Coronavirus: ઈરાને લાશોને દફનાવવા માટે વિશાળ મેદાનમાં રાતોરાત ખોદી દીધી કબરો, સેટેલાઇટમાં કેદ થઈ તસવીરો

તેહરાન : દુનિયાભરથી કોરોના વાયરસ (Coronavirus)ને લઈને ડરાવતી તસવીરો સામે આવી રહી છે. અત્યાર સુધી 4,600થી વધુ લોકોનાં મોત થઈ ચૂક્યા છે, જ્યારે સવા લાખથી વધુ લોકો કોરોના વાયરસ (COVID 19)થી સંક્રમિત છે. ઈરાન (Iran)માં લગભગ 500 લોકોનાં મોત થઈ ચૂક્યા છે. આ દરમિયાન ઈરાનની તસવીરોએ દરેકને ચોંકાવી દીધા છે. સેટેલાઇટ તસવીરો (Satellite Images)માં જોઈ શકાય છે કે ઈરાનમાં લાશોને દફનાવવા માટે વિશાળ મેદાનમાં મોટા ખાડા ખોદવામાં આવ્યા છે.

સેટેલાઇટથી લેવામાં આવી કબરની તસવીરો

અમેરિકન અખબાર 'વૉશિંગટન પોસ્ટ' મુજબ, છેલ્લા મહિને કોરોના વાયરસનો પહેલો મામલો આવતાં જ ઈરાને લાશોને દફનાવવા માટે ખાડા ખોદ્યા. આ ખાડા લગભગ બે ફુટબોલ મેદાન જેટલા મોટા છે. અખબાર મુજબ, આ કબર રાજધાની તેહરાનથી લગભગ 120 કિલોમીટર દૂર કૉમ શહેરની પાસે ખોદવામાં આવ્યા છે. સેટેલાઇટથી લેવામાં આવેલી તસવીરોમાં કબરના ખાડા સ્પષ્ટપણે જોઈ શકાય છે. ઈરાનમાં સરકારી આંકડાઓ મુજબ 10 હજારથી વધુ લોકો કોરાના વાયરસથી સંક્રમિત છે.

Earlier this month, videos surfaced on social media showing vast and hurriedly dug areas in the cemetery.#Iran#CoronavirusPandemic pic.twitter.com/Q62aBkQ7bA

— Heshmat Alavi (@HeshmatAlavi) March 12, 2020

કાળી બેગોમાં લાશોના ઢગલાં

થોડા દિવસો પહેલા અનેક શબઘરોમાં કાળી બેગોમાં બાંધવામાં આવેલી અનેક લોશોના વીડિયો વાયરલ થયા હતા. ઈરાનમાં ઈસ્લામિક પરંપરા મુજબ શબને દફનાવતાં પહેલા તેને સાબુ અને પાણીથી ધોવામાં આવે છે, પરંતુ શબો વિશે પુષ્ટિ થઈ રહી છે કે તેમના મોત કોરોના વાયરસથી થયા છે કે નહીં. જો એવું હશે તો દફનાવતી વખતે કેલ્શિયમ ઑક્સાઇડનો ઉપયોગ કરવામાં આવે છે જેથી તેનાથી માટી પર કોઈ અસર ન થાય. આ કારણથી શબઘરોની બહાર વાયરસના ટેસ્ટિંગમાં સમય લાગી રહ્યો હોવાથી શબોના ઢગલા થઈ ગયા.

#BREAKING: Video Show a hospital in the city of #Qom (#Iran) full of dead bodies, reporting numbers of dead past 1,200!

Iran has just arrested the man who took the video!#Corona #CoronavirusOutbreak #coronavirus #COVID2019 pic.twitter.com/YQIjzlBYql

— ISCResearch (@ISCResearch) March 4, 2020

આ પણ વાંચો, ચીનનો મોટો દાવો, અમેરિકન આર્મી કોરોના વાયરસને વુહાન લઈને આવી

કોરોનાનો હાહાકાર

ચીન બાદ, કોરોના વાયરસની સૌથી ખરાબ અસર ઈટલી (12,462 કેસ, 827 મોત), ઈરાન (10,000 કેસ, 429 મોત), દક્ષિણ કોરિયા (7,869 કેસ, 66 મોત) અને ફ્રાન્સ (2,281 કેસ, 48 મોત) પર પડી છે. ક્યૂબા અને જમૈકામાં પણ કોરોના વાયરસ સંક્રમણના કેસ સામે આવી રહ્યા છે.

આ પણ વાંચો, Coronavirus વૈશ્વિક મહામારી જાહેર, જાણો શું હોય છે મહામારી

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર