રશિયાના 5 લોકોની દર્દનાક કહાણી: 5 મહિનાથી એરપોર્ટને બનાવ્યું ઘર, દિવસમાં એક જ વાર જમે છે!

નવી દિલ્હીઃ રશિયા અને યુક્રેન વચ્ચે ચાલી રહેલા યુદ્ધમાં સામાન્ય લોકોનું જીવન ખરાબ રીતે પ્રભાવિત થયું છે. આના અનેક ઉદાહરણો સામે આવતા રહે છે. આ એપિસોડમાં વધુ એક નવો કિસ્સો સામે આવ્યો છે. જેમાં 5 યુવકો રશિયાથી ભાગી ગયા હતા અને છેલ્લા 5 મહિનાથી દક્ષિણ કોરિયાના ઇન્ટરનેશનલ એરપોર્ટ પર છુપાયેલા હતા. પાંચેય યુવકો છેલ્લા 5 મહિનાથી માત્ર એક જ વાર ભોજન લેતા હતા. આ પાંચેય લોકો સપ્ટેમ્બર 2022માં જ્યારે રશિયાએ યુદ્ધ લડવા માટે સામાન્ય લોકોને સેનામાં મોકલવાનું શરૂ કર્યું, ત્યારે તેઓ કોઈક રીતે દક્ષિણ કોરિયા પહોંચવામાં સફળ થયા.

તેમને શરણાર્થી તરીકે સ્વીકારવાનો ઈનકાર

બીજી તરફ દક્ષિણ કોરિયાના ન્યાય મંત્રાલયે આ યુવાનોને શરણાર્થી તરીકે સ્વીકારવાની ના કહી દીધી છે. ન્યાય મંત્રાલયે જણાવ્યું હતું કે, આ યુવાનોની અરજીઓ ફગાવી દેવામાં આવી નથી. કારણ કે, તેઓએ એકત્રીકરણમાં ભાગ લેવાનો ઇનકાર કર્યો હતો. તેમની શરતો વિશે બોલતા તેમના વકીલ લી જોંગ-ચાને સીએનએનને કહ્યું, ‘તેમને દિવસમાં એક જ વાર ભોજન આપવામાં આવે છે અને બાકીનો સમય તેઓ બ્રેડ અને પાણી પર જીવે છે.’

આ પણ વાંચોઃ ઓરિસ્સાના આરોગ્ય મંત્રી નબ કિશોર દાસનું નિધન

યુવાનો પાસે આરોગ્યની સુવિધા ઓછી

તેમણે કહ્યું કે, પુરુષો સ્નાન કરી શકે છે પરંતુ તેમણે કપડાં હાથથી ધોવા પડે છે. આ સાથે તે પણ જણાવવામાં આવ્યું હતું કે, એરપોર્ટ પર હાજર હોય ત્યાં સુધી માત્ર પ્રસ્થાન અને ડ્યુટી ફ્રી એરિયા સુધી મર્યાદિત જગ્યામાં જ રહેવા મળે છે. તેમના વકીલે જણાવ્યું હતું કે, તે પાંચ યુવાનો પાસે ખૂબ જ ઓછી તબીબી સુવિધાઓ છે અને માનસિક સ્વાસ્થ્ય સંભાળ માટે કોઈ વ્યવસ્થા નથી, જે ખૂબ જ મહત્વપૂર્ણ છે. ઓક્ટોબર મહિનામાં ત્રણ યુવકો આવ્યા હતા. જ્યારે બે યુવકો નવેમ્બર માસમાં આવ્યા હતા.

મોબિલાઇઝેશનનો રશિયામાં ઉગ્ર વિરોધ

આમ જોવા જઈએ તો, યુક્રેન સામે લડવા માટે રશિયન નાગરિકોના આંશિક એકત્રીકરણને કારણે ખૂબ જ વિરોધ થયો હતો અને સામુહિક હિજરત કરવાનો વખત આવી ગયો હતો. ઘણાં લોકોએ દેશ છોડીને ભાગવાનો પ્રયાસ પણ કર્યો. CNN દ્વારા અહેવાલના આંકડા અનુસાર, 20 લાખથી વધુ લોકો જ્યોર્જિયા અને કઝાકિસ્તાનમાં ભાગી ગયા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Russia ukrain crisis, Russia ukraine crisis, Russia Ukraine Latest News, Russia ukraine war