Vaccine for Lampi Virus: પશુપાલકો માટે રાહતના સમાચાર, ભારતીય વૈજ્ઞાનિકોએ લમ્પી સ્કીન રોગ માટે રસી વિકસાવી

નવી દિલ્હીઃ ઈન્ડિયન કાઉન્સિલ ઓફ એગ્રી કલ્ચર રિસર્ચને વિશ્વાસ છે કે ‘ચાર પાંચ મહિના’માં પશુઓને સંક્રમિત કરનારા લમ્પી સ્કિન રોગના વાઈરસ સામે લમ્પી-પ્રોવેકઇન્ડ વેક્સિન માર્કેટમાં મળશે. આઈસીએઆરના ડેપ્યૂટી ડાયરેક્ટર જનરલ (પશુ વિજ્ઞાન) ભૂપેન્દ્રનાથ ત્રિપાઠીએ ઈન્ડિન એક્સપ્રેસને જણાવ્યુ હતુ કે, ‘એગ્રીનોવેટ ઈન્ડિયા, જે આપણી સંસ્થાઓ દ્વારા વિકસિત ઉત્પાદનો અને ટેકનોલોજી માટે વેપારીકરણ શાખા છે, તેણે ગયા સપ્તાહે એક્સપ્રેશન ઓફ ઈન્ટરેસ્ટ ડોક્યુમેન્ટ રજૂ કર્યા હતા. ત્રણ કંપનીઓએ પહેલેથી જ રસ દાખવ્યો છે.’ Lumpi-ProVacInd – હિસાર, હરિયાણામાં ICARના નેશનલ રિસર્ચ સેન્ટર ઓન ઇક્વિન્સ (NRCE) અને ઈજ્જતનગર, યૂપીમાં ઈન્ડિયન વેટરનરી રિસર્ચ ઈન્સ્ટીટ્યૂટ (IVRI) દ્વારા સંયુક્ત રીતે વિકસિત - એક લાઈવ વેક્સિન છે, જે વાઈરસની અસરને ઘટાડે છે. આ ક્ષયરોગ, શરીર પર ગઠ્ઠા થવાનો રોગ, કન્ઠમાળા અને રૂબેલાની સામે ઉપયોગમાં લેવામાં આવતી વેક્સિન છે.

વિષમલિંગી રસીઓ માત્ર ક્રોસ પ્રોટેક્શન આપે છે

ત્રિપાઠીએ સમજાવ્યુ હતુ કે, ‘આ પણ સમજાતીય વેક્સિન છે, જે પશુઓમાં એલએસડીની સામે 100 ટકા સુરક્ષા આપે છે. હાલ તો આપણે માત્ર Goat Pox અને Sheep Pox (બકરીઓ અને ઘેટાંને થનારી ચેપી બીમારી) વાઈરસ માટે રસીઓ લગાવી રહ્યા છીએ. આ એક કેપ્રિપોક્સ વાઈરસ જિનસ સાથે સંબંધિત ત્રણ વાઈરસ પર આધારિત વિષમલિંગી રસીઓ છે, જે એલએસડીની સામે પશુઓને માત્ર ક્રોસ-પ્રોટેક્શન આપે છે. જો કે કોવિડ-19ના કેસમાં કોવેક્સિન જેવી નિષ્ક્રિય રસીઓનો ઉપયોગ કરવામાં આવ્યો હતો. કેપ્રિપોક્સ વાઈરસની સામે માત્ર 5-6 મહિનાની અસકારકતા સાથે આ ઓછી પ્રભાવી છે. આ કારણે એલએસડી માટે એક લાઈવ અટેન્યુએટેડ વેક્સિનનો વિકલ્પ પસંદ કરવામાં આવ્યો.

આ પણ વાંચોઃ પ્રાણીઓ માટે લોન્ચ થઈ કોરોનાની પ્રથમ વેક્સિન

ભારતમાં LSDએ લગભગ 11.21 લાભ પશુઓને સંક્રમિત કર્યા છે

સત્તાવાર આંકડા અનુસાર, ભારતમાં એલએસડીએ લગભગ 11.21 લાખ પશુઓને સંક્રમિત કર્યા છે અને 31 ઓગસ્ટ સુધી આખા દેશમાં 49,628 પશુઓના આ વાઈરસથી સંક્રમિત થવાને કારણે મોત થયા છે. આ વાઈરસ મુખ્યત્વે માખી, મચ્છર અને નાના જીવજંતુના કરડવાથી ફેલાય છે. તેમાં તાવ આવવો, ભૂખ ન લાગવી, નાક અને આંખોમાંથી પાણી નીકળવું, વધારે લાળ આવવી, ચામડી પર ફોલ્લીઓ થવી, ચામડી ફાટવી અને સોજો આવવા જેવાં લક્ષણો દેખાય છે. અત્યાર સુધી 12 રાજ્યોમાં આ વાઈરસથી પશુઓના સંક્રમિત થવાની માહિતી મળી છે. જેમાં રાજસ્થાન (31 જિલ્લા), ગુજરાત (26), પંજાબ (24), હરિયાણા (22), ઉત્તરપ્રદેશ (21), જમ્મુ અને કશ્મીર (18), હિમાચલ પ્રદેશ (9), મધ્યપ્રદેશ (5), ઉત્તરાખંડ (4), ગોવા (1), અંદમાન અને નિકોબાદ દ્વીપ સમૂહ (1)નો સમાવેશ થાય છે.

આ પણ વાંચોઃ ભારતે રચ્યો ઇતિહાસ, 18 મહિનામાં 200 કરોડ વેક્સીનેશન

પશુધનગણના 2019 અનુસાર ભારતમાં કુલ 193.46 લાખ પશુ

જો કે, Lumpi-ProVacInd વેક્સિનનું વ્યવસાયિક સ્તર પર ઉત્પાદન એક પડકાર બની રહેશે. પ્રમુખ પશુ ચિક્ત્સા વેક્સીન નિર્માતાઓમાં ઈન્ડિયન ઈમ્યુનોલોજિકલ્સ લિમિટેડ, હેસ્ટર બાયોસાઇંસેજ, બ્રિલિયન્ટ બાયો ફાર્મા, એમએસડી એનિમલ હેલ્થ અને બાયોવેઈટ પ્રાઈવેટ લિમિટેડનો સમાવેશ થાય છે. પહેલી બે કંપનીઓ પશુઓમાં એલએસડીની સામે પહેલેથી જ Goat Pox અને Sheep Poxની વેક્સિનનો સપ્લાય કરી રહી છે. અત્યાર સુધી દેશમાં લગભગ 65.17 લાખ ડોઝ અપાઈ ચૂક્યાં છે. 2019ની પશુધનગણના અનુસાર, ભારતમાં પશુઓની આબાદી 193.46 લાખ છે. ત્રિપાઠીના કહ્યા અનુસાર, હર્ડ ઈમ્યુનિટી સુધી પહોંચવા માટે અંદાજે 80 ટકા પશુઓને આ વેક્સિનમાં આવરી લેવામાં આવશે. આદર્શ રીતે એક એવી રસીના માધ્યમથી જે માત્ર આંશિક નહિ પરંતુ પૂર્ણ સુરક્ષા પ્રદાન કરશે. એવામાં Lumpi-ProVacInd વેક્સિનનું આટલા મોટા પ્રમાણમાં ઉત્પાદન એક પડકાર છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Lampi Virus, Vaccine, Virus