તવાંગ ઝપાઝપી પર ઓમર અબ્દુલ્લાનું મોટું નિવેદન, પૂર્વ PM અટલ બિહારીને યાદ કરી કહી દીધી આ વાત

જમ્મુ-કાશ્મીરના પૂર્વ મુખ્યમંત્રી ઓમર અબ્દુલ્લાએ તવાંગ અથડામણ મામલે મોટું નિવેદન આપ્યું છે. તેણે કહ્યું કે આ દુર્ભાગ્યપૂર્ણ છે કે અમે અમારા પડોશીઓ સાથે સારા સંબંધો જાળવી શકતા નથી. પાકિસ્તાન સાથેના આપણા સંબંધો વિશે બધા જાણે છે પરંતુ ચીન સાથે પણ આપણે સારા સંબંધો સ્થાપિત કરી શક્યા નથી. આ દરમિયાન ઓમર અબ્દુલ્લાએ પૂર્વ વડાપ્રધાન અટલ બિહારી વાજપેયીના નિવેદનને યાદ કર્યું.

જમ્મુ-કાશ્મીરના પૂર્વ મુખ્યમંત્રીએ કહ્યું કે પૂર્વ પીએમ સ્વર્ગસ્થ અટલ બિહારી વાજપેયીએ કહ્યું હતું કે મિત્રો બદલી શકાય છે પરંતુ પડોશી બદલી શકાતા નથી. અમે અમારા પડોશીઓને બદલી શકતા નથી પરંતુ અમે તેમની સાથે વધુ સારા સંબંધો બનાવી શકીએ છીએ. ચીનની પણ જવાબદારી છે કે તે આપણી સાથે સારા સંબંધો બાંધે અને સરહદો પરના આ ઘૂસણખોરી અટકાવે.

Tawang faceoff | It is unfortunate that we are not able to maintain good relations with our neighbours. Everyone knows about our relations with Pakistan but even with China we are not able to establish (good relations): Former J&K CM Omar Abdullah pic.twitter.com/vSHb1MpcIj

— ANI (@ANI) December 13, 2022

આ પણ વાંચોઃ 13 ડિસેમ્બર 2001: જ્યારે સંસદ પર આતંકીઓએ કર્યો હતો હુમલો, અંદર હતા 100 સાંસદ

રક્ષા મંત્રી રાજનાથ સિંહે આ વાત કહી

રક્ષામંત્રી રાજનાથ સિંહે ભારતીય અને ચીની સૈનિકો વચ્ચે થયેલી અથડામણને લઈને લોકસભામાં નિવેદન આપ્યું હતું. રાજનાથે કહ્યું- 9 ડિસેમ્બર, 2022ના રોજ PLA ટુકડીઓએ તવાંગમાં LACનું ઉલ્લંઘન કર્યું અને નિયમો તોડ્યા. ભારતીય સેનાએ પીએલએને અતિક્રમણ કરતાં અટકાવ્યું. તેને પોતાની પોસ્ટ પર જવાની ફરજ પડી હતી.

રક્ષામંત્રીએ કહ્યું હતું કે આ ઘટનામાં બંને દેશના કેટલાક સૈનિકો પણ ઘાયલ થયા છે. આપણા સૈનિકોમાંથી એકપણ મૃત્યુ પામ્યો નથી કે ગંભીર રીતે ઘાયલ થયો નથી. આપણે સમયસર પગલાં લીધા, જેને કારણે ચીની સૈનિકો ભાગ્યા હતા.. આ પછી સ્થાનિક કમાન્ડરે વ્યવસ્થા હેઠળ 11 ડિસેમ્બરે ચીની કાઉન્ટર પાર્ટ સાથે ફ્લેગ મીટિંગ કરી. ચીનને આવી કાર્યવાહી માટે મનાઈ કરવામાં આવી હતી અને શાંતિ જાળવવા માટે કહેવામાં આવ્યું હતું.

9 ડિસેમ્બરે શું થયું હતું?

તમને જણાવી દઈએ કે 9 ડિસેમ્બરે તવાંગ સેક્ટરમાં વાસ્તવિક નિયંત્રણ રેખા (LAC) પાસે ભારતીય અને ચીની સૈનિકો વચ્ચે અથડામણ થઈ હતી. આમાં બંને પક્ષના કેટલાક સૈનિકો સહેજ ઘાયલ થયા હતા. આ પછી તરત જ બંને પક્ષો પોતપોતાની સ્થિતિ પર પાછા ફર્યા. બંને દેશોના એરિયા કમાન્ડરોએ ફ્લેગ મીટિંગ કરી અને સરહદ પર શાંતિ જાળવી રાખવા અંગે ચર્ચા કરી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: India china border, Jammu and kashamir, Omar abdullah, અરૂણાચલ પ્રદેશ