સ્ટેટ બેંક ઓફ ઇન્ડિયાએ Adani Group ને 27000 કરોડ રૂપિયાની લોન આપી, બેંકના ચેરમેનનું નિવેદન

નવી દિલ્હી: દેશની સૌથી મોટી બેંક સ્ટેટ બેંક ઓફ ઈન્ડિયા (SBI) એ શુક્રવારે કહ્યું કે તેણે અદાણી ગ્રુપની કંપનીઓને લગભગ 27,000 કરોડ રૂપિયાની લોન આપી છે, જે એકંદર એક્સપોઝરના માત્ર 0.88 ટકા છે. એસબીઆઈના ચેરમેન દિનેશ ખારાએ જણાવ્યું હતું કે બેંકની એવી ધારણા નથી કે અદાણી ગ્રુપ તેમની દેવાની જવાબદારીઓને પહોંચી વળવામાં કોઈ પડકારનો સામનો કરી રહ્યું છે. આ સાથે તેમણે એમ પણ કહ્યું કે SBIએ આ ગ્રુપને શેરના બદલામાં કોઈ લોન આપી નથી.

ખારાએ જણાવ્યું હતું કે અદાણી ગ્રુપના પ્રોજેક્ટ્સને લોન આપતી વખતે ભૌતિક સંપત્તિ અને યોગ્ય રોકડ પ્રવાહને ધ્યાનમાં રાખવામાં આવ્યા છે. આ સાથે તેમણે કહ્યું કે આ ગ્રુપનો બાકી લોન ચૂકવવાનો રેકોર્ડ ઘણો સારો રહ્યો છે.

SBI has an overall exposure of Rs 27,000 cr in Adani group which is 0.88% of the loan book as on 31st Dec 2022. The loans are against assets & businesses that are cash-generating. So, we don’t see any challenge, no cause of concern for us: SBI Chief Dinesh Khara pic.twitter.com/mcVru9a3ZJ

— ANI (@ANI) February 3, 2023

છેલ્લા કેટલાક દિવસોમાં અદાણી ગ્રૂપના શેરમાં તીવ્ર ઘટાડા વચ્ચે ધિરાણ આપતી સંસ્થાઓને અસર થશે તેવી આશંકાઓ વચ્ચે SBIના વડાએ જણાવ્યું હતું કે ગ્રુપે લોનને રિફાઇનાન્સ કરવા માટે કોઈ વિનંતી કરી નથી.

આ પણ વાંચો: પૂર્વ કાઉન્સિલરના ઘરે નગ્ન અવસ્થામાં મહિલા પહોંચી, વીડિયો વાયરલ થતા પોલીસે કરી અપીલ

તમને જણાવી દઈએ કે ગુરુવારે યુએસ સ્થિત ફર્મ હિંડનબર્ગના એક રિપોર્ટમાં જણાવવામાં આવ્યું હતું કે SBI એ અદાણી ગ્રુપની કંપનીઓને 21000 કરોડ રૂપિયા ($2.6 બિલિયન)ની લોન આપી છે. આ રકમ સ્ટેટ બેંક ઓફ ઈન્ડિયાને નિયમો હેઠળ ધિરાણ આપવાની છૂટ છે તેના કરતાં અડધી છે. SBI દ્વારા અદાણીને આપવામાં આવેલા એક્સ્પોઝરમાં તેના વિદેશી એકમોમાંથી $200 મિલિયનનો પણ સમાવેશ થાય છે. એસબીઆઈના ચેરમેન દિનેશ કુમાર ખારાએ ગુરુવારે જણાવ્યું હતું કે અશાંતિથી પ્રભાવિત અદાણી ગ્રુપની કંપનીઓ લોનની સેવા આપી રહી છે અને બેંકે અત્યાર સુધી જે ધિરાણ આપ્યું છે તેના પર તેમને કોઈ તાત્કાલિક પડકાર દેખાતો નથી. બ્લૂમબર્ગે એક સ્ત્રોતના આધારે આ માહિતી આપી છે.

આ પણ વાંચો: અદાણી ગ્રુપમાં SBI અને LICના રોકાણની નિર્ધારિત મર્યાદાને લઇ નિર્મલા સીતારમણનું નિવેદન

આ અહેવાલ સામે આવ્યા બાદ અદાણી ગ્રુપના શેરમાં ભારે ઘટાડો જોવા મળ્યો છે. જોકે, ગૌતમ અદાણીની આગેવાની હેઠળના અદાણી ગ્રુપે આ આરોપોને પાયાવિહોણા અને ભ્રામક ગણાવ્યા હતા. જે બાદ ગુરુવારે રિઝર્વ બેંક ઓફ ઈન્ડિયા (RBI) એ તમામ સરકારી બેંકોને પૂછ્યું છે કે તેઓએ અદાણી ગ્રુપની કંપનીઓને કેટલી લોન આપી છે. આ માહિતી RBIને આપો. ન્યૂઝ એજન્સી રોયટર્સે આ જાણકારી આપી છે. રોઇટર્સના અહેવાલ મુજબ, આરબીઆઈ દ્વારા માંગવામાં આવેલી માહિતીમાં અદાણી ગ્રુપની મિલકતોની સૂચિનો સમાવેશ થાય છે જેને લોન માટે કોલેટરલ તરીકે ગણવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Adani Group, Gautam Adani, RBI Alert, State bank of india