પાકિસ્તાનઃ પેશાવર બાદ ક્વેટામાં પોલીસ ચેકપોસ્ટ પાસે બોમ્બ વિસ્ફોટ, 2 સુરક્ષાકર્મીઓ સહિત 5 લોકો ઘાયલ

ક્વેટા: પાકિસ્તાનના કચ્છી જિલ્લામાં ક્વેટા-સિબી નેશનલ હાઈવે નજીક એક જોરદાર બોમ્બ વિસ્ફોટ થયો છે.. અહેવાલ મુજબ, એફસી મુસા ચોકી પાસે વિસ્ફોટમાં ઓછામાં ઓછા પાંચ લોકો ઘાયલ થયા છે. ત્યારે ડોન અખબાર અનુસાર, રસ્તાની બાજુમાં થયેલા વિસ્ફોટમાં બે સુરક્ષાકર્મી પણ ઘાયલ થયા છે. ઘાયલોને નજીકની જિલ્લા હોસ્પિટલમાં દાખલ કરવામાં આવ્યા છે. પોલીસ સૂત્રોના જણાવ્યા અનુસાર, વિસ્ફોટ સૌથી સુરક્ષિત વિસ્તાર ગણાતા પોલીસ હેડક્વાર્ટર અને ક્વેટા છાવણીની નજીક થયો હતો.

સર્ચ ઓપરેશન શરૂઃ અધિકારી

ડોનના અહેવાલ પ્રમાણે, અધિકારીઓએ જણાવ્યુ હતુ કે, ‘વિસ્ફોટ સમયે ફ્રન્ટિયર કોર્પ્સના જવાનો એક અધિકારીના વાહનની રક્ષા કરી રહ્યા હતા. સમગ્ર વિસ્તારમાં ચુસ્ત સુરક્ષા બંદોબસ્ત ગોઠવી દેવામાં આવ્યો છે અને ગુનેગારોને શોધવા માટે સર્ચ ઓપરેશન શરૂ કરી દીધું છે. ત્યારે વિસ્ફોટ પછીનો વીડિયો સોશિયલ મીડિયા પર વાયરલ થયો છે. પરંતુ હુમલામાં ઘાયલ થયેલા લોકોની સંપૂર્ણ વિગતો હજી મળી શકી નથી, હજુ વધુ માહિતીની રાહ જોવાઈ રહી છે.’

Reports of multiple injuries in a bomb blast in highly secure area of Quetta near the Police headquarters and entrance of Quetta Cantonment. The city is under strict security due to a PSL cricket match. pic.twitter.com/lZcfn1VQRU

— The Balochistan Post - English (@TBPEnglish) February 5, 2023

ઉલ્લેખનીય છે કે, થોડા દિવસ પહેલાં જ પેશાવરની એક મસ્જિદ પર પણ વિસ્ફોટ કરવામાં આવ્યો હતો. તે હુમલામાં 101 લોકો માર્યા ગયા હતા, જેમાં મોટાભાગના (97) પોલીસકર્મીઓ સામેલ હતા. આ હુમલાઓ પાકિસ્તાની તાલિબાન દ્વારા કરવામાં આવી રહ્યા છે, જેને તેહરીક-એ-તાલિબાન પાકિસ્તાન (TTP) તરીકે પણ ઓળખવામાં આવે છે. આ હુમલાઓમાં આ આતંકવાદી સંગઠનો નાગરિકોને નહીં પરંતુ પાકિસ્તાની સુરક્ષાકર્મીઓ અને સેનાના જવાનોને નિશાન બનાવી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Pakistan news, Suicide Bomb Blast