Home /News /national-international /

કૃષિ રાજ્યમંત્રીએ ખેડૂતોને કહ્યુ, સરકાર MSP પર લેખિત બાંહેધરી આપવા તૈયાર, વિપક્ષથી ગેરમાર્ગે ન દોરાતાં

કૃષિ રાજ્યમંત્રીએ ખેડૂતોને કહ્યુ, સરકાર MSP પર લેખિત બાંહેધરી આપવા તૈયાર, વિપક્ષથી ગેરમાર્ગે ન દોરાતાં

ભારત બંધથી દેશનું આર્થિક નુકસાન થશે અને મને વિશ્વાસ છે કે ખેડૂત દેશમાં અશાંતિ ફેલાવનારું કોઈ પગલું નહીં ભરે- કૈલાશ ચૌધરી

ભારત બંધથી દેશનું આર્થિક નુકસાન થશે અને મને વિશ્વાસ છે કે ખેડૂત દેશમાં અશાંતિ ફેલાવનારું કોઈ પગલું નહીં ભરે- કૈલાશ ચૌધરી

    નવી દિલ્હીઃ દિહીની સરહદો પર કૃષિ કાયદા (Agriculture Laws)ની વિરુદ્ધ આંદોલન (Farmer Protest) કરી રહેલા ખેડૂતોનો આજે 11મો દિવસ છે. તેમની માંગ છે કે ત્રણય કૃષિ કાયદા પરત લેવામાં અવે. જોકે આ દરમિયાન સરકાર સાથે પણ તેમની અનેક ચરણની મંત્રણા પરિણામ વગરની રહી છે. હવે કૃષિ રાજ્યમંત્રી કૈલાશ ચૌધરી (Kailash Choudhary)નું આ મામલામાં મોટું નિવેદન આવ્યું છે. તેઓએ વિપક્ષ પર ખેડૂતોને ઉશ્કેરવાનો આરોપ લગાવતા કહ્યું કે, MSP આગળ પણ ચાલુ રહેશે, ખેડૂતોને કોઈની વાતમાં આવી જવાની જરૂર નથી. પીએમ મોદી જે કહે છે તેવું થાય છે. MSP વિશે લેખિત પણ આપી શકીએ છીએ.

    કૃષિ રાજ્ય મંત્રી કૈલાશ ચૌધરીએ કહ્યું કે, સ્વામીનાથન આયોગમાં પણ આ ભલામણો કરવામાં આવી છે. કોન્ટ્રાક્ટ ફાર્મિંગમાં ખેડૂતોનું હિત છે. આ કાયદો ખેડૂતોના હિતમાં છે. સરકારે કહ્યું છે કે સંશોધનની આવશ્યક્તા હશે તો કરીશું. સંશોધનની શક્યતા હશે તો વિચાર કરાશે.

    આ પણ વાંચો, Farmers Protest: ખેડૂતોએ મૌન સાધી લીધું, બેઠકથી ઊભા થઈને ચાલ્યા ગયા મંત્રી! જાણો ક્યાં અટકી વાતચીત

    તેઓએ કહ્યું કે, વિપક્ષ ખેડૂતોને ઉશ્કેરવાનું કામ કરી રહ્યું છે. કેટલાક રાજકીય લોકો આગમાં ઘી નાખવાનું કામ કરી રહ્યા છે. આ બિલના માધ્યમથી ખેડૂતોને આઝાદી મળી છે. તેઓએ કહ્યું કે, મને નથી લાગતું કે ખેતરોમાં કામ કરતાં અસલી ખેડૂતોને તેનાથી (કૃષિ કાયદાથી) આપત્તિ છે. ખેડૂતોને આ મામલામાં રાજકારણ પર વિચાર કરવો જોઈએ.

    કૃષિ રાજ્યમંત્રીએ કહ્યું કે આટલા વર્ષથી ખેડૂત સંઘ યોગ્ય મૂલ્ય માટે આંદોલન કરતા આવ્યા છે. પીએમ મોદીના નેતૃત્વમાં ખેડૂતોના હિતનો નિર્ણય લેવાયો છે, દર 4 મહિનામાં 2000 રુપિયા જમા કરવામાં આવી રહ્યા છે. ખેડૂતોની સીધી સન્માન નિધિની રકમ આપવામાં આવે છે. તેની સાથે જ તેઓએ કહ્યું કે, ભારત બંધથી દેશનું આર્થિક નુકસાન થશે અને મને વિશ્વાસ છે કે ખેડૂત દેશમાં અશાંતિ ફેલાવનારું કોઈ પગલું નહીં ભરે.

    આ પણ વાંચો, 4 મહિનામાં 9.85 કરોડ ખેડૂતોને મળ્યા 2-2 હજાર રૂપિયા, ફરી આવવાના છે નાણા, કરો આ કામ!

    તેઓએ કહ્યું કે, પીએમ મોદીનું લક્ષ્ય છે ખેડૂતની આવક ડબલ કરવી, તેના માટે એવા સુધાર લાવવાની જરુર હતી. ભારત સરકાર હંમેશા ખેડૂતોની સાથે રહી છે. દેશના ખેડૂત નરેન્દ્ર મોદીજીની સાથે છે.
    Published by:Mrunal Bhojak
    First published:

    Tags: Agriculture laws, Farmers Agitation, Farmers Protest, ખેડૂતો, મોદી સરકાર

    આગામી સમાચાર