Salman Khan threat case: રાજસ્થાન સાથે જોડાયેલ હતા તાર, પોલીસ જોધપુર પહોંચી ધાકડરામ વિશ્નોઈની ધરપકડ કરી

જોધપુર : ફિલ્મ અભિનેતા (Salman Khan)સલમાન ખાનને ઈ-મેલ દ્વારા જાનથી મારી નાખવાની ધમકી આપવાના કેસમાં આરોપીઓની કડી (Jodhpur) જોધપુર સાથે જોડાયેલા હોવાનું જાણવા મળ્યું છે. જોધપુર અને મુંબઈ પોલીસે સંયુક્ત કાર્યવાહી કરીને આ સંબંધમાં જોધપુરના રોહિચા કલાનમાંથી એક આરોપીની ધરપકડ કરી છે. જોકે, હાલ જોધપુર પોલીસે આરોપીને મુંબઈ પોલીસને સોંપી દીધો છે. આ આરોપીની શોધમાં પંજાબ પોલીસ પણ એક વખત આવી ચુકી છે. એવું કહેવામાં આવી રહ્યું છે કે, તે પંજાબી ગાયક સિદ્વુ મુસેવાલાના પિતાને ધમકી આપવાના કેસમાં પણ વોન્ટેડ છે.

મુંબઈના બાંદ્રા પોલીસ સ્ટેશનમાં નોંધાયેલા કેસ નંબર 497/2023માં પોલીસે આરોપીને શોધી કાઢ્યો જેણે સલમાન ખાનને જાનથી મારી નાખવાની ધમકીભર્યો ઈ-મેલ મોકલ્યો હતો. તપાસ બાદ ખબર પડી કે, તેની કડીઓ રાજસ્થાન સાથે જોડાઈલી હતી. જેના પર મુંબઈ પોલીસે જોધપુર પોલીસની મદદથી ધાકડરામ વિશ્નોઈની ધરપકડ કરી હતી. ધાકડરામ વિશ્નોઈ જોધપુરના લુની પોલીસ સ્ટેશન વિસ્તારના સિયાગોના ઢાણી રોહિચા કલાનો રહેવાસી છે. આ બાબતને લઈને મુંબઈ પોલીસના આસિસ્ટન્ટ સબ ઈન્સ્પેક્ટર બજરંગ જગતાપ તેમની ટીમ સાથે લુની પોલીસ સ્ટેશન પહોંચ્યા હતા. બાદમાં જોધપુર પોલીસની મદદથી ધાકડરામને ઝડપી પાડવામાં આવ્યો હતો.

પંજાબ પોલીસ પણ ધાકડરામની શોધમાં આવી હતી

નોંધનીય છે કે, પંજાબના સદર માનસાના પોલીસ સ્ટેશન પણ આ આરોપીની શોધમાં આવ્યા હતા. જેમાં ધાકડરામ ગાયક સિદ્દુ મુસેવાલાના પિતાને ઈ-મેલ દ્વારા જાનથી મારી નાખવાની ધમકી આપવાના કેસમાં વોન્ટેડ હોવાનું કહેવાયું છે. જોકે, સોશિયલ મીડિયા પર ફિલ્મસ્ટાર સલમાન ખાન અને પંજાબી ગાયક સિદ્દુ મુસેવાલાના પિતાને જાનથી મારી નાખવાની ધમકી આપનાર આરોપીને પકડીને મુંબઈ પોલીસને હવાલે કરવામાં આવ્યો છે. જ્યારે પોલીસ દ્વારા આરોપીના ગુનાહિત રેકોર્ડની તપાસ કરવામાં આવી ત્યારે જાણવા મળ્યું કે, તેની સામે વર્ષ 2022માં જોધપુરના સરદારપુરામાં આર્મ્સ એક્ટનો કેસ નોંધવામાં આવ્યો હતો.

આ પણ વાંચો : દિવગંત સિંગર સિદ્ધુ મુસેવાલાના પિતાને, જાનથી મારી નાખવાની ધમકી મળી, કહ્યું, લોરેન્સનું નામ ન લો, નહીં તો...

લોરેન્સ ગેંગ સાથે વાયરને જોડી શકાય છે

લગભગ 22 વર્ષ પહેલા જોધપુરમાં હરણના શિકારની ઘટનાને અંજામ આપવામાં આવ્યા બાદ એક વખત લોરેન્સ બિશ્નોઈએ જોધપુર કોર્ટમાં સલમાન ખાનની હાજરી દરમિયાન જાનથી મારી નાખવાની ધમકી આપી હતી. જે બાદ સલમાનના એડવોકેટને પણ જાનથી મારી નાખવાની ધમકીનો મામલો પણ સામે આવ્યો હતો. હવે ફરી એકવાર, સલમાનને આરોપી ધાકડરામ દ્વારા ધમકી આપવામાં આવ્યા બાદ, લોરેન્સ બિશ્નોઈ સાથે તેનું કનેક્શન હોવાની શક્યતા છે.

પંજાબ પોલીસ ફરી લુની પહોંચી

મુંબઈ પોલીસ ધાકડરામમ લઈને બહાર આવી કે, તરત જ પંજાબ પોલીસ પણ ધાકડરામને લેવા લુની પહોંચી ગઈ. હવે પંજાબ પોલીસ પૂછપરછ માટે ધાકડરામને પણ પંજાબ લઈ જશે. પોલીસ કમિશનર રવિદત્ત ગૌડે જણાવ્યું કે, મુંબઈ પોલીસની સૂચના પર અમે તેને રોહિચા કલાનથી તેને સોંપી દીધો છે. ધરપકડ કરાયેલ ધાકડરામ વિશ્નોઈ તરફથી ઈ-મેલ દ્વારા ધમકી આપવાનો મામલો સામે આવ્યો છે. વિશ્નોઈએ ઈ-મેલ મોકલીને લખ્યું છે કે, જે હાલત સિદ્ધુ મુસેવાલાની થઈ હતી તેવી જ તમારી થશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Actor salman khan, Lawrence Bishnoi