Home /News /national-international /હિમાચલ: ચૂંટણી તો જીતી ગયા પણ મુખ્યમંત્રી પદ માટે રસાકસી જામી, આ નામ છે સૌથી મોખરે

હિમાચલ: ચૂંટણી તો જીતી ગયા પણ મુખ્યમંત્રી પદ માટે રસાકસી જામી, આ નામ છે સૌથી મોખરે

himachal election 2022 result

હિમાચલ પ્રદેશમાં મુખ્યમંત્રી પદની રેસમાં કોંગ્રેસના ધારાસભ્ય સુખવિંદર સિંહ સુખુ સૌથી આગળ માનવામાં આવે છે. પ્રદેશ કોંગ્રેસ અધ્યક્ષ અને પૂર્વ મુખ્યમંત્રી વીરભદ્ર સિંહની પત્ની પ્રતિભા સિંહને સંતુષ્ટ કરવા માટે, જેઓ મુખ્યમંત્રી પદ માટે દાવો રજૂ કરી રહ્યા છે, તેમના પુત્ર વિક્રમાદિત્ય સિંહને સરકારમાં મોટી જવાબદારી મળી શકે છે. ન્યૂઝ18 ઈન્ડિયા સાથેની એક્સક્લુઝિવ વાતચીતમાં, સુખવિંદ સિંહ સુખુએ તેમની સીએમ ઉમેદવારી વિશે જણાવ્યું હતું કે, પ્રતિભા સિંહના પ્રભુત્વવાળા મંડી જિલ્લામાં કોંગ્રેસે 10માંથી માત્ર 1 સીટ જીતી છે.

વધુ જુઓ ...
  • News18 Gujarati
  • Last Updated :
  • Himachal Pradesh, India
    નવી દિલ્હી: હિમાચલ પ્રદેશમાં મુખ્યમંત્રી પદની રેસમાં કોંગ્રેસના ધારાસભ્ય સુખવિંદર સિંહ સુખુ સૌથી આગળ માનવામાં આવે છે. પ્રદેશ કોંગ્રેસ અધ્યક્ષ અને પૂર્વ મુખ્યમંત્રી વીરભદ્ર સિંહની પત્ની પ્રતિભા સિંહને સંતુષ્ટ કરવા માટે, જેઓ મુખ્યમંત્રી પદ માટે દાવો રજૂ કરી રહ્યા છે, તેમના પુત્ર વિક્રમાદિત્ય સિંહને સરકારમાં મોટી જવાબદારી મળી શકે છે. ન્યૂઝ18 ઈન્ડિયા સાથેની એક્સક્લુઝિવ વાતચીતમાં, સુખવિંદ સિંહ સુખુએ તેમની સીએમ ઉમેદવારી વિશે જણાવ્યું હતું કે, પ્રતિભા સિંહના પ્રભુત્વવાળા મંડી જિલ્લામાં કોંગ્રેસે 10માંથી માત્ર 1 સીટ જીતી છે. હાઈકમાન્ડ કોઈપણ નિર્ણય લેતી વખતે આ બાબતોને ધ્યાનમાં રાખશે. સુખુએ કહ્યું કે, હમીરપુર સીટ બીજેપી અધ્યક્ષ જેપી નડ્ડા અને અનુરાગ ઠાકુરની સંસદીય સીટ છે. અમે ત્યાં શાનદાર પ્રદર્શન કરીને બતાવ્યું છે. તેમણે કહ્યું કે હાઈકમાન્ડ પાસે તમામ વિગતો છે. ત્યારે News18 Indiaને સુખવિંદર સિંહ સુખુના નજીકના લોકોથી જાણવા મળ્યું છે કે, હાઈકમાન્ડની તરફથી મુખ્યમંત્રી પદ માટે તેમના નામ પર મુહર લાગી ગઈ છે.

    પ્રતિભા સિંહ સુખવિંદર સિંહ સુખુથી કેમ પાછળ રહ્યા


    વાસ્તવમાં, છેલ્લા 3 દાયકામાં હિમાચલ પ્રદેશમાં કોંગ્રેસ એટલે કે વીરભદ્ર સિંહ જ રહ્યા. આ વખતે પણ પાર્ટીએ તેમનો ચહેરો સામે રાખીને ચૂંટણી લડી હતી. આવી સ્થિતિમાં તેમની પત્ની પ્રતિભા સિંહ કે જેઓ કોંગ્રેસના વર્તમાન પ્રદેશ અધ્યક્ષ છે, તેઓ પોતાને મુખ્યમંત્રી પદની દાવેદારીમાં સૌથી આગળ માની રહ્યાં છે. તેમના ધારાસભ્ય પુત્ર વિક્રમાદિત્ય સિંહને પણ બીજી વખત ટિકિટ આપવામાં આવી અને તેઓ જીત્યા. જો કે, પ્રતિભા સિંહ કે વિક્રમાદિત્ય બંને પાસે વહીવટી અનુભવ નથી અને આ તેમની વિરુદ્ધ જાય છે. કોંગ્રેસને પોતાના સંસદીય ક્ષેત્રમાં 10માંથી માત્ર 1 સીટ મળવી પણ વીરભદ્ર સિંહ પરિવાર માટે મુખ્યમંત્રી પદના માર્ગમાં અવરોધ બની રહી છે. આટલું જ નહીં, પ્રતિભા સિંહને મુખ્યમંત્રી બનાવીને તેમણે મંડી લોકસભા સીટ પરથી રાજીનામું આપવું પડશે, ત્યારબાદ તેમણે વિધાનસભા સીટ પરથી ચૂંટણી લડવી પડશે.

    આ પણ વાંચોઃ ઈવીએમને લઈને કોઈ ફરિયાદ નથી આવી તે સારી બાબત: ગુજરાત અને હિમાચલમાં શાંતિથી ચૂંટણીથી પુરી થતાં હાશકારો થયો

    પાર્ટી નથી ઈચ્છતી કે એક સાથે બે પેટાચૂંટણી યોજાય. કોંગ્રેસને લાગે છે કે જો પેટાચૂંટણીમાં તેનું પ્રદર્શન કોઈપણ રીતે બગડશે તો તેના એકતરફી જીતના દાવા પર સવાલો ઉઠશે અને જીતનો ટેમ્પો નીચે આવી જશે. તેથી જ હાઈકમાન્ડ પ્રતિભા સિંહને બદલે સુખુ તરફ જોઈ રહ્યું છે. હિમાચલમાં સૌથી શક્તિશાળી જાતિ રાજપૂત છે, સુખવિંદર સિંહ સુખુ ત. તેઓ પ્રતિભા સિંહના દાવાની વિરુદ્ધ છે અને પોતે મુખ્યમંત્રી પદ માટે દાવો કરી રહ્યા છે. તેઓ ચૂંટણીમાં કોંગ્રેસ પ્રચાર સમિતિના અધ્યક્ષ હતા. સામાન્ય પરિવારમાંથી આવે છે, NSUI અને યુથ કોંગ્રેસના પ્રદેશ પ્રમુખ રહી ચૂક્યા છે. રાહુલ ગાંધીની નજીક છે. રાહુલે જ તેમને હિમાચલ પ્રદેશના પાર્ટી અધ્યક્ષ બનાવ્યા હતા. તેઓ કેન્દ્રીય નેતૃત્વ સમક્ષ દલીલ કરે છે કે શાહી પરિવારને હંમેશા તક આપવી લોકશાહી માટે સારી નથી. તેના બદલે તેમના જેવા સામાન્ય પરિવારમાંથી આવતા કાર્યકર્તાઓને પણ એક વાર તક મળવી જોઈએ.
    Published by:Priyanka Panchal
    First published:

    Tags: Himachal Pradesh Election 2022

    विज्ञापन
    विज्ञापन