Russia Ukraine War : યુદ્ધને કારણે ટાટા સ્ટીલે રશિયા સાથેનો બિઝનેસ બંધ કર્યો

ખાનગી ક્ષેત્રની કંપની ટાટા સ્ટીલે (Tata Steel) રશિયા સાથે કારોબાર બંધ કરવાની જાહેરાત કરી છે. કંપનીએ આ પગલું રુસ-યુક્રેન યુદ્ધ વચ્ચે ઉઠાવ્યું છે. કંપનીના પ્રવક્તાએ એક નિવેદનમાં જણાવ્યું હતું કે, "ટાટા સ્ટીલની રશિયામાં કોઈ કામગીરી નથી અને ન તો તેના ત્યાં કર્મચારીઓ છે. અમે કાળજીપૂર્વક વિચારણા કર્યા પછી રશિયા સાથેનો વેપાર બંધ કરવાનો નિર્ણય લીધો છે.

ટાટા સ્ટીલે એક નિવેદનમાં જણાવ્યું હતું કે વ્યાપાર સાતત્ય માટે, ભારત, યુકે અને નેધરલેન્ડમાં કંપનીના તમામ સ્ટીલ ઉત્પાદન પ્લાન્ટોએ કાચા માલના વૈકલ્પિક પુરવઠાની વ્યવસ્થા કરી છે. આનાથી રશિયા પરની તેમની નિર્ભરતા સમાપ્ત થઈ ગઈ છે. કંપનીએ તેની વિવિધ કામગીરી માટે રશિયા પાસેથી મર્યાદિત માત્રામાં કોલસો મેળવ્યો છે.

ઈન્ફોસિસે પણ બિઝનેસ સમેટી લીધો છે

ભૂતકાળમાં દેશની અગ્રણી આઈટી કંપની ઈન્ફોસિસે પણ રશિયા સાથેનો કારોબાર બંધ કરવાની જાહેરાત કરી હતી. અમેરિકા સહિત તમામ યુરોપીયન દેશો ભારત અને ભારતીય કંપનીઓને રશિયા વિરુદ્ધ પગલાં લેવાનું કહી રહ્યા છે. ઘણી મોટી કંપનીઓ પણ રશિયામાંથી પોતાનો બિઝનેસ પાછો ખેંચી રહી છે.

આ પણ વાંચો - Jahangirpuri Violence Case: જહાંગીરપુરી જવાથી રોકવામાં આવતા ઓવૈસી રોષે ભરાયા, ભાજપ-આપને લીધા આડે-હાથ

હવે ટાટા સ્ટીલ પણ દેશની એવી કેટલીક કંપનીઓમાંની એક બની ગઈ છે જેણે રશિયામાંથી પોતાનો બિઝનેસ પાછો ખેંચી લીધો છે. જોકે, આ સમગ્ર મામલે ભારતનું વલણ અલગ છે. ભારતે સંયુક્ત રાષ્ટ્રમાં દરેક જગ્યાએ યુદ્ધની ટીકા કરી છે પરંતુ રશિયા વિરુદ્ધ મતદાન કરવાથી દૂર રહ્યું છે.

આ પણ વાંચો - Sri Lanka Crisis : આર્થિક સંકટનો સામનો કરી રહેલા શ્રીલંકાને મદદ કરશે ચીન, દેવું ચૂકવવા અંગે સાધ્યું મૌન

ટાટા સ્ટીલ રશિયા પાસેથી કોલસો ખરીદે છે

રોઇટર્સના સમાચાર અનુસાર, ટાટા સ્ટીલ તેની ફેક્ટરી ચલાવવા અને સ્ટીલ બનાવવા માટે રશિયાથી કોલસાની આયાત કરે છે. ભારત ઉપરાંત, કંપનીની યુકે અને નેધરલેન્ડ્સમાં સ્ટીલ ફેક્ટરીઓ છે. કંપનીનું કહેવું છે કે આ ફેક્ટરીઓમાં સપ્લાય યોગ્ય રાખવા માટે વૈકલ્પિક બજારોમાંથી કાચા માલની વ્યવસ્થા કરવામાં આવી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Russia news, Russia ukraine war, Tata steel