રાજસ્થાનના સિરોહીમાં એરફોર્સનું મિગ-27 ક્રેશ થયું, બંને પાયલટ સુરક્ષિત

ન્યૂઝ 18 ગુજરાતી: ફ્લાઇંગ કૉફિન તરીકે કુખ્યાત થયેલા ભારતીય વાયુસેનાના ફાઇટર વિમાન મિગનો તૂટવાનો સિલસિલો યથાવત છે. રવિવારે બપોરે રાજસ્થાનમાં રૂટિન કાર્ય માટે ઉડાન ભરેલું મિગ-27 ક્રેશ થયું છે. આ વિમાન રાજસ્થાનના સિરોહી પાસે ક્રેશ થતા તેનું એન્જિન મળી આવ્યું છે.

આ વિમાન સિરોહી જિલ્લાના શિવગંજ વિસ્તારમાં ક્રેશ થયું હતું. વિમાન ક્રેશ થાય તે પહેલાં જ બંને પાયલટે સુરક્ષિત પેરાશૂટ દ્વારા પ્લેનમાંથી જમ્પ મારી દીધો હતો. પ્લેન શિવગંજ તાલુકાના ઓડાના ગામ પાસે તુટી પડ્યું હતું. ગ્રામજનોએ આગ અને ધૂમાડો જોયો હતો અને સાથે જ પેરાશૂટથી ઉતરતા પાયલટને જોઈને તાત્કાલીક પોલીસ અને એરફોર્સને જાણ કરી હતી. ઘટનાની તપાસના આદેશ આપવામાં આવ્યા છે.

સમાચાર સંસ્થા ANIના અહેવાલ મુજબ આ વિમાને જોધપુરથી ઉડાન ભરી હતી અને રૂટિન કાર્ય માટે જઈ રહ્યું હતું ત્યારે ક્રેસ થયું છે. ઉલ્લેખનીય છે કે થોડા સમય પહેલાં જ રાજસ્થાનમાં એક મિગ ક્રેશ થયું હતું. મિગ-27 સોવિયેટ યુગનું ફાઇટર પ્લેન છે જેને ભારતીય વાયુસેનામાં 1980ના દશકમાં સામેલ કરાયું હતું. આ વિમાને કારગીલ યુદ્ધમાં દુર્ગમ પહાડીઓની વચ્ચે અદભૂત પ્રદર્શન કર્યુ હતું.

Visuals from Rajasthan's Jodhpur where a MiG 27 UPG aircraft on a routine mission from Jodhpur, crashed this morning. pic.twitter.com/dGPL9yYk7P

— ANI (@ANI) March 31, 2019

 ઉલ્લેખનીય છે કે આ વિમાન  સતત તૂટી રહ્યાં છે. પાકિસ્તાન સાથેની ડોગ ફાઇટમાં વિંગ કમાન્ડર અભિનંદનનું જે પ્લેન ક્રેશ થયું હતું તે પણ મિગ હતું. આ વિમાન આઉટડેટેડ થઈ ગયા હોવાના સતત અહેવાલો આવતા રહ્યાં છે. મિગની દુર્ઘટનાઓ આધારિત ફિલ્મ રંગ દે બસંતીએ વર્ષ 2006માં એક અનોખી ક્રાંતિ સર્જી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ક્રેશ, ભારતીય વાયુસેના, રાજસ્થાન