Rising India Summit 2023:: નીતિન ગડકરીએ કહ્યું, ભારત ટૂંક સમયમાં ઇંધણની નિકાસ કરતો દેશ બનશે

નવી દિલ્હી: ન્યૂઝ18 નેટવર્કના પ્રખ્યાત બે દિવસીય માર્કી લીડરશીપ કોન્ક્લેવ 'રાઈઝિંગ ઈન્ડિયા સમ્મેલન 2023'માં કેન્દ્રીય રોડ ટ્રાન્સપોર્ટ અને હાઈવે મંત્રી નીતિન ગડકરીએ બુધવારે કહ્યું કે, તે દિવસ દૂર નથી, જ્યારે દેશમાં હાઈડ્રોજન પાવર પર બસો દોડશે. તેમણે કહ્યું કે, ઈલેક્ટ્રોલાઈઝર બનાવવામાં ભારત નંબર વન દેશ છે. જણાવી દઈએ કે, આ દ્વારા હાઇડ્રોજનને પાણીથી અલગ કરવામાં આવે છે. આ ઉપરાંત કેન્દ્રીય મંત્રીએ કહ્યું કે, હાઈડ્રોજન ઈંધણનો ઉપયોગ કરીને અમે મુસાફરોને 2 કલાકમાં દિલ્હીથી હરિદ્વાર લઈ જઈ શકીશું, જેનાથી વિમાન પર લોકોની નિર્ભરતા ઓછી થશે.

રાઈઝિંગ ઈન્ડિયાના પ્લેટફોર્મ પર કેન્દ્રીય મંત્રી નીતિન ગડકરીએ કહ્યું કે, દિલ્હીથી જયપુર સુધી ઈલેક્ટ્રિક હાઈવે બનાવવામાં આવી રહ્યો છે, તેની પ્રક્રિયા ચાલી રહી છે. ડીઝલ બસ કરતાં ઇલેક્ટ્રિક બસ સસ્તી થશે. અમે ઉર્જા આયાતકાર નહીં, પરંતુ ઉર્જા નિકાસકાર બનીશું. અમે 25 ટિકિટના ભાવે કામ કરીને પણ નફો કમાઈ શકીએ છીએ. દિલ્હીમાં કચરાના બે પહાડ બન્યા છે, તેના રૂપાંતરનું કામ અમે કર્યું છે. અમે કચરાને રિસાયક્લિંગ કરીને હાઇવે બનાવ્યો છે.

આ પણ વાંચો: રાહુલ ગાંધી પાસે સુધારવાની તક હતી, પરંતુ....: વિદેશ પ્રધાન એસ. જયશંકર

RTOમાં મોટાભાગની પ્રક્રિયાઓ ઑનલાઇન: નીતિન ગડકરી

રાઈઝિંગ ઈન્ડિયાના પ્લેટફોર્મ પર કેન્દ્રીય મંત્રી નીતિન ગડકરીએ કહ્યું કે, ભ્રષ્ટાચારને રોકવા માટે અમે આરટીઓમાં તમામ પ્રક્રિયાઓ ઓનલાઈન કરી છે. લોકોની જાગૃતિ વધી રહી છે અને તેઓ અમને સપોર્ટ કરી રહ્યા છે.

#Exclusive: "Electric buses, trucks soon to be launched in India," says Union Minister @nitin_gadkari

Watch #News18RisingIndia LIVE | @KishoreAjwani pic.twitter.com/tC80zIHd6Z

— News18 (@CNNnews18) March 29, 2023

હાઇડ્રોજન ઇંધણનો ટૂંક સમયમાં ઉપયોગ થશેઃ નીતિન ગડકરી

ગડકરીએ કહ્યું કે, ઈલેક્ટ્રોલાઈઝર બનાવવામાં ભારત નંબર 1 દેશ છે, જેના દ્વારા હાઈડ્રોજનને પાણીથી અલગ કરવામાં આવે છે. અમે ટૂંક સમયમાં દરેક જગ્યાએ હાઇડ્રોજન ઇંધણનો ઉપયોગ કરીશું. વધુમાં તેમણે કહ્યું કે, બાયોગેસ બનાવવાની યોજના પર કામ ચાલી રહ્યું છે, હાઈડ્રોજનનો ઉપયોગ વધારવામાં આવશે.

રસ્તાના નિયમોનું પાલન કરવું જરૂરી છેઃ નીતિન ગડકરી

નીતિન ગડકરીએ કહ્યું કે, રોડ સંબંધિત કાયદાનું પાલન કરવું જરૂરી છે. દરેક વ્યક્તિએ માર્ગ સલામતી અંગે જાગૃત રહેવું જોઈએ. માર્ગ સુધરી રહ્યો છે. રોડ વિકાસ તરફ દોરી જાય છે, અમે શહેરો વચ્ચેનું અંતર ઘટાડી રહ્યા છીએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: #News18RisingIndia, News18 Rising India Summit, Nitin Gadkari