ચૂંટણી બોન્ડ્સ પર રોક લગાવવા પર સુપ્રીમ કોર્ટનો ઇન્કાર, કહ્યું- 2018થી ચાલી રહી છે યોજના

સુપ્રિમ કોર્ટની ફાઇલ તસવીર

સુપ્રીમ કોર્ટમાં ADR તરફથી વકીલ પ્રશાંત ભૂષણે કહ્યું કે, ચૂંટણી બોન્ડ્સ સત્તાધારી પાર્ટીને ફંડના નામે લાંચ આપીને કામ કરાવવાનો માર્ગ બની ગયો છે

  • Share this:
    નવી દિલ્હી. સુપ્રીમ કોર્ટ (Supreme Court)એ પહેલી એપ્રિલથી ઇશ્યુ થનારા ચૂંટણી બોન્ડ્સ (Electoral Bonds) પર રોક લગાવવાનો ઇન્કાર કરી દીધો છે. સુપ્રીમ કોર્ટે કહ્યું છે કે આ યોજના વર્ષ 2018માં લાગુ થઈ છે અને હાલ ચાલી રહી છે. સાથોસાથ તેની સુરક્ષા માટે પણ તમામ ઉપાય કરવામાં આવ્યા છે. તેની સાથે જ કોર્ટે આગામી વિધાનસભા ચૂંટણીઓ (Assembly Elections) પહેલા, ચૂંટણી બોન્ડ્સના વેચાણ પર રોક લગાવવાના અનુરોધ કરવાની અરજીને ફગાવી દીધી છે.

    મામલાની સુનાવણી દરમિયાન સુપ્રીમ કોર્ટમાં ચૂંટણી પંચ (Election Commission of India)એ કહ્યું કે, તેઓ ચૂંટણી બોન્ડ યોજનાનું સમર્થન કરે છે કારણ કે જો આવું નહીં થાય તો રાજકીય પાર્ટીઓને ફંડ કેશમાં મળશે. જોકે ચૂંટણી પંચે કહ્યું કે તેઓ આ પ્રક્રિયામાં પારદર્શિતા ઈચ્છે છે.

    ADRએ કરી હતી અરજી

    ચૂંટણી અને રાજકીય સુધારાઓના ક્ષેત્રમાં કામ કરનારી બિન-સરકારી સંસ્થા એસોસિએશન ફોર ડેમોક્રેટિક રિફોર્મ્સ (ADR)એ 1 એપ્રિલ અને 10 એપ્રિલની વચ્ચે નિર્ધારિત કરવામાં આવેલા ચૂંટણી બોન્ડ્સના વેચાણ પર વચગાળાની રોક લગાવવાની માંગ કરતાં કોર્ટના દરવાજા ખખડાવ્યા હતા.

    આ પણ વાંચો, ભારતમાં આજના જ દિવસે બની હતી ચિપકો આંદોલનની ઈતિહાસ રચનારી આ ઘટના

    સુપ્રીમ કોર્ટમાં ADR તરફથી દાખલ કરવામાં આવેલી અરજી પર વકીલ પ્રશાંત ભૂષણે કહ્યું કે, ચૂંટણી બોન્ડ્સ સત્તાધારી પાર્ટીને ફંડના નામે લાંચ આપીને કામ કરાવવાનો માર્ગ બની ગયો છે. તેની પર સુપ્રીમ કોર્ટે કહ્યું કે હંમેશા આ લાંચ માત્ર સત્તાધારી પાર્ટીને જ નથી મળતી પરંતુ તેમને પણ મળે છે જેમની સરકાર ભવિષ્યમાં આવવાની શક્યતા વધારે રહે છે.




    આ પણ વાંચો, આ 8 સરકારી બેંકોમાં ખાતું છે તો હોળી પહેલા પતાવી લો આ જરૂરી કામ, નહીં તો નાણા ઉપાડવામાં પડશે તકલીફ


    પ્રશાંત ભૂષણે કહ્યું કે, આરબીઆઇ (RBI)એ પણ તેની પર આપત્તિ વ્યક્ત કરી છે. આરબીઆઇનું કહેવું છે કે આ બોન્ડ્સ એક આર્થિક ગોટાળાનું ઓજાર કે રસ્તો છે.
    Published by:Mrunal Bhojak
    First published: