રેગિંગે લીધો ટોપર વિદ્યાર્થીનો જીવ, સુસાઈડ નોટમાં લખ્યું, ‘મમ્મી-પપ્પા સોરી તમારા...’

રેગિંગની ઘણી ઘટનાઓ સામે આવે છે જેમાં વિદ્યાર્થીઓ ત્રાસથી કંટાળી જાય છે અને તંગ આવીને જીવન ટૂંકાવી દે છે. તેની સામે કાયદો પણ બનાવવામાં આવ્યો છે, પરંતુ તેમ છતાં કેટલાક તોફાની તત્વો આવી હરકત કરવાનું છોડતા નથી. તાજેતરનો કેસ તેલંગાણાના ભૈંસા શહેરમાંથી સામે આવ્યો છે. અહીં એક વિદ્યાર્થીને રેગિંગના નામે એટલો હેરાન કરવામાં આવ્યો કે તેણે આત્મહત્યા કરી લીધી. વિદ્યાર્થી શહેરની લઘુમતી ગુરુકુલ જુનિયર કોલેજના બીજા વર્ષનો વિદ્યાર્થી હતો. તેનું નામ ફરહાન નવાઝ (17) હતું.

કહેવામાં આવી રહ્યું છે કે તેણે સુસાઈડ નોટ લખીને આત્મહત્યા કરી છે. સુસાઈડ નોટમાં લખ્યુ છે કે ત્રણ વિદ્યાર્થીઓ તેને અવારનવાર હેરાન કરતા હતા. તે હવે સહન કરી શકતો નથી. ફરહાન જુનિયર કોલેજમાં ટોપર હતો, જેના કારણે લેક્ચરર, પ્રિન્સિપાલ તેની સાથે ખૂબ સારી રીતે વર્તન કરતા હતા. આરોપી વિદ્યાર્થીઓને આ પસંદ ન હતું. વિદ્યાર્થીઓને આ વાતની ઈર્ષ્યા થતી હતી અને પછી તેઓ ફરહાનને ટોર્ચર કરતા હતા. સ્યુસાઈડ નોટ પર, તેણે તેના સપના સાકાર ન કરવા માટે તેના માતાપિતાની માફી માંગી.

આ પણ વાંચોઃ 'નો ટ્રેન, નો વોટ', ગુજરાતના આટલા ગામડા કરશે ચૂંટણીનો બહિષ્કાર; નેતાઓને ગામડાઓમાં પ્રવેશ પર પ્રતિબંધ

ફરિયાદ કરવા છતાં કોલેજે કોઈ કાર્યવાહી નથી કરી- પેરેન્ટ્સ

તેના પરિવારનું કહેવું છે કે છેલ્લા એક અઠવાડિયાથી શાળાના સત્તાવાળાઓને ફરિયાદ કરવા છતાં પણ કોઈ કાર્યવાહી કરવામાં આવી નથી. તેમની માંગ છે કે આરોપીઓને કડક સજા થવી જોઈએ. પોલીસે સુસાઈડ નોટ બાદ આરોપી સામે ગુનો નોંધ્યો છે. પોલીસે આ મામલે તપાસ શરૂ કરી છે અને કોલેજ પ્રશાસન સાથે પણ વાતચીત ચાલી રહી છે. પુત્રના મૃત્યુ બાદ પરિવારની હાલત કફોડી છે. ફરહાન કોલેજનો ટોપર હતો અને તેનું સ્વપ્ન કંઈક મોટું કરવાનું હતું. તે હંમેશાં અભ્યાસ અને વાંચવામાં વ્યસ્ત રહેતો. આ ઘટના બાદ તેના માતા-પિતા સંપૂર્ણપણે ભાંગી પડ્યા છે.

એક દિવસ પહેલા વીડિયો વાયરલ થયો હતો

એક દિવસ પહેલા હૈદરાબાદની એક ખાનગી કોલેજનો મામલો સામે આવ્યો હતો. જેમાં સિનિયરો દ્વારા વિદ્યાર્થીને મારપીટ કરતો વીડિયો વાયરલ થયો હતો. પીડિત વિદ્યાર્થીની ઓળખ હિમાંક બંસલ તરીકે થઈ હતી. વીડિયોમાં સ્પષ્ટ દેખાઈ રહ્યું હતું કે આરોપી વિદ્યાર્થીઓ જુનિયર વિદ્યાર્થીઓને માર મારી રહ્યા છે અને ધાર્મિક નારા લગાવી રહ્યા છે. વાસ્તવમાં, વિદ્યાર્થી પર એક ખાસ ધર્મ વિરુદ્ધ ટિપ્પણી કરવાનો આરોપ છે. હાલ પોલીસે આ મામલે ગુનો નોંધ્યો છે. પોલીસે આ મામલે રેગિંગની કલમો હેઠળ કેસ પણ નોંધ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Telangana