Russia-Ukraine War: રશિયાની ધમકી - ત્રીજું વિશ્વયુદ્ધ થશે તો વિનાશક પરિણામ આવશે, પરમાણુ હથિયારોનો ઉપયોગ થશે

રશિયાના વિદેશ મંત્રી સર્ગેઈ લાવરોવે (Sargei Lavrov) બુધવારે કહ્યું છે કે જો ત્રીજું વિશ્વ યુદ્ધ (World War 3) થશે તો તેમાં પરમાણુ શસ્ત્રો સામેલ થશે અને તે વિનાશક હશે. રશિયન સમાચાર એજન્સી સ્પુતનિકે લાવરોવને ટાંકીને આ સમાચાર આપ્યા છે. રશિયા, જેણે ગત અઠવાડિયે યુક્રેન (Russia Attack Ukraine) સામે વિશેષ સૈન્ય કાર્યવાહી શરૂ કરી હતી. તેના વિદેશ પ્રધાન લાવરોવે કહ્યું હતું કે જો કિવ પરમાણુ હથિયાર પ્રાપ્ત કરશે તો તેમના દેશને "વાસ્તવિક ખતરા" નો સામનો કરવો પડશે.

પુતિને રશિયન પરમાણુ ટુકડીને સતર્ક રહેવાનો આદેશ આપ્યો છે

આ પહેલા રશિયાના રાષ્ટ્રપતિ વ્લાદિમીર પુતિને (Russian President Vladimir Putin) ન્યુક્લિયર ડિટરન્સ ફોર્સને એલર્ટ (Nuclear Deterrence Force) રહેવાનો આદેશ આપ્યો છે. યુક્રેન પર હુમલા પહેલા જ વ્લાદિમીર પુતિને પોતાના ભાષણમાં ધમકી આપી હતી કે જો કોઈ દેશે રશિયા અને યુક્રેનના મુદ્દામાં દખલ કરવાનો પ્રયાસ કર્યો તો તેને એટલી મોટી કિંમત ચૂકવવી પડશે, જેનો અંદાજ પણ નહીં હોય.

અત્યાર સુધીમાં લગભગ 5 મિલિયન યુક્રેનિયનો ભાગી ગયા છે

યુક્રેન પર આક્રમણ શરૂ કર્યાના એક અઠવાડિયા પછી રશિયાએ જણાવ્યું હતું કે તેની સેનાએ બુધવારે યુક્રેનના પ્રથમ મોટા શહેર ખેરસોન પર કબજો કર્યો હતો. આ યુદ્ધ જેમ જેમ આગળ વધે છે તેમ તેમ પશ્ચિમી દેશો અને અમેરિકાએ રશિયા પર વધુ કડક આર્થિક પ્રતિબંધો લાદવાનું શરૂ કરી દીધું છે. 24 ફેબ્રુઆરીએ રશિયન પ્રમુખ વ્લાદિમીર પુતિને તેમના દક્ષિણ પાડોશી પર આક્રમણ કરવાનો આદેશ આપ્યો ત્યારથી લગભગ 50 લાખ યુક્રેનિયનો ભાગી ગયા છે.

આ પણ વાંચો- Russia-Ukraine War: યુક્રેનમાં ફસાયેલા ભારતીય વિદ્યાર્થીની આપવીતી- ' અહીં સ્થિતિ ખુબ જ ખરાબ છે, અમને બચાવી લો

રશિયા આ યુદ્ધ માટે ભારે કિંમત ચૂકવશે: બાઇડેન

રશિયા યુક્રેનિયન શહેરો પર બોમ્બ ફેંકવાનું ચાલુ રાખ્યું છે, સોશિયલ મીડિયા પર પોસ્ટ કરાયેલા વીડિયોમાં ખાર્કિવ અને અન્ય શહેરોની આસપાસ મોટા પાયે નુકસાન પામેલી ઇમારતો દર્શાવવામાં આવી છે. યુએસ પ્રમુખ જો બાઇડેને તેમના સ્ટેટ ઑફ ધ યુનિયનના સંબોધનમાં કહ્યું, "તે (રશિયા) યુદ્ધના મેદાનમાં ક્ષણિક લાભ મેળવી શકે છે, પરંતુ તે લાંબા ગાળે આ યુદ્ધની ઊંચી કિંમત ચૂકવશે." તેમના લેખિત ભાષણની બાજુમાં જો બાઇડેને કહ્યું, "તે (રશિયા)ને હવે શું થવાનું છે તેનો કોઈ ખ્યાલ નથી."

ઝેલેન્સકીનો દાવો છે કે યુક્રેન 6000 રશિયન સૈનિકોને મારી નાખશે

કિવથી એક માઇલ ઉત્તરે યુક્રેનિયન સુરક્ષા દળોના ઉગ્ર પ્રતિકારનો સામનો કરીને રશિયન લશ્કરી કાફલાએ રાજધાની તરફ થોડી પ્રગતિ કરી છે. બુધવારે એક વીડિયો સંબોધનમાં યુક્રેનના રાષ્ટ્રપતિ વોલોડીમિર ઝેલેન્સકીએ કહ્યું કે મોસ્કોના આક્રમણના પ્રથમ છ દિવસમાં લગભગ 6,000 રશિયનો માર્યા ગયા. તેમણે કહ્યું કે ક્રેમલિન બોમ્બ અને હવાઈ હુમલાના આધારે યુક્રેન પર કબજો કરી શકશે નહીં.

આ પણ વાંચો- Mahendra Faldu Suicide case : મહેન્દ્ર ફળદુ આપઘાત કેસના તાર મંત્રી અને IAS, IPS સુધી જોડાયેલા છે? અંતિમ ચિટ્ઠીની પ્રેસ નોટ

જો બાઇડેન રશિયા સામે પ્રતિબંધો વધુ તીવ્ર કર્યા

અહીં જો બાઇડેને મોસ્કો પર અમેરિકી પ્રતિબંધો વધુ તીવ્ર કર્યા છે. યુરોપિયન યુનિયન અને કેનેડા બાદ અમેરિકાએ પણ રશિયન એરક્રાફ્ટ માટે પોતાની એરસ્પેસ બંધ કરી દીધી છે. જો બાઇડેને કહ્યું છે કે અમેરિકી ન્યાય વિભાગ પુતિન સાથેના સંબંધો ધરાવતા શ્રીમંત રશિયનોની યોટ્સ, લક્ઝરી એપાર્ટમેન્ટ્સ અને ખાનગી જેટને જપ્ત કરવાનો પ્રયાસ કરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Nuclear weapon, Russia, Russia and Ukraine War, Russia ukraine news, Russia-Ukraine Conflict, Russian Army, Russian president, Ukraine Russia War