5 વર્ષીય નમન પોલીસ કોન્સ્ટેબલ બન્યો, SP બોલ્યાં - તમે પણ હવે પોલીસ બની ગયા!

નિખિલ મિત્રા, અમ્બિકાપુરઃ છત્તીસગઢના સરગુજા જિલ્લામાં નમન રાજવાડેને પોલીસ આરક્ષક પદે નિમણૂક કરવામાં આવી છે. નમનની ઉંમર હજુ માત્ર 5 વર્ષની છે. સરગુજા પોલીસ અધિક્ષક ભાવના ગુપ્તાએ નમનને નિમણૂકપત્ર આપ્યો છે. સરગુજા જિલ્લામાં આરક્ષક તરીકે ફરજ બજાવતા રાજકુમાર રાજવાડેની 3જી સપ્ટેમ્બર 2021ના દિવસે અકસ્માતમાં મોત થઈ ગઈ હતી. ત્યારે દિવંગત આરક્ષકની પત્ની અને 5 વર્ષીય દિકરો નમન છે. પોલીસ હેડ ક્વોર્ટરના આદેશ પ્રમાણે નમનને અનુકંપા નિમણૂક અંતર્ગત બાળ આરક્ષક પદે નિમણૂક કરવામાં આવી છે.

ઉલ્લેખનીય છે કે, એસપી ભાવના ગુપ્તાએ દિવંગત આરક્ષકની પત્નીને પોલીસ વિભાગના સહયોગ માટે આશ્વાસન આપ્યું હતું. ત્યારે સેલેરી અને અન્ય સુવિધાઓને લાભ મળશે તેવું જણાવ્યું હતું. એસપીએ 5 વર્ષીય નમનને નિમણૂક પત્ર આપતા જણાવ્યુ હતુ કે, હવે તમે પણ પોલીસ બની ગયા છો.

આ પણ વાંચોઃ ઇન્ડિગોની ફ્લાઇટમાં બે મુસાફરોનો દારૂ પીને હોબાળો, દારૂની બોટલ ઉછાળી

18 વર્ષની ઉંમરે પૂર્ણ આરક્ષકનો દરજ્જો મળશે

નિયમ પ્રમાણે, 18 વર્ષ પૂરા કરતાંની સાથે જ નમનને પૂર્ણ આરક્ષકનો દરજ્જો મળશે. તો પાંચ વર્ષીય બાળકને નિમણૂક પત્ર આપતી વખતે પોલીસ અધિક્ષક ભાવના ગુપ્તાનો વીડિયો સોશિયલ મીડિયામાં વાયરલ થયો છે. આ વીડિયોમાં ભાવના ગુપ્તા નમન સાથે વાત કરતા દેખાઈ રહ્યા છે અને તેમને નિમણૂકપત્ર આપી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chhattisgarh, Chhattisgarh News