રખડતા કૂંતરાઓએ મૃતદેહનો ચહેરો ફાડી ખાધો, મૃત્યુ બાદ એમ્બ્યુલન્સ પણ નસીબ ન થઈ

જયપુર. રાજસ્થાનની રાજધાની જયપુરમાં માનવતાને શર્મસાર કરતો એક કિસ્સો સામે આવ્યો છે. એક યુવકની લાશને ઈ-રિક્ષામાં લઈ જતી જોવા મળી રહી છે. પગ અને માથું ઈ-રિક્ષાની બહાર લટકેલા જોવા મળ્યા હતા. રસ્તા પર આ દ્રશ્ય જોનાર રાહદારીઓ પણ ચોંકી ઉઠ્યા હતા. સોશિયલ મીડિયા પર વાયરલ થઈ રહેલો આ વીડિયો રાજધાની જયપુરના એસએમએસ હોસ્પિટલ રોડનો જણાવવામાં આવી રહ્યો છે. કહેવામાં આવી રહ્યું છે કે મૃતકના ચહેરાનો એક ભાગ રખડતા કૂતરાઓએ ફાડી ખાધો.

વીડિયોની તપાસ કર્યા બાદ ખબર પડી કે રવિવારે સવારે લગભગ 9 વાગે જયપુરના સાંગાનેરી ગેટ સ્થિત મહિલા હોસ્પિટલ પાસે અંડરગ્રાઉન્ડ પાર્કિંગમાંથી એક યુવકનો મૃતદેહ મળી આવ્યો હતો. લાશને ત્યજી દેવાયેલી હાલતમાં જોઈને મુસાફરોએ લાલકોઠી પોલીસ સ્ટેશનને જાણ કરી હતી. આ પછી, પોલીસ ઘટનાસ્થળે પહોંચી અને આસપાસના લોકો પાસેથી મૃતક વિશે માહિતી એકઠી કરવાનો પ્રયાસ કર્યો, પરંતુ મૃતદેહની ઓળખ થઈ શકી નહીં.

આ પણ વાંચોઃ જયા કિશોરી સાથે લગ્ન કરશે બાગેશ્વર મહારાજ! જાણો આ વિશે ધીરેન્દ્ર કૃષ્ણ શાસ્ત્રીએ શું કહ્યું

એમ્બ્યુલન્સ પણ નસીબ ન થઈ

મૃતકના શરીર પર કોઈ ઈજાના નિશાન ન હતા. ઠંડીના કારણે યુવાનનું મોત થયાની આશંકા સેવાઈ રહી છે. આનાથી પણ ખરાબ બાબત એ છે કે પોલીસને મૃતદેહને એસએમએસ હોસ્પિટલના શબઘરમાં લઈ જવા માટે કોઈ વાહન મળ્યું ન હતું. સ્થળ પર એમ્બ્યુલન્સ પણ બોલાવવામાં આવી ન હતી. આવી સ્થિતિમાં ચેતક પર હાજર પોલીસકર્મીઓએ એક ઈ-રિક્ષાને રોકી અને તેમાં મૃતક યુવકનો મૃતદેહ રાખ્યો. આ પછી, તેને લગભગ દોઢ કિલોમીટર દૂર મુર્દાઘરમાં મોકલવામાં આવ્યો હતો.

ચહેરાનો એક ભાગ જાનવરોએ ફાડી ખાધો

કહેવામાં આવી રહ્યું છે કે મૃતકના ચહેરાના કેટલાક ભાગને રખડતા કૂતરાઓએ ફાડી ખાધો હતો. જેના કારણે પોલીસે મોઢા અને માથા પર પ્લાસ્ટિકની થેલી બાંધી હતી. ઈ-રિક્ષામાં મૃતદેહ ન આવ્યો, જેના કારણે પગ અને માથું ઈ-રિક્ષાની બહાર લટકતું રહ્યું. પોલીસની ગાડી મૃતદેહને લઈ જતી ઈ-રિક્ષા આગળ હતી. આવી સ્થિતિમાં જ્યારે ત્યાંથી પસાર થઈ રહેલા લોકોએ આ જોયું તો તેમનું હૃદય કાંપી ઊઠ્યું હતું. કેટલાક લોકોએ પોલીસના આ કૃત્યનો વીડિયો પણ બનાવ્યો હતો. હવે આ વીડિયો સોશિયલ મીડિયા પર વાયરલ થઈ રહ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Dead body, Dog attack, Rajasthan news, જયપુર