સતત ઘૂસણખોરી કરી રહ્યું છે ડ્રેગન, તાઈવાને દેશમાં 8 ચીની લશ્કરી વિમાનો અને 3 નૌકાદળના જહાજોને ટ્રેક કર્યા

તાઈવાને તેના દેશની સરહદ પર 8 ચીની લશ્કરી વિમાનો, 3 નૌકાદળના જહાજોને ટ્રેક કર્યા છે.તાઈવાને PLA એરક્રાફ્ટ અને જહાજો પર દેખરેખ રાખવા માટે એરક્રાફ્ટ, નૌકાદળના જહાજો મોકલ્યા અને જમીન આધારિત મિસાઈલ ટ્રેકિંગ સિસ્ટમનો ઉપયોગ કર્યો. તાઈવાનના સંરક્ષણ મંત્રાલય (MND) એ રવિવારે સાંજે 5 વાગ્યા સુધીમાં તાઈવાનની આસપાસ આઠ ચીની લશ્કરી વિમાનો અને ત્રણ નૌકા જહાજોને ટ્રેક કર્યા હોવાના અહેવાલ છે.

તાઈવાનના સંરક્ષણ મંત્રાલયના જણાવ્યા અનુસાર, પીપલ્સ લિબરેશન આર્મી (પીએલએ)ના આઠ વિમાનોમાંથી એક સુખોઈ એસયુ-30 ફાઈટર જેટે દેશના એર ડિફેન્સ આઈડેન્ટિફિકેશન ઝોનના ઉત્તરપૂર્વીય ક્ષેત્રમાં તાઈવાને સ્ટ્રેટ મિડલાઈનને પાર કરી હતી. તેના જવાબમાં તાઈવાને રેડિયો દ્વારા ચેતવણી જાહેર કરી હતી તે સિવાય પીએલએના વિમાનો અને જહાજોની દેખરેખ માટે ફાઈટર પેટ્રોલ એરક્રાફ્ટ, નેવલ જહાજો અને જમીન આધારિત મિસાઈલ ટ્રેકિંગ સિસ્ટમનો ઉપયોગ કર્યો.

આ પણ વાંચોઃ જાણો, ટ્રેન સાથે કોઈ જાનવર અડફેટમાં આવી જાય તો રેલવેને કેટલું નુકસાન થાય છે

નોંધપાત્ર વાત એ છે કે ઓક્ટોબરમાં અત્યાર સુધીમાં બેઈજિંગે તાઈવાનની સરહદની આસપાસ 420 ચીની સૈન્ય વિમાન અને 100 નેવલ જહાજ મોકલ્યા છે.સપ્ટેમ્બર 2020 થી, ચીને તાઇવાનમાં ADIZ ને નિયમિતપણે એરક્રાફ્ટ મોકલીને ગ્રે ઝોન રણનીતિનો ઉપયોગ વધારી દીધો છે. ગ્રે ઝોન રણનીતિને કોઈ દેશની સ્થિર સીમાને વારંવાર પ્રયાસોની શ્રેણી તરીકે જોવામાં આવે છે. તેનો ઉપયોગ સીધો બળ અને મોટા પાયે લશ્કરી શક્તિનો ઉપયોગ કર્યા વિના ચોક્કસ સુરક્ષા હેતુઓ હાંસલ કરવાનો પ્રયાસ કરવાનો છે.

ઉલ્લેખનીય છે કે, ચીન વારંવાર દાવો કરે છે કે તાઈવાન કોઈ દેશ નથી, પરંતુ તે તેનો એક ભાગ છે. તાજેતરમાં દર પાંચ વર્ષે યોજાતી ચીનની કોમ્યુનિસ્ટ પાર્ટીની કોન્ફરન્સમાં ફરી એકવાર એ વાતનો પુનરોચ્ચાર કરવામાં આવ્યો હતો કે તાઈવાનને ચીનમાં સામેલ કરવા માટે પણ બળનો ઉપયોગ કરી શકાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aircraft, Taiwan, ચીન