લૂટેરી દુલ્હનનો ગજબ કિસ્સો : લગ્ન પછી કન્યા ઘરે આવી, 12 દિવસ નણંદને સાથે લઈ ભાગી ગઈ

પુષ્કર. રાજસ્થાન (Rajasthan) ના પુષ્કર (Pushkar) માં લૂટેરી દુલ્હનનો એક મોટો મામલો સામે આવ્યો છે. અહીં એક લૂટેરી દુલ્હન લગ્નના 12 દિવસ બાદ જ લાખો રૂપિયાના દાગીના તો લઈ ગઈ, તેની સાથે તેની 12 વર્ષની નણંદને પણ તેની સાથે લઈ જઈ ફરાર થઈ ગઈ. હવે પીડિતાના પરિવારે આ મામલે પોલીસમાં ફરિયાદ કરી છે. તો, પરિવારના સભ્યો 12 વર્ષની બાળકીને લૂટેરી દુલ્હન પોતાની સાથે લઈ જતા ડરી રહ્યા છે. પોલીસ યુવતીને શોધી રહી છે આ મામલો પુષ્કરથી મામલો સામે આવ્યો છે. મળતી માહિતી મુજબ, પંચકુંડ રોડની રહેવાસી 27 વર્ષીય યતુના લગ્ન 27 મેના રોજ ઝારખંડના જુમ્મા રામગઢની રહેવાસી 28 વર્ષીય પૂજા સાથે થયા હતા. યતુને સાંભળવામાં અને બોલવામાં તકલીફ થતી હતી. આ કારણે તેના લગ્ન થઈ રહ્યા ન હતા.

પરિચિતે કરાવી હતી સંબંધની વાત

યાતુના પરિવારજનોના જણાવ્યા અનુસાર અમારા એક પરિચિત પંકજ કુમારે યતુના લગ્નની વાત કરી હતી. યતુના પિતાએ જણાવ્યું કે, પંકજે લગભગ 4 મહિનાથી અમારા ઘરે આવવાનું શરૂ કર્યું હતું. યતુના લગ્ન વિશેની અમારી ચિંતા પણ તે જાણતો હતો. એક દિવસ પંકજે કહ્યું કે, આપણે યતુના લગ્ન કરાવી શકીએ છીએ. આ માટે પંકજે ઝારખંડમાં છોકરીઓ સાથે વાત કરાવી. યુવતીના પરિવારજનોએ લગ્ન ખર્ચના નામે 3.50 લાખ રૂપિયા પણ લીધા હતા. આ પછી મામલો ગોઠવાયો અને 27 મેના રોજ લગ્ન પૂર્ણ થયા. લગ્ન પછી લગભગ 15 દિવસ સુધી બધું બરાબર ચાલ્યું. આ પછી, શુક્રવારે અચાનક, નવી વહુ પૂજાએ તેની સાસુને રૂમમાં બંધ કરી દીધી. આ પછી પૂજા પોતાની સાથે સોનાના દાગીના લઈને ફરાર થઈ ગઈ હતી. આટલું જ નહીં, પૂજા 12 વર્ષની નણંદને પણ પોતાની સાથે લઈ ગઈ.

આ પણ વાંચો - શું તમે પણ મોમોસ ખાવાના શોખિન છો? એક વ્યક્તિનું મોત, AIIMS એ આપી મોટી ચેતવણી

પડોશીઓએ રૂમ ખોલ્યો

જ્યારે સાસુએ જોર-શોરથી બુમો પાડી તો પાડોશીઓ ઘરમાં આવ્યા અને રૂમનો દરવાજો ખોલ્યો. આ પછી રૂમમાં જોયું તો દાગીના ગાયબ જણાયા હતા. આ બાબતની જાણ યાતુને કરવામાં આવી. યાતુ વોટર સપ્લાયર કંપનીમાં કામ કરે છે. શુક્રવારે એકાદશી હોવાથી તે વહેલી સવારે કામ પર ગયો હતો. યતુ અને પરિવારજનોએ પોલીસ સ્ટેશનમાં પત્ની અને બહેન ગુમ થયાની ફરિયાદ નોંધાવી છે. જેમાં તેણે જણાવ્યું હતું કે, પૂજા 5 તોલા સોનાના દાગીના લઈને ભાગી ગઈ છે. સવારે લગભગ 10 વાગ્યે પૂજા તેની નણંદ સાથે રેલવે સ્ટેશન તરફ જતી વખતે સીસીટીવી કેમેરામાં કેદ થઈ ગઈ હતી. પોલીસે કેસ નોંધીને તપાસ શરૂ કરી છે. તો, પરિવારના સભ્યો 12 વર્ષની બાળકીને સાથે લઈ જવાથી ચિંતામાં છે. પોલીસે ઝારખંડ પોલીસનો પણ સંપર્ક કર્યો છે. પૂજાની શોધખોળ શરૂ કરવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Looteri Dulhan, Luteri Dulhan, Rajasthan news, Rajasthan police