Home /News /national-international /

તમિલનાડુ : કાંચીપુરમના ગંગઈ અમ્મન મંદિર પાસે બ્લાસ્ટ, એકનું મોત

તમિલનાડુ : કાંચીપુરમના ગંગઈ અમ્મન મંદિર પાસે બ્લાસ્ટ, એકનું મોત

પોલીસ બ્લાસ્ટની તપાસમાં લાગી ગઈ છે.

મંદિર પાસે પાંચ સંદિગ્ધ લોકો જોવા મળ્યા હતા, બૉક્સને ખોલવાનો પ્રયાસ કર્યો તો બ્લાસ્ટ થયો

    તમિલનાડુના કાંચીપુરમમાં આવેલા ગંગઈ અમ્મન મંદિરની પાસે બ્લાસ્ટ થયો છે. આ બ્લાસ્ટમાં એક વ્યક્તિનું મોત થવાના અહેવાલ છે. જ્યારે 4 લોકો ઘાયલ હોવાનું કહેવાય છે.

    એક પ્રત્યક્ષદર્શી મુજબ, મંદિરની પાસે પાંચ સંદિગ્ધ લોકો ફરી રહ્યા હતા. તેમાંથી એકની પાસે બૉક્સ હતું .જ્યારે તેઓએ આ બૉક્સને ખોલવાનો પ્રયાસ કયો તો બૉક્સમાં બ્લાસ્ટ થઈ ગયો.

    પોલીસ મુજબ, મામલાની તપાસ શરૂ કરી દેવામાં આવી છે. ઘાયલોને નજીકની હોસ્પિટલમાં દાખલ કરવામાં આવ્યા છે. પોલીસનું કહેવું છે કે હાલ આ બ્લાસ્ટને હાઈ એલર્ટ સાથે જોડીને નથી જોવામાં આવી રહ્યો. ફોરેન્સિક ટીમ ઘટનાસ્થળે પહોંચી ગઈ છે. ત્યાંથી સેમ્પલ લેવામાં આવી રહ્યા છે.

    આ પણ વાંચો, શ્રીલંકાના રસ્તેથી તમિલનાડુમાં ધૂસ્યાં 6 આતંકી, મોટા હુમલાનું ષડયંત્ર

    નોંધનીય છે કે, આ પહેલા દક્ષિણના રાજ્યોમાં આતંકી હુમલાને લઈને એલર્ટ જાહેર કરવામાં આવ્યું હતું. કર્ણાટકના દરિયાકાંઠાના વિસ્તારોમાં પોલીસે સાર્વજનિક નોટિસ જાહેર કરી હતી. લોકોને પડોસી રાજ્ય તમિલનાડુમાં લશ્કર-એ-તૈયબાના 6 આતંકવાદીઓની ઘૂસણખોરી વિશે ઇન્ટેલિજન્સ સૂચનાને ધ્યાને લઈ એલર્ટ રહેવાનું કહેવામાં આવ્યું છે.

    આ સાર્વજનિક નોટિસ તમિલનાડુને હાઈ એલર્ટ પર રાખ્યા બાદ જાહેર કરવામાં આવી છે. તમિલનાડુને ત્યારે હાઈ એલર્ટ કરવામાં આવ્યું જ્યારે ઇન્ટેલિજન્સ એજન્સીઓએ કહ્યું હતું કે એક પાકિસ્તાની સહિત લશ્કર-એ-તૈયબાના 6 આતંકવાદી શ્રીલંકાથી રાજ્યમાં પ્રવેશ કરી ચૂક્યા છે.

    આ પણ વાંચો, Man Vs Wildમાં ગ્રિલ્સ મોદીની હિન્દી કેવી રીતે સમજ્યો, PMએ રહસ્યું ખોલ્યું
    Published by:Mrunal Bhojak
    First published:

    Tags: High alert, Tamilnadu, વિસ્ફોટ

    આગામી સમાચાર

    विज्ञापन
    विज्ञापन
    विज्ञापन