'હું પત્નીને ખૂબ પ્રેમ કરું છું, સાથે લઈ જાઉ છું', મારી દીધી ગોળી, પછી સુસાઈડ નોટ લખી કરી આત્મહત્યા

સોનીપત : હરિયાણાના ગોહાના સ્થિત મેદિના ગામમાં નિવૃત્ત સેના જવાને પોતાની લાઇસન્સવાળી બંદૂકથી પોતાની પત્નીની ગોળી મારીને હત્યા કરી દીધી હતી. બાદમાં તેણે પોતાને ગોળી મારી દીધી હતી. આ ઘટનાથી સનસનાટી ફેલાઇ ગઈ છે.

બંદુકની ગોળીના કારણે થયેલા મોતની માહિતી મળતાં પોલીસ ઘટના સ્થળે પહોંચી હતી. પોલીસને સ્થળ પરથી એક સુસાઇડ નોટ મળી હતી. સુસાઇડ નોટના વાક્યને વાંચીને દરેકને આશ્ચર્ય થાય છે. પોલીસ સમગ્ર મામલાની તપાસ કરી રહી છે. મૃતકનું નામ જયવીર (42 વર્ષ) છે. મૃતક જયવીર સેનામાંથી નિવૃત્ત થયા બાદ રેલ્વે વિભાગ ગોહાના રેલ્વે સ્ટેશન પર કાર્યરત હતો.

આ પણ વાંચો - અમદાવાદ: વધુ એક પરિણીતાની વેદનાનો Video વાયરલ, '...પતિ નહીં આવે તો પુત્રી સાથે કેનાલમાં આત્મહત્યા કરે'

પ્રાપ્ત માહિતી અનુસાર પોલીસને મળેલી સ્યુસાઇડ નોટમાં લખ્યું છે કે, "હું જયવીર હું મારી પત્નીને ખૂબ પ્રેમ કરૂ છું. તે ખૂબ સારી છે. તેથી હું તેને પણ મારી સાથે લઇ રહ્યો છું." હાલ પોલીસે મૃતદેહને કબજે લઇ પોસ્ટમોર્ટમ માટે મોકલી દીધા છે. આખા ગામમાં બે મોતને કારણે સનસનાટી ફેલાઇ હતી.

આ પણ વાંચો - અમદાવાદ: રોડ પર ખેતર પાસે ઉભી હતી રૂપલલનાઓ, કરતી બિભત્સ ઈશારા, પોલીસ પહોંચતા થઈ જોવા જેવી

આ ઘટના અંગે માહિતી આપતાં બરોડા પોલીસ સ્ટેશન પોલીસ સ્ટેશનના પ્રભારીએ જણાવ્યું હતું કે, ગામમાં બુલેટથી મોત નીપજ્યાં હતાં. હાલ પોલીસ ઘટના સ્થળે પહોંચી તપાસ કરી રહી છે. મૃતકનું નામ જયવીર અને પત્નીનું નામ મુકેશ છે. પોલીસને મૃતક પાસેથી સ્યુસાઇડ નોટ મળી છે. મૃતકે તેની લાઇસન્સ બંદુકથી પહેલા તેની પત્નીને ગોળી મારીને હત્યા કરી હતી. ત્યારબાદ તે જ બંદૂકથી તેણે પોતાને ગોળી મારી આત્મહત્યા કરી લીધી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: આર્મી