Home /News /national-international /Shraddha Murder Case: શ્રધ્ધા-આફતાબનાં દિલ્હીનાં ઘરેથી મળી એવી ચીજ, કેસનાં પાસા બદલી શકે છે પુરાવા

Shraddha Murder Case: શ્રધ્ધા-આફતાબનાં દિલ્હીનાં ઘરેથી મળી એવી ચીજ, કેસનાં પાસા બદલી શકે છે પુરાવા

આફતાબ પૂનાવાલાએ 18 મેના રોજ લિવ ઈન પાર્ટનર શ્રદ્ધા વાલકરની હત્યા કરી દીધી હતી. (ફાઈલ ફોટો)

Shraddha murder case delhi: દિલ્હી પોલીસે પૂનાવાલાના છતરપુર ફ્લેટમાંથી પાંચ ચાકુ જપ્ત કર્યા છે. સૂત્રોએ ગુરુવારે આ માહિતી આપી હતી. જોકે, પોલીસે જણાવ્યું હતું કે લાશને કાપવા માટે વપરાયેલ કરવત હજુ સુધી મળી નથી.

    નવી દિલ્હી. શ્રદ્ધા વાલ્કર હત્યાકાંડે આખા દેશને હચમચાવી દીધો છે. આ સાથે જ આ ઘટનાને લઈને રોજ નવા ખુલાસાઓ થઈ રહ્યા છે. આ કેસમાં વધુ એક અપડેટ આવતા દિલ્હી પોલીસે પૂનાવાલાના છતરપુર ફ્લેટમાંથી પાંચ ચાકુ જપ્ત કર્યા છે. સૂત્રોએ ગુરુવારે આ માહિતી આપી હતી. જોકે, પોલીસે જણાવ્યું હતું કે લાશને કાપવા માટે વપરાયેલ કરવત હજુ સુધી મળી નથી. પોલીસ વિભાગના સૂત્રોએ જણાવ્યું હતું કે ગુનામાં આ ચાકૂઓનો ઉપયોગ કરવામાં આવ્યો હતો કે કેમ તે જાણવા માટે છરીઓને ફોરેન્સિક સાયન્સ લેબોરેટરીમાં તપાસ માટે મોકલવામાં આવી છે.

    આફતાબ પૂનાવાલાની દિલ્હી પોલીસે 12 નવેમ્બરના રોજ દક્ષિણ દિલ્હીના મહેરૌલી વિસ્તારમાં તેના ભાડાના ફ્લેટમાં શ્રદ્ધા વાલકરની હત્યાના આરોપમાં ધરપકડ કરી હતી.

    ફોરેન્સિક તપાસ થશે

    સૂત્રએ આ કેસમાં જણાવ્યું હતું કે, "આ છરીઓનો ઉપયોગ ગુના દરમિયાન કરવામાં આવ્યો હતો કે કેમ તે ફોરેન્સિક તપાસ પછી જ જાણી શકાશે, જે માટે થોડો સમય લાગશે."

    ગુરુવારે રોહિણી સ્થિત ફોરેન્સિક સાયન્સ લેબોરેટરીમાં આફતાબના પોલીગ્રાફ ટેસ્ટનું બીજું સેશન યોજાયું હતું અને આ પછી પોલીસ લેબોરેટરીમાંથી આફતાબ સાથે દક્ષિણ દિલ્હી જવા રવાના થશે.

    લિવ-ઈન રિલેશનશિપથી લઈને શ્રદ્ધાની હત્યા સુધીના પ્રશ્નો પૂછાયા

    સૂત્રોના જણાવ્યા અનુસાર, પોલીગ્રાફ ટેસ્ટમાં આફતાબને તેના લિવ-ઈન રિલેશનશિપથી લઈને શ્રદ્ધાની હત્યા સુધીના ઘણા પ્રશ્નો પૂછવામાં આવ્યા હતા.

    આફતાબ પૂનાવાલાની દિલ્હી પોલીસે 12 નવેમ્બરના રોજ દક્ષિણ દિલ્હીના મહેરૌલી વિસ્તારમાં તેના ભાડાના ફ્લેટમાં શ્રદ્ધા વાલકરની હત્યાના આરોપમાં ધરપકડ કરી હતી.

    આ પણ વાંચો: Shraddha Murder Case: જે પ્રેમી માટે ગર્લફ્રેન્ડે છોડ્યો પરીવાર, મિત્રો, શહેર અને માં ગુમાવી, તેણે જ કર્યા 35 ટુકડા

    દિલ્હી પોલીસે જણાવ્યું હતું કે આફતાબે શ્રદ્ધાનું ગળું દબાવીને હત્યા કરી હતી અને તેના શરીરના લગભગ 35 ટુકડા કરી દીધા હતા, જેને તેણે લગભગ ત્રણ અઠવાડિયા સુધી ઘરે 300 લિટરના ફ્રીજમાં રાખ્યા હતા. ત્યાર પછી દિવસો સુધી તે મધ્યરાત્રિએ શહેરના જુદા જુદા વિસ્તારોમાં ફેંકવા માટે જતો રહ્યો હતો. પોલીસે જણાવ્યું હતું કે તે દિવસે બંને વચ્ચે પૈસાને લઈને  ઝઘડો થતો હતો.

    આ પણ વાંચો: Shraddha Murder Case: બચાવી લો... મોત પહેલા WhatsApp પર શ્રદ્ધાએ મિત્રોને જુઓ શું કહ્યું હતું, ચોંકાવનારો ધડાકો

    અટકળો અનુસાર પૂનાવાલાએ 18 મેની સાંજે બંને વચ્ચેના ઝઘડા બાદ 27 વર્ષીય શ્રદ્ધા વાલ્કરની હત્યા કરી નાખી હતી. શ્રદ્ધા મહારાષ્ટ્રના પાલઘર જિલ્લાના વસઈની રહેવાસી હતી. બંનેની મુલાકાત મુંબઈમાં ડેટિંગ એપ 'બમ્બલ' દ્વારા થઈ હતી.

    આ પણ વાંચો: હૈવાનિયતની હદ! ફ્રિજમાં પડ્યા હતા શ્રદ્ધાનાં 35 ટુકડા અને આફતાબ એ જ રૂમમાં બીજી સાથે...

    આ પછી બંનેએ મુંબઈના એક કોલ સેન્ટરમાં સાથે કામ કરવાનું શરૂ કર્યું અને ત્યાંથી બંને વચ્ચે પ્રેમસંબંધ શરૂ થયો. બાદમાં બંને દિલ્હી સેટલ થવા માટે આવ્યા હતા અને ઝઘડા શરૂ થયા હતા.
    Published by:Mayur Solanki
    First published:

    Tags: Crime case, Delhi Crime, Murder case, Shraddha Murder Case

    विज्ञापन
    विज्ञापन