Home /News /national-international /Shivamogga Case: બજરંગ દળના કાર્યકરની હત્યા બાદ કર્ણાટકના શિવમોગામાં તણાવની સ્થિતિ

Shivamogga Case: બજરંગ દળના કાર્યકરની હત્યા બાદ કર્ણાટકના શિવમોગામાં તણાવની સ્થિતિ

પોસ્ટમોર્ટમ બાદ હર્ષના મૃતદેહને ઘરે લઈ જવામાં આવ્યો હતો. (તસવીર- ANI)

કર્ણાટક (Karnataka)ના શિવમોગા (Shivamogga)માં 26 વર્ષીય બજરંગ દળ (Bajrang Dal)ના કાર્યકરની કથિત રીતે છરી મારીને હત્યા (Murder) કરવામાં આવી હતી.

    કર્ણાટક (Karnataka)ના શિવમોગા (Shivamogga)માં 26 વર્ષીય બજરંગ દળ (Bajrang Dal)ના કાર્યકરની કથિત રીતે છરી મારીને હત્યા (Murder) કરવામાં આવી હતી. આ ઘટના બાદ સમગ્ર શહેરમાં તણાવનો માહોલ છે. સાવચેતીના પગલારૂપે શહેરમાં કલમ 144 લાગુ કરવામાં આવી છે. પોલીસે જણાવ્યું હતું કે ભારતી કોલોનીની રવિ વર્મા ગલીમાં રવિવારે રાત્રે અજાણ્યા હુમલાખોરો દ્વારા હર્ષ નામના વ્યક્તિની કથિત રીતે ચાકુ મારીને હત્યા કરવામાં આવી હતી. બેંગલુરુથી લગભગ 250 કિમી દૂર આવેલા આ શહેરમાં તાજેતરમાં હિજાબ પહેરવાને લઈને કેટલીક કોલેજોમાં વિવાદ થયો છે. જોકે રવિવારે થયેલી આ હત્યા પાછળનું કારણ હજુ સુધી જાણી શકાયું નથી.

    આ ઘટના બાદ હર્ષના સમર્થકો રસ્તા પર ઉતરી આવ્યા હતા અને પોતાનો રોષ વ્યક્ત કર્યો હતો. ટેલિવિઝન પર પ્રસારિત થયેલા વીડિયોમાં તેઓ પથ્થરમારો કરતા જોવા મળે છે, પરંતુ તેમનું નિશાન કોણ હતું તે હજુ સ્પષ્ટ થયું નથી. આ દરમિયાન કર્ણાટકના ગૃહમંત્રી અર્ગા જ્ઞાનેન્દ્ર શિવમોગા પહોંચ્યા અને કામદારના પરિવારને મળ્યા હતા. તેમણે કહ્યું કે પોલીસને કેટલાક નક્કર પુરાવા મળ્યા છે અને આ ઘટનામાં સામેલ લોકોની ટૂંક સમયમાં ધરપકડ કરવામાં આવશે.

    આ પણ વાંચો- Lalu Yadav Verdict: લાલુ પ્રસાદ યાદવને ડોરંડા ટ્રેઝરી કેસમાં 5 વર્ષની સજા અને 60 લાખ રૂપિયાનો દંડ

    શિવમોગામાં બજરંગ દળના કાર્યકરની હત્યાના અપડેટ્સ વાંચો

    - કર્ણાટકના ગૃહમંત્રી અર્ગા જ્ઞાનેન્દ્રએ કહ્યું, '26 વર્ષના યુવકની હત્યા કરવામાં આવી છે. આવી ઘટનાઓ ન થવી જોઈએ. પોલીસને પુરાવા મળી ગયા છે અને ટૂંક સમયમાં આ ઘટનામાં સંડોવાયેલા લોકોની ધરપકડ કરવામાં આવશે. હું લોકોને શાંતિ જાળવવાની અપીલ કરું છું.

    - ડેપ્યુટી કમિશનર આર સેલ્વમણીએ જણાવ્યું હતું કે શહેરમાં કલમ 144 હેઠળ પ્રતિબંધિત આદેશો લાગુ કરવામાં આવ્યા છે અને તમામ શાળાઓ અને કોલેજોને બંધ રાખવાનો આદેશ આપવામાં આવ્યો છે. સેલ્વમણીએ કહ્યું, "પોલીસ આ મામલાની તપાસ કરી રહી છે અને ગુનેગારોને શોધવાના પ્રયાસો ચાલુ છે." શહેરમાં કલમ 144 લાગુ કરવામાં આવી છે. જેથી શાળા-કોલેજમાં એક દિવસની રજા રહેશે.

    આ પણ વાંચો- લગ્નનાં 5 દિવસ પહેલા જ CRPF જવાનની અર્થી ઉઠી, ભાવિ પત્નીએ કહ્યું- તેણે વચન તોડ્યું

    - પોલીસ અધિક્ષક બીએમ લક્ષ્મી પ્રસાદે કહ્યું કે આ ઘટનામાં સંડોવાયેલા ગુનેગારોને શોધવા માટે એક ટાસ્ક ફોર્સની રચના કરવામાં આવી છે. પ્રસાદે કહ્યું, “અમારી પ્રાથમિકતા તેમને (ઘટનામાં સામેલ અપરાધીઓને) શોધી કાઢવાની અને તેમને સજા કરાવવાની છે. અમે લોકોને સહકાર આપવા અને કોઈ ભાવનાત્મક પગલું ન ભરવા અપીલ કરીએ છીએ.

    - બજરંગ દળના કાર્યકર હર્ષનું સોમવારે પોસ્ટમોર્ટમ કરવામાં આવ્યું હતું. આ પછી તેનો મૃતદેહ શિવમોગા સ્થિત તેના ઘરે લઈ જવામાં આવ્યો હતો. આ દરમિયાન હિન્દુ સંગઠનોના સેંકડો કાર્યકર્તાઓ પણ હાજર હતા.

    - હર્ષાની હત્યાને લઈને કર્ણાટકમાં પણ રાજકારણ ગરમાયું છે. સોમવારે મુખ્યમંત્રી બસવરાજ બોમાઈએ માહિતી આપી હતી કે રવિવારે હર્ષાની છરી વડે હત્યા કરવામાં આવી હતી. ગઈકાલે રાત્રે શરૂ થયેલી તપાસમાં જ કેટલીક કડીઓ મળી છે. તેના પર કામ ચાલી રહ્યું છે.

    આ પણ વાંચો- સુરતમાં ફરી માનવતા નેવે મૂકાઇ! 11 વર્ષની બાળકી પર દુષ્કર્મ ગુજારી હવસખોરો રુમનો દરવાજો બંધ કરીને ભાગી ગયા

    - કર્ણાટકના ગૃહ પ્રધાન અર્ગા જ્ઞાનેન્દ્રએ કહ્યું છે કે 4 થી 5 લોકોના જૂથે તેની હત્યા કરી છે. આ હત્યામાં સામેલ કોઈ સંગઠનની મને ખબર નથી. શિવમોગામાં કાયદો અને વ્યવસ્થા નિયંત્રણમાં છે. અગમચેતીના ભાગરૂપે બે દિવસ માટે શાળા-કોલેજ બંધ રાખવામાં આવી છે.

    - કર્ણાટકના મંત્રી કેએસ ઇશ્વરપ્પાએ કહ્યું છે કે આ હત્યા પાછળ મુસ્લિમ સમુદાયના લોકોનો હાથ છે.

    - આ ઘટના બાદ હર્ષાના સમર્થકો રસ્તા પર ઉતરી આવ્યા હતા અને પોતાનો રોષ વ્યક્ત કર્યો હતો. ટેલિવિઝન પર પ્રસારિત થયેલા વિડિયોમાં તેઓ પથ્થરમારો કરતા જોવા મળે છે, પરંતુ તેમનું નિશાન કોણ હતું તે હજુ સ્પષ્ટ થયું નથી.
    Published by:rakesh parmar
    First published:

    Tags: Bajrang dal, Karnataka news, કર્ણાટક

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन