Home /News /national-international /Russia-Ukraine War : રશિયાએ એક જ દિવસમાં 1100 હુમલા કર્યા, વાંચો યુક્રેન યુદ્ધના 10 અપડેટ

Russia-Ukraine War : રશિયાએ એક જ દિવસમાં 1100 હુમલા કર્યા, વાંચો યુક્રેન યુદ્ધના 10 અપડેટ

બુધવારે યુક્રેન પર એક જ દિવસમાં 1100 હુમલા કરવામાં આવ્યા હતા.

Russia-Ukraine War News: ક્રેમલિનની અંદરના કેટલાક અધિકારીઓ યુક્રેન પર હુમલો કરવાના રાષ્ટ્રપતિ પુતિનના નિર્ણય પર સવાલ ઉઠાવવાનું શરૂ કરી રહ્યા છે. એક અહેવાલમાં કહેવામાં આવ્યું છે કે સત્તાવાળાઓએ યુક્રેન પરના હુમલાને મોટી ભૂલ ગણાવી છે અને કહ્યું છે કે તે દેશને ઘણા વર્ષો પાછળ મૂકી દેશે.

વધુ જુઓ ...
    રશિયા અને યુક્રેન યુદ્ધને 56 દિવસ થઈ ગયા છે. યુક્રેનના મોટાભાગના શહેરો યુદ્ધમાં બરબાદ થઈ ગયા છે. રશિયન સેનાએ હુમલાઓ તેજ કરી દીધા છે. બુધવારે યુક્રેન પર એક જ દિવસમાં 1100 હુમલા કરવામાં આવ્યા હતા. રશિયાના રાષ્ટ્રપતિ વ્લાદિમીર પુતિને પૂર્વ યુક્રેનમાં ડોનબાસમાં 20,000 ભાડૂતી સૈનિકો તૈનાત કર્યા છે. રશિયાએ આ ભાડૂતી સૈનિકોને સીરિયા, લિબિયા અને જ્યોર્જિયાના વેગનર ગ્રૂપ દ્વારા તૈનાત કર્યા છે, જે તેની સેનાની અઘોષિત ટુકડી છે.

    આ દરમિયાન યુક્રેન પણ ભારે આર્થિક સંકટમાં ફસાઈ રહ્યું છે. IMFને આશંકા છે કે આ વર્ષે યુક્રેન પર તેના જીડીપીના 86% જેટલું વિદેશી દેવું હશે. દેશની બજેટ ખાધ 17.8% પર પહોંચી જશે.

    બુધવારથી ફિનલેન્ડની સંસદમાં નાટોમાં જોડાવાની ચર્ચા શરૂ થઈ હતી. ઝેલેસ્કીનું કહેવું છે કે તે મારીયુપોલમાં માર્યા ગયેલા રશિયન સૈનિકોના મૃતદેહોને રશિયા મોકલવા તૈયાર છે.

    યુક્રેન હુમલાને કારણે જાપાને રશિયા પાસેથી મોસ્ટ ફેવરિટ નેશનનો બિઝનેસ સ્ટેટસ છીનવી લીધો છે. રશિયન સરકારે યુક્રેનની 31 હસ્તીઓ પર 50 વર્ષ માટે પ્રતિબંધ મૂક્યો છે.

    યુએનના મહાસચિવ એન્ટોનિયો ગુટેરેસ સતત રશિયાને યુદ્ધ બંધ કરવા વિનંતી કરી રહ્યા છે. તેણે ફરી એકવાર રશિયાના રાષ્ટ્રપતિને યુદ્ધ ખતમ કરવા માટે રૂબરૂ બેસીને વાત કરવા વિનંતી કરી છે. આ સાથે યુક્રેનના રાષ્ટ્રપતિ વોલોદિમિર ઝેલેન્સકીએ પણ બેઠક માટે વિનંતી કરી હતી.

    ક્રેમલિનની અંદરના કેટલાક અધિકારીઓ યુક્રેન પર હુમલો કરવાના રાષ્ટ્રપતિ પુતિનના નિર્ણય પર સવાલ ઉઠાવવાનું શરૂ કરી રહ્યા છે. એક અહેવાલમાં કહેવામાં આવ્યું છે કે સત્તાવાળાઓએ યુક્રેન પરના હુમલાને મોટી ભૂલ ગણાવી છે અને કહ્યું છે કે તે દેશને ઘણા વર્ષો પાછળ મૂકી દેશે.

    લુહાન્સ્કના ગવર્નર સેરહી ગૈદાઈનું કહેવું છે કે 18 એપ્રિલે ક્રેમિના પર કબજો મેળવ્યા બાદ રશિયન દળો આગળ વધી રહ્યા છે. અત્યાર સુધી, રશિયન સેનાએ આ વિસ્તારના 80% પર કબજો કરી લીધો છે.

    યુક્રેનના ઓર્થોડોક્સ ચર્ચે રશિયન સૈન્યને 24 એપ્રિલ, ઇસ્ટર પર હુમલો રોકવા વિનંતી કરી છે. આ સાથે યુક્રેનના યુવાનોને યુદ્ધ વિસ્તારોમાં સેવા આપવાથી દૂર રહેવાની અપીલ કરવામાં આવી છે.

    આ પણ વાંચો - Russia Ukraine War : યુદ્ધને કારણે ટાટા સ્ટીલે રશિયા સાથેનો બિઝનેસ બંધ કર્યો

    રશિયાએ ઇન્ટરકોન્ટિનેન્ટલ બેલેસ્ટિક મિસાઇલ સરમતનું પણ સફળ પરીક્ષણ કર્યું છે. પરમાણુ હથિયાર લઈ જવામાં સક્ષમ સરમત મિસાઈલના પરીક્ષણ બાદ પુતિને પોતાના સંબોધનમાં કહ્યું હતું કે રશિયા પર હુમલો કરવાની યોજના ધરાવનાર કોઈપણ દેશે આવું કરવાનું વિચારવું જોઈએ નહીં.

    યુક્રેનના રાષ્ટ્રપતિ વોલોડીમિર ઝેલેન્સ્કીએ બુધવારે યુરોપિયન કાઉન્સિલના પ્રમુખ ચાર્લ્સ મિશેલ સાથે મુલાકાત કરી. રશિયા સાથેના સંઘર્ષ વચ્ચે યુક્રેનને સમર્થન આપવા બદલ યુરોપિયન યુનિયન (EU)ની પ્રશંસા કરી.

    આ પણ વાંચો - Sri Lanka Crisis : આર્થિક સંકટનો સામનો કરી રહેલા શ્રીલંકાને મદદ કરશે ચીન, દેવું ચૂકવવા અંગે સાધ્યું મૌન

    રશિયાના વિદેશ મંત્રીનું કહેવું છે કે આજે યુક્રેનમાં જે બન્યું છે તેની પાછળ અમેરિકા અને પશ્ચિમી દેશોની આખી દુનિયા પર રાજ કરવાની વિચારસરણી છે. આ તમામ દેશો મળીને યુક્રેનને ઉશ્કેરી રહ્યા છે. તેઓએ યુક્રેનમાં હથિયારોનો ઢગલો કર્યો છે.

    યુક્રેનની સેનાએ દાવો કર્યો છે કે રશિયાએ યુદ્ધમાં તેના 20,300 સૈનિકો ગુમાવ્યા છે. આ સિવાય અત્યાર સુધી રશિયન સેનાને ઘણું નુકસાન થયું છે. તે જ સમયે, રશિયાએ કિવ નજીક યુક્રેનની એક સૈન્ય ફેક્ટરીને નષ્ટ કરી દીધી છે.
    Published by:Bhavyata Gadkari
    First published:

    Tags: Russia and Ukraine War, Ukraine crisis

    विज्ञापन
    विज्ञापन