લિવ-ઈન રિલેશનશિપના રજીસ્ટ્રેશન પર SCએ અરજી ફગાવી નારાજગી વ્યક્ત કરી, જાણો...

નવી દિલ્હી : સુપ્રીમ કોર્ટે સોમવારે લિવ-ઇન રિલેશનશિપમાં ફરજીયાત નોંધણીની માંગ કરતી અરજીને ફગાવી દીધી હતી, અને પૂછ્યું હતું કે, આ મામલે કેન્દ્ર સરકાર શું કરી શકે છે. અરજીની સુનાવણી કરતા ચીફ જસ્ટિસ ડીવાય ચંદ્રચુડની આગેવાની હેઠળની બેંચે અરજદારના વકીલ મમતા રાનીને પૂછ્યું કે, શું તે આ લોકોની સુરક્ષાને પ્રોત્સાહન આપવા માંગે છે કે, પછી તેઓ લિવ-ઈન રિલેશનશિપમાં ન રહે તેવું ઈચ્છે છે. આ અરજીથી ખૂબ નારાજ. તેમણે અરજીને ફગાવી દીધી હતી કે, લોકો કોર્ટમાં કંઈ પણ લાવે છે. તેમણે કહ્યું કે, તેઓ હવે જરૂર પડ્યે આવા મામલાઓ પર દંડ લાદવાનું શરૂ કરશે.

સુપ્રીમ કોર્ટના ચીફ જસ્ટિસ ડીવાય ચંદ્રચુડે કહ્યું કે, કેન્દ્ર સરકારને લિવ-ઈન રિલેશનશિપમાં રહેતા લોકો સાથે શું લેવાદેવા છે? તમે ઈચ્છો છો કે, દરેક લિવ ઈન રિલેશનશીપ રજીસ્ટર થાય? શું તમે આ લોકોની સંભાળ અથવા રક્ષણને પ્રોત્સાહન આપવા અથવા અટકાવવાનો પ્રયાસ કરી રહ્યાં છો?

આ બધા અનિયંત્રિત વિચારો છે, જેનો તમે કોર્ટ અમલ કરવા ઈચ્છો છો. જ્યારે વકીલે જવાબ આપ્યો હતો કે, અરજદારનો ઈરાદો લિવ-ઈન રિલેશનશિપમાં રહેતા લોકોની સામાજિક સુરક્ષા વધારવા માટે તેમના સંબંધોની નોંધણી કરાવવાનો છે.

આ પણ વાંચો  : PM મોદીને ચીનના લોકો દુનિયાના સૌથી ખાસ નેતા માને છે, ઉપનામ છે 'મોદી લાઓક્સિયન'

એડવોકેટ મમતા રાનીએ લિવ-ઈન રિલેશનશીપની નોંધણી માટે નિયમો ઘડવા કેન્દ્રને નિર્દેશ આપવાની માંગ કરતી અરજી દાખલ કરી હતી. જેમાં લિવ-ઇન પાર્ટનર્સ દ્વારા કથિત રૂપે આચરવામાં આવેલા બળાત્કાર અને હત્યા જેવા ગુનાઓમાં વધારો દર્શાવવામાં આવ્યો હતો.

અરજીમાં શ્રદ્ધા વોકર જેવા તાજેતરના કેસોનો ઉલ્લેખ કરવામાં આવ્યો હતો, જેની તેના લિવ-ઇન પાર્ટનર આફતાબ પૂનાવાલા દ્વારા હત્યા કરવામાં આવી હતી. અરજીમાં આવા સંબંધોની નોંધણી માટે નિયમો અને માર્ગદર્શિકા ઘડવાની પણ માંગ કરવામાં આવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Delhi High Court, Live in relationship