Shraddha Murder Case: આરોપી આફતાબને લઈ જઈ રહેલી પોલીસ વાન પર હિંદુ સેનાના લોકો દ્વારા હુમલો

નવી દિલ્હીઃ શ્રદ્ધા વાલકર હત્યાના આરોપી આફતાબ પૂનાવાલાને લઈ જતી પોલીસ વાન પર હુમલો થયો છે. આ હુમલો રોહિણીમાં FSL બહાર થયો હતો. હુમલાખોરોએ તલવાર વડે હુમલો કરવાનો પ્રયાસ કર્યો હોવાનું કહેવાય છે. તે જ સમયે, કેટલાક લોકો ઘાયલ થયા હોવાના અહેવાલ છે.

પોલીસે જણાવ્યું કે, આરોપી આફતાબ સુરક્ષિત છે. પોલીસે આફતાબની જેલ વાન પર હુમલો કરનારા લોકોની અટકાયત કરી છે. તેમનો દાવો છે કે, આ લોકો હિંદુ સેનાના છે. સૂત્રોએ જણાવ્યું કે, પોલીસ વાન પૂનાવાલાને પોલીગ્રાફ ટેસ્ટ બાદ પશ્ચિમ દિલ્હીની રોહિણી સ્થિત ફોરેન્સિક સાયન્સ લેબોરેટરીમાંથી જેલમાં લઈ જઈ રહી હતી. સૂત્રોએ જણાવ્યું કે, પોલીસે પરિસ્થિતિને કાબૂમાં લીધી છે અને આફતાબ પૂનાવાલા સુરક્ષિત છે. પોલીસે જણાવ્યું કે, કેટલાક હુમલાખોરો ઘાયલ થયા છે.

#WATCH | Police van carrying Shradhha murder accused Aftab Poonawalla attacked by at least 2 men carrying swords who claim to be from Hindu Sena, outside FSL office in Delhi pic.twitter.com/Bpx4WCvqXs

— ANI (@ANI) November 28, 2022

આફતાબ પૂનાવાલા પર આરોપ છે કે, તેણે પહેલા તેના લિવ-ઈન-રિલેશનશિપ પાર્ટનરનું ગળું દબાવી હત્યા કરી હતી. આ પછી, તેના દ્વારા મૃત શરીરના 35 ટુકડા કરવામાં આવ્યા હતા. મૃતદેહના ટુકડાઓ લગભગ ત્રણ અઠવાડિયા સુધી ઘરે ફ્રીજમાં રાખવામાં આવ્યા હતા. તે રાત્રે આ લાશના ટુકડાને દિલ્હી-એનસીઆરના અલગ-અલગ ભાગોમાં ફેંકી દેતો હતો. લગભગ છ મહિના પછી આ મામલો સામે આવ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Shraddha Murder Case