Home /News /national-international /આ ગામની નદીમાંથી 7 દિવસમાં મળી 7 લાશ, એક જ પરિવારના તમામ સભ્યો, પોલીસ પણ આશ્ચર્યચકિત

આ ગામની નદીમાંથી 7 દિવસમાં મળી 7 લાશ, એક જ પરિવારના તમામ સભ્યો, પોલીસ પણ આશ્ચર્યચકિત

નદીમાંથી 7 દિવસમાં મળી 7 લાશ

આ ઘટના 17 જાન્યુઆરીની છે અને તે પછી 7 દિવસ સુધી ભીમા નદીમાંથી એક પછી એક 7 મૃતદેહો મળી આવ્યા હતા. જેમાંથી 3 મૃતદેહો મંગળવારે જ મળી આવ્યા હતા. મૃતકોમાં વૃદ્ધ પતિ, પત્ની, તેમની પુત્રી અને જમાઈ અને 3 બાળકોનો સમાવેશ થાય છે.

News18 Gujarati
Last Updated : January 24, 2023, 23:36 IST
Maharashtra, India

પુણે: મહારાષ્ટ્રના પુણે જિલ્લાના દૌંડ વિસ્તારમાં એક ચોંકાવનારો કિસ્સો સામે આવ્યો છે. અહીં 7 દિવસ સુધી ભીમા નદીમાંથી એક પછી એક 7 મૃતદેહો મળી આવ્યા હતા. જેમાંથી 3 મૃતદેહો મંગળવારે જ મળી આવ્યા હતા. મૃતકોમાં વૃદ્ધ પતિ, પત્ની, તેમની પુત્રી અને જમાઈ અને 3 બાળકોનો સમાવેશ થાય છે. આ ઘટનાથી સમગ્ર વિસ્તારના ઓહાપો મચી ગયો હતો. આ સાથે જ પોલીસ પણ આશ્ચર્યમાં છે કે, એક સાથે પરિવારના 7 લોકોના મોતનું કારણ શું છે.

આ પણ વાંચો: જાણો કોણ છે સુહાની શાહ, કે જેણે બાગેશ્વર ધામના ધીરેન્દ્ર શાસ્ત્રીને પડકાર ફેંક્યો

સ્થાનિક લોકોનું કહેવું છે કે, આ પરિવારની નાની દીકરી ઘરેથી ભાગી ગઈ હતી અને તેણે તેની ઉંમરથી ઘણા મોટા વ્યક્તિ સાથે લગ્ન કર્યા હતા. તેના આ પગલાથી પરિવારને એટલો આઘાત લાગ્યો કે, છોકરીના પિતા સહિત પરિવારના 7 સભ્યોએ ભીમા નદીમાં કૂદીને આત્મહત્યા કરી લીધી છે.

પોલીસ દ્વારા મોતનું કારણ જાણવા પ્રયાસ

પોલીસે આ અંગે અકસ્માત મોતનો રિપોર્ટ નોંધીને તપાસ શરૂ કરી છે. પોલીસનું કહેવું છે કે, પ્રાથમિક દૃષ્ટિએ આ આત્મહત્યાનો મામલો જણાઈ રહ્યો છે. જોકે, એક જ પરિવારના આ તમામ લોકોના મોતનું સાચું કારણ તપાસ બાદ જ સ્પષ્ટ થઈ શકશે.

આ પણ વાંચો: ફ્લાઈટમાં દારૂ પીવાને લઈને મોટા સમાચાર, એર ઈન્ડિયાએ જાહેર કરી નવી દારૂ નીતિ

પોલીસે જણાવ્યું કે, મૃતકોમાં ચાર લોકોના નામ મોહન ઉત્તમ પવાર, સંગીતા મોહન પવાર, રાની શામ ફુલવારે, શામ ફુલવારે છે. આ પરિવાર 17 જાન્યુઆરી, મંગળવારે રાત્રે 11 વાગ્યા પછી નિખોજ ગામથી વાહનમાં નીકળ્યો હતો. ત્યારથી તેનો કોઈ પત્તો લાગ્યો ન હતો. શિરુર-ચૌફુલા રોડ પર દૌંડ તાલુકાના પારગાંવ બોર્ડર પાસે ભીમા નદી પાસે તેની કાર મળી આવી હતી, ત્યારબાદ પોલીસે નદીમાં તેની શોધ શરૂ કરી હતી.

પોલીસે જણાવ્યું કે, 18 જાન્યુઆરીએ નદીમાંથી એક મહિલાની લાશ મળી આવી હતી. ત્યારબાદ 20, 21 અને 22 જાન્યુઆરીએ ત્રણ મૃતદેહો મળી આવ્યા હતા. આ પછી, 24 જાન્યુઆરી, મંગળવારે અન્ય 3 ગુમ બાળકોના મૃતદેહ મળી આવ્યા હતા.

Published by:Samrat Bauddh

First published: January 24, 2023, 23:36 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime news, Family suicide