શ્રીગંગાનગરમાં BJP નેતા કૈલાશ મેઘવાલ પર ખેડૂતોએ કર્યો હુમલો, કપડા ફાડી નાખ્યા

શ્રીગંગાનગરમાં BJP નેતા કૈલાશ મેઘવાલ પર ખેડૂતોએ કર્યો હુમલો, કપડા ફાડી નાખ્યા

આ તણાવ વચ્ચે ભાજપાના ધરણા તરફ કૂચ કરી રહેલા ખેડૂતોને રોકવા માટે પોલીસે હળવો બળપ્રયોગ કર્યો

  • Share this:
    શ્રીગંગાનગર : રાજસ્થાનના (Rajasthan)શ્રીગંગાનગરમાં રાજ્ય સરકાર સામે થઇ થઈ રહેલા ભાજપાના જિલ્લા સ્તરીય પ્રદર્શનમાં સામેલ થવા આવેલા હનુમાનગઢના ભાજપા કાર્યકર્તા અને SC મોરચાના પ્રદેશ અધ્યક્ષ કૈલાશ મેઘવાલના (Kailash Meghwal)ખેડૂતોએ મહારાજા ગંગાસિંહ ચોક પર કપડા ફાડી નાખ્યા છે. કૈલાશ મેઘવાલના કપડા ફાડવાની ઘટના પછી અફરાતફરીનો માહોલ જોવા મળ્યો હતો. પોલીસે કૈલાસ મેઘવાલને ખેડૂતો પાસેથી છોડાવ્યા હતા. આ તણાવ વચ્ચે ભાજપાના ધરણા તરફ કૂચ કરી રહેલા ખેડૂતોને રોકવા માટે પોલીસે હળવો બળપ્રયોગ પણ કર્યો હતો.

    પોલીસે હળવો બળપ્રયોગ કરીને ખેડૂતોને ત્યાંથી ખસેડ્યા હતા. પોલીસ દ્વારા કરેલા બળપ્રયોગમાં કેટલાક ખેડૂતોને ઇજા પહોંચી હતી. મહારાજા ગંગા સિંહ ચોક, ભગત સિંહ ચોક પર તણાવ બનેલો છે. સાવધાની રાખતા પોલીસ ટીમને અલગ અલગ જગ્યાએ તૈનાત કરવામાં આવી છે.

    આ પણ વાંચો - Raj Kundra Case: BJP નેતા રામકદમનો દાવો, ગેમ્બલિંગથી રાજ કુન્દ્રાએ 2500થી 3000 કરોડ સુધીનું કૌભાંડ કર્યું

    ઉલ્લેખનીય છે કે ભાજપા દ્વારા રાજ્ય સરકાર સામે વિભિન્ન જનહિતના મુદ્દાને લઇને સેન્ટ્રલ જેલ સામે ધરણા કરવામાં આવી રહ્યા છે. બીજી તરફ કિસાન મોરચાના આહ્વાન પર ત્રણ કેન્દ્રીય કૃષિ કાનૂનો સામે ભાજપાના વિરોધમાં ખેડૂતો મહારાજા ગંગા સિંહ ચોક પર ધરણા કરી રહ્યા છે. એક સપ્તાહમાં કિસાન પ્રદર્શનકારીઓએ બીજેપી નેતા પર હુમલો કર્યો હોય અને કપડા ફાડી નાખ્યા હોય તેવો આ બીજો બનાવ છે.

    ભાજપા કાર્યકર્તા અને SC મોરચાના પ્રદેશ અધ્યક્ષ કૈલાશ મેઘવાલ પર થયેલા હુમલો મુદ્દે રાજનીતિક ખેંચતાણ વધી ગઈ છે. હવે આ મુદ્દે વિપક્ષ રાજ્યની ગેહલોત સરકાર પર પ્રહાર કરી રહ્યું છે.
    Published by:Ashish Goyal
    First published: