડિસેમ્બરે 21 વર્ષના ડ્રગ એડિક્ટનું ગળું દબાવી માથું કાપી નાખ્યું હતું અને પછી એક વીડિયો શૂટ કર્યો અને તેને સોહેલને મોકલ્યો હતો.


21 વર્ષીય મૃતકના હાથ પર 'ઓમ'નું ટેટૂ હતું. બાદમાં બંનેએ તેના લાશના ટુકડા કરી દિલ્હીમાં મૂકી દીધા હતા.

'કંઈક મોટું કરો'

આ હત્યાકાંડ પછી પણ સોહેલ તેના પર 'કંઈક મોટું' કરવાનું દબાણ કરતો રહ્યો હતો. સૂત્રએ કહ્યું કે, તેને હરિદ્વારમાં જમણેરી જૂથના બે લોકોને મારવા માટે કહેવામાં આવ્યું હતું, જેના માટે તેને ચૂકવણી કરવાની હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Isis terrorist, Terrorists Attack