હલ્દ્વાની: 4500 લોકો થશે બેઘર, દબાણ હટાવાની કામગીરી શરુ, 5000 પોલીસ જવાનો તૈનાત

હલ્દ્વાની: ઉત્તરાખંડના હલ્દ્વાની જિલ્લાના બનભૂલપુરાના નિવાસીઓને શહેરમાં રેલવેની 29 એકર જમીન પર થયેલા અતિક્રમણ હટાવાની સંબંધી હાઈકોર્ટના હાલના નિર્ણયની વિરુદ્ધ સુપ્રીમ કોર્ટમાં વધુ એક અરજી દાખલ થઈ છે. સુપ્રીમ કોર્ટ આ મામલે સુનાવણી કરવા માટે રાજી થઈ ગઈ છે. હવે આ મામલા પર ગુરુવારે સુનાવણી થશે. બીજી તરફ કુમાઉં રેન્જના ડીઆઈજીએ કહ્યું કે, ઉત્તરાખંડ હાઈકોર્ટનો આદેશ લાગૂ થશે. પ્રદર્શનને જોતા સુરક્ષાની પુખ્તા વ્યવસ્થા કરવામાં આવી છે.



વકીલ પ્રશાંત ભૂષણે 4 હજાર ઝુપડપટ્ટીઓ હટાવાના મામલા પર જલ્દી સુનાવણીની માગ કરી છે. સુપ્રીમ કોર્ટેમાં આ બીજી અરજી દાખલ કરી છે. સુપ્રીમ કોર્ટે બીજી અરજીની સાથે સુનાવણી ગુરુવારે કરશે. આ અગાઉ હલ્દ્વાનીના બનભૂલપુરાના નિવાસીઓ રેલવેની 29 એકર જમીન પરથી દબાણ હટાવાના હાઈકોર્ટના હાલના નિર્ણય વિરુદ્ધ સોમવારે સુપ્રીમ કોર્ટમાં અપીલ દાખલ કરી હતી.



આ મુદ્દા પર મુખ્યમંત્રી પુષ્કર સિંહ ધામીએ કહ્યું કે, અમે સુપ્રીમ કોર્ટના ચુકાદાની રાહ જોઈ રહ્યા છીએ. અમે તમામ ન્યાય અને સંવિધાનને માનનારા લોકો છીએ. એટલા માટે સુપ્રીમ કોર્ટનો ચુકાદો આવવાની રાહ જોવી જોઈએ.

નૈનીતાલના ડીએમ ધીરજ સિંહ ગરબયાલે કહ્યું કે, લોકો અહીં રેલવેની જમીન પર રહી રહ્યા છે. તેમને હટાવવા પડશે. તેના માટે અમારી તૈયારી ચાલી રહી છે. અમે ફોર્સની માગ કરી છે. અમારે જલ્દીથી તેમને હટાવવા પડશે. આ હાઈકોર્ટનો આદેશ છે. તેનું પાલન કરવું જોઈએ.

પીએમ મોદીને પણ કરી અપીલ

કોંગ્રેસ સચિવ કાજી નિઝામુદ્દીને સોમવારે દેહરાદૂનમાં જણાવ્યું છે કે, હલ્દ્વાનીથી કોંગ્રેસ ધારાસભ્ય સુમિત હ્દયેશના નેતૃત્વમાં વિસ્તારના રહેવાસીઓને હાઈકોર્ટના નિર્ણયને સુપ્રીમ કોર્ટમાં પડકાર આપ્યો છે. તેમણે કહ્યું કે, કોર્ટ આ મામલે પાંચ જાન્યુઆરીએ સુનાવણી કરશે. સાથે જ કોંગ્રેસે પ્રધાનમંત્રી મોદી અને મુખ્યમંત્રી પુષ્કર સિંહ ધામીને પણ અનુરોધ કર્યો હતો કે, તેઓ દબાણ હટાવવાના આદેશ પર માનવીય વલણ દાખવીને વિચાર કરે, કારણ કે, જો આવું થશે તો, 4500 લોકો બેઘર થઈ જશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર