Home /News /national-international /સેફ-ઝોન 'જમ્મુ' હવે નવો ટાર્ગેટ, શું આતંકવાદીઓએ બદલી લીધી છે રણનીતિ?

સેફ-ઝોન 'જમ્મુ' હવે નવો ટાર્ગેટ, શું આતંકવાદીઓએ બદલી લીધી છે રણનીતિ?

સેફ-ઝોન 'જમ્મુ' હવે નવો ટાર્ગેટ

જમ્મુ-કાશ્મીરમાં આતંકવાદી ઘટનાઓ અટકવાનું નામ નથી લઈ રહી. જણાવી દઈએ કે, આતંકવાદીઓએ આતંક ફેલાવવાની રણનીતિ બદલી છે. તેઓ હવે સેફ-ઝોન જમ્મુને નિશાન બનાવી રહ્યા છે. જમ્મુના ઈતિહાસમાં આવી ઘટનાઓ ક્યારેય બની નથી, જે છેલ્લા કેટલાક મહિનામાં બની છે. 1 જાન્યુઆરીએ રાજૌરી જિલ્લામાં આતંકવાદીઓએ ખુલ્લેઆમ ગોળીબાર કર્યો હતો, તેના એક દિવસ બાદ સોમવારે બીજો આતંકવાદી હુમલો થયો હતો.

વધુ જુઓ ...
  • News18 Gujarati
  • Last Updated :
  • Jammu and Kashmir, India
    શ્રીનગર: જમ્મુ-કાશ્મીરમાં આતંક ફેલાવવા માટે આતંકવાદીઓએ પોતાની રણનીતિ બદલી છે. તેઓએ હવે જમ્મુને નિશાન બનાવ્યું છે, જેને 'સેફ-ઝોન' માનવામાં આવે છે. તાજેતરની આતંકવાદી ગતિવિધિઓ, એન્કાઉન્ટર અને હુમલાઓ દર્શાવે છે કે, આતંકવાદીઓ જમ્મુ તરફ વળ્યા છે. સૂત્રોનું કહેવું છે કે, આતંકવાદીઓએ 1 જાન્યુઆરીએ રાજૌરી જિલ્લામાં ખુલ્લેઆમ ગોળીબાર કર્યો હતો, તેના એક દિવસ બાદ સોમવારે તે જ વિસ્તારમાં IED બ્લાસ્ટ થયો હતો. આ બધા જમ્મુમાં આતંકવાદીઓ સક્રિય હોવાના સંકેતો છે.

    આ  પણ વાંચો: આતંકવાદીઓએ 24 કલાકમાં બીજી વખત રાજૌરીમાં અંધાધૂંધ ફાયરિંગ કર્યું- 5ના મોત, 7 ઘાયલ

    સોમવારે થયેલા આ બ્લાસ્ટમાં એક બાળકનું મોત થયું હતું, જ્યારે 5 લોકો ઘાયલ થયા હતા. તે જ સમયે, એક વ્યક્તિની હાલત ગંભીર હોવાનું કહેવાય છે. આ સિવાય બીજી જગ્યાએ IED ફીટ કરવામાં આવ્યું હતું, જેને સેનાએ સમયસર હટાવી દીધું હતું. જમ્મુમાં સેના બહુ ઓછા ઓપરેશન કરે છે, પરંતુ છેલ્લા 15 મહિનામાં સૈનિકોએ અહીં સઘન સર્ચ ઓપરેશન ચલાવ્યું છે. આ સર્ચ ઓપરેશન દરમિયાન સેનાના અધિકારીઓ સહિત 10 જવાનોના મોત થયા છે. તે સમયે આતંકીઓએ CISFની બસને નિશાન બનાવી હતી. તેણે ઉધમપુરમાં વૈષ્ણોદેવી જતી બસ પર પણ બોમ્બથી હુમલો કર્યો હતો.

    સેના સતત વિસ્ફોટકો જપ્ત કરી રહી છે

    આટલું જ નહીં, જવાનો અહીંથી હથિયાર, વિસ્ફોટક, ગ્રેનેડ, IED, RDX સહિતની ઘણી વસ્તુઓ સતત જપ્ત કરી રહ્યાં છે. કહેવામાં આવી રહ્યું છે કે, જમ્મુમાં હત્યા કરતા પહેલા આતંકીઓએ લોકોના ઓળખ પત્ર જોઈને તેમની ઓળખ જાણી લીધી હતી. જણાવી દઈએ કે, અત્યાર સુધી જમ્મુને સેફ ઝોન માનવામાં આવતું હતું. પ્રવાસીઓ, સ્થાનિક નાગરિકો અને કાશ્મીરી પંડિતો અહીં સંપૂર્ણ રીતે સુરક્ષિત માનવામાં આવતા હતા. પરંતુ, આ દિશામાં આતંકવાદીઓના વલણને કારણે સેનાની ચિંતા વધી ગઈ છે.

    આ પણ વાંચો: જમ્મુ-કાશ્મીરમાં આ વર્ષે 93 એન્કાઉન્ટર, 172 આતંકવાદીઓ ઠાર, હવે શરૂ થશે મિશન

    હિંદુ કોલોની પાસે આતંકવાદીઓ માર્યા ગયા

    ગયા અઠવાડિયે જમ્મુ જિલ્લામાં સેનાએ ચાર આતંકવાદીઓને ઠાર કર્યા હતા. જે જગ્યાએ આતંકીઓને ઠાર કરવામાં આવ્યા તે જગ્યા જગતીમાં હિન્દુ કોલોની નજીક હતી. આ પહેલા સેનાએ ઉધમપુર જિલ્લામાંથી 15 કિલો IED, 300-400 ગ્રામ RDX જપ્ત કર્યું હતું. ગયા વર્ષે જમ્મુમાં આતંકવાદી ઘટનાઓ જોવા મળી હતી જે તેના ઈતિહાસમાં પહેલા ક્યારેય નહોતી થઈ. તે સમયે CISF જવાનની બસ અને વૈષ્ણોદેવી જતી બસ પર હુમલો કરવામાં આવ્યો હતો. રિપોર્ટમાં કહેવામાં આવ્યું છે કે વૈષ્ણોદેવી જતી બસમાં અચાનક આગ ફાટી નીકળી હતી. આ ઘટનામાં 4 લોકોના મોત થયા છે અને 22 લોકો ઘાયલ થયા છે. પ્રત્યક્ષદર્શીઓએ જણાવ્યું હતું કે રહસ્યમય વિસ્ફોટ બાદ બસમાં આગ લાગી હતી.
    Published by:Samrat Bauddh
    First published:

    Tags: Jammu Kashmir News, Terrorist Attacks, Terrorist Group

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन