Home /News /national-international /10 વર્ષ પહેલા થયેલી હત્યાથી દહેરાદૂન હચમચી ગયું હતું, પતિએ પત્નીના 70 ટુકડા કર્યા હતા, વાંચો સંપૂર્ણ અહેવાલ

10 વર્ષ પહેલા થયેલી હત્યાથી દહેરાદૂન હચમચી ગયું હતું, પતિએ પત્નીના 70 ટુકડા કર્યા હતા, વાંચો સંપૂર્ણ અહેવાલ

પતિએ પત્નીના 70 ટુકડા કર્યા હતા

શ્રદ્ધા વોકરની હત્યાએ સમગ્ર દેશને હચમચાવી દીધો છે. તેના લિવ-ઈન-પાર્ટનર આફતાબે તેની હત્યા કરી લાશના 35 ટુકડા કરી નાખ્યા હતા. બરાબર 10 વર્ષ પહેલા દેહરાદૂનમાં એક તેનાથી પણ વધુ ખતરનાક હત્યાની ઘટના સામે આવી હતી. જ્યાં સોફ્ટવેર એન્જિનિયર રાજેશ ગુલાટીએ તેની પત્ની અનુપમાની હત્યા કરી નાખી હતી. આ પછી, તેણે ઇલેક્ટ્રિક આરીનો ઉપયોગ કરીને શરીરના 70 ટુકડા કરી નાખ્યા હતા.

વધુ જુઓ ...
    શ્રદ્ધા વોકરની હત્યાએ સમગ્ર દેશને હચમચાવી દીધો છે. તેના લિવ-ઈન-પાર્ટનર આફતાબે તેની હત્યા કરી લાશના 35 ટુકડા કરી નાખ્યા હતા. બરાબર 10 વર્ષ પહેલા દેહરાદૂનમાં એક તેનાથી પણ વધુ ખતરનાક હત્યાની ઘટના સામે આવી હતી. જ્યાં સોફ્ટવેર એન્જિનિયર રાજેશ ગુલાટીએ તેની પત્ની અનુપમાની હત્યા કરી નાખી હતી. આ પછી, તેણે ઇલેક્ટ્રિક આરીનો ઉપયોગ કરીને શરીરના 70 ટુકડા કરી નાખ્યા હતા.

    TIO અનુસાર, સપ્ટેમ્બર 2017માં સ્થાનિક કોર્ટ દ્વારા દોષિત ઠેરવ્યા બાદ હાલ ગુલાટી દેહરાદૂન જેલમાં આજીવન કેદની સજા કાપી રહ્યો છે. આ કેસમાં કોર્ટે તેને આજીવન કેદની સજા ફટકારી હતી અને 15 લાખ રૂપિયા કોર્ટમાં જમા કરાવવાનો આદેશ પણ આપ્યો હતો. વોકર-પૂનાવાલા કેસ સાથે આ કેસમાં ઘણી સમાનતા હતી.

    આ પણ વાંચોઃ પિતાએ વ્યથા વ્યક્ત કરતા કહ્યું કે- વાત માની હોત તો આજે જીવતી હોત, શરીરના 35 ટૂકડાં ના થયા હોત

    17 ઓક્ટોબર 2010ની એ ભયાનક રાત હતી. જ્યારે ઝઘડા પછી 37 વર્ષીય ગુલાટીએ અનુપમાની દેહરાદૂન કેન્ટોનમેન્ટના પ્રકાશ નગરમાં તેમના બે રૂમના ભાડાના મકાનમાં હત્યા કરી હતી. વર્ષ 1999 માં લગ્ન કર્યા પછી, કપલ અમેરિકા ચાલ્યું ગયું. પરંતુ 2008માં તેઓ દેહરાદૂન પાછા ફર્યા પછી તરત જ તેમના સંબંધોમાં તણાવ વધી ગયો હતો. તેઓ અવારનવાર ઝઘડતા હતા, અનુપમાએ તેના પતિ પર કોલકાતાની એક મહિલા સાથે લગ્નેતર સંબંધ હોવાનો આરોપ મૂક્યો હતો.

    તે દિવસે દંપતી વચ્ચે મોટો ઝઘડો થયો અને ગુલાટીએ તેની પત્નીને થપ્પડ મારી, ત્યારબાદ તેણીએ તેનું માથું દિવાલ પર અથડાવ્યું અને તે બેહોશ થઈ ગઈ. તેણી જાગી જશે અને પોલીસ ફરિયાદ નોંધાવશે તે ડરથી, સોફ્ટવેર એન્જિનિયરે તેણીનું ગળું દબાવવા માટે ઓશીકાનો ઉપયોગ કરતા પહેલા તેના નાક અને મોઢામાં કપાસ ભરી દીધું હતું. આ પછી તેણે મૃતદેહના 70 ટુકડા કરી નાખ્યા અને પોતાનો ગુનો છુપાવવા માટે તે એક પછી એક લાશના ટૂકડાને શહેરની બહારના વિસ્તારમાં પોલીથીન બેગમાં ફેંકતો હતો.

    તેણે લગભગ બે મહિના સુધી સામાન્ય હોવાનો ડોળ કર્યો હતો. તેણે તેના ચાર વર્ષના જોડિયા બાળકોને પણ કહ્યું કે તેમની માતા દિલ્હી ગઈ છે. એક દિવસ અનુપમાનો ભાઈ સુજન કુમાર પ્રધાન ઘરે આવ્યો. જ્યારે ગુલાટી તેને તેની બહેનના ઠેકાણા વિશે જણાવી શક્યો ન હતો અને તેને ઘરમાં પ્રવેશવાની પણ ના પાડી ત્યારે પ્રધાનને શંકા ગઈ હતી. આ પછી પ્રધાને કેન્ટોનમેન્ટ પોલીસ સ્ટેશનમાં ગુમ થવાની ફરિયાદ નોંધાવી હતી. બાદમાં પોલીસે ગુલાટીના ઘરે દરોડો પાડ્યા અને ડીપ ફ્રીઝરમાંથી અનુપમાના માથા સહિત શરીરના ટૂકડા કરવામાં આવેલા અંગો કબજે કર્યા હતા.
    Published by:Priyanka Panchal
    First published:

    Tags: Crime news, Dehradun, Murder case

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन